من الاطباق الإيطاليه المشهوره لازانيا سلطة معكرونه التراميسو 2024.

[ اللزانيا ]

المقادير ..

1- شرايح عجين لازانيا ..
2- صدر دجاج + ثلاث ملاعق فطر
3- ملح + فلفل + ماجي + صلصه
4- كاس كريم خفق + علبه قشطه
5- بصل + ثوم + فلفل اخضر

الطريقه..

1- نقطع البصل والثوم والفلفل البارد .. ونحط عليهم 2 ملعقه زيت ونحمسهم .. ثم نضيف لهم الدجاج والفطر والصلصه والماجي ..ورشه ملح مع فلفل ..

2- نسلق اللزانيا بمويه ورشه ملح وملعقه زيت ..

3- نخلط القشطه مع كريمه الخفق .. ونجهز حشوه الدجاج .. وجبن موزريلا …

4- نحط طبقه لازانيا ثم حشوه دجاج ثم لازانيا وهكذا [ انا سويتها 3 طبقات ]

5- نضيف عليها القشطه ع الوجه ثم جبنه موزريلا .. وندخلها الفرن من تحت ربع ساعه ..

ونطلعها من الفرن ونقدمها ..

وعلى السفره ..

[سلطه مكرونه ]

المقادير ..

1- خيار + جزر + فلفل بارد احمر واصفر + جرجير+ ملفوف صيني او خس
2- كاس مكرونه
3-حبه بطاطس + حبه بادنجان
4- مايونيز + تتبيله السلطه الجاهزه <- مهوب ضروري الصوص

الطريقه ..

1- نقطع البطاطس والبادنجان مع ربع فلفل بارد ونقليه .. ونسلق المكرونه مع رشة ملح ..

2- قطعي الخضار على ذوقك ..

3- نخلط المكرونه مع الخضار والبطاطس والبادنجان .. ونقدم معاها مايونيز وصوص السلطه الجاهز .. ونخليه على جنب والي يبي يحط له عشان ماتذبل .. وبالعافيه

لازانيا و سلطه وصحه ع آلبكم

[ التراميسو ]

المقادير ..

1- بسكوت دايجستف

2-كاس كريمه خفق + 4 حبات جبن كيري + علبه حليب مركز

3- ملعقه نسكافه + كاكاو بودره

الطريقه ..

1- نجهز صحون التقديم والبسكوت .. ونخلط ملعقه نسكافه مع بياله مويه ..

2- نحط بسكوته بالصحن ونرشها بمويه النسكافه ..

3- نخلط الحليب .. مع كريمه الخفق و الجبن ..

4- نحط فوق كل بسكوته ملعقتين من الخلطه .. ثم بسكوته ونسكافه وخلطه [ طبقتين ]

5- نرشها ببودره الكاكاو ..

وندخلها الفريزر ساعه ..

وبعد ساعه نقدمها

[ صحتين ع البكم ]