الوسم: الضيقه

يسلموووو ع الابداع والكلمات الجميلة

صحيح تحمل معها الحزن لكان جميلة بسياقتها

ابداااع كبير يسكن كلماااتك
تجاوزت كل حدود من كل ابداااع
لك مني الف تحية

يسسلموو موفق

يسلمووو
قوووت القلوب نورت خواطري بوجودك

يسلموووو
صاحب الفخامة نورت خواطري بوجودك

يسلموووو
ميزو ع مرورك نورت خواطري بوجودك

أبي أبكي من الضيقه وابعزف للهموم ألحــــان
أبي أطلق مواويل الحزن وبطرح كل دواويني

يسلمو

كلامت راأأأئعة تسلم ْ الايادى

يسلموو
الجمال الباكي نورت صفحتي بوجودك

ابيات راقت لي انا ايضاً عزيزتي جزيره

كوني مبدعه دوما ما ننحرم طلتك يا الغلا

ردي الحظ مايفرح ليامني لقيت افراح
تقول انه مع همي موقع اتفاقيه..

اكن الهم من صغري وسدي للبشر ماباح
ولكن بان في وجهي من الصكات ماريه,,,

صدوف الوقت ماترحم ولكن العلم ماطاح
وراسي مارضى ذله ولو عيني شقاويه…

تهب الريح في دربي واخيل البارق الي لاح
مع انه مالحقني من مزونه غير محقيه

صح لسسانك جزيره لاهنتي وتسسلمين على الطرح

تقبلي مروري

هلا

جزوووووووووووووو

يسلموووو ع القصيدة الجميلة

تحياتي

هلا وغلا حبايبي واسعدني مروركم العطر والرائع

ويعطيكم العافيه

يسلمووو اسير

لاانحرمت من تواجدكم الراقي

مودتي

السلام عليكم ورحمة الله وبركاته

الضيقة اللـي مالهـا حـزه ولا منهـا مصـد….أخـاف ساعـات العصيـر المقبلـه تاتيبهـا
يالله دخيلك من قسـى وقتـي وحـظٍ ماصمـد…في وجه صكـات اليالـي يـوم يقنـب ذيبهـا
واعوذ بك من فتنة الدنيا ومـن ضيـق اللحـد…واسئلك عن نفسي مـن الشيطـان لايغويبهـا
وسئلـك تفغرلـي ولصحابـي ولعدائـي بعـد…تعفو عن ذنوبٍ نجـي فيهـا وحـن ندريبهـا
الوقت يشعاني على الطرقه وانـا مافـي جهـد….شهب اليالي تقهـر صـدور الرجـال بغيبهـا
لكن انا لـو جـارت ضروفـي وزادت بالعـدد….اضرب بها الحايط طناخـة راس ولا اشكيبهـا
واعز نفسي مع مداغيـش النشامـا واجتهـد….على ظـروفٍ تجلـب الضيقـه ولا تسريبهـا
والبارحه في راس مشرافـي ولا افكـر فأحـد….كنـي ملكـت الأرض مـن شروقهـا لمغيبهـا
قعدت افكر فالسنين اللي مضـت واللـي بعـد….ليييه السنين التاليه تفشـل ويفشـل صيبهـا
وليه الرفيق اللـي ليـا منـه تجمـل ماجحـد….ان ماذكرها لك .. مـع كـل العـرب يحكيبهـا
ياحيف يارفقة ضعيـف النفـس مافيهـا سنـد….مالله بجابرني علـى رفقتـك ويـش ابغيبهـا
لاسرت تطعننـي بشلفـاك الرهيفـه وتخمـد….فـالطعنه اللي فـالظهر مانيب مـن يغزيبهـا
لو دامت افعالـك كـذا ردت لـك الدنيـا لـدد…حافظ علـى سمعتـك مـن فعلتـك لاتقفيبهـا
الرجـل لامنـه نـوى يغـزي ينـوّه ويهجـد….ماهوب يغزي وان رجع هزل العلـوم يجيبهـا
لكـن ياطلـق الحجـاج اللـي عيونـك ماتلـد….الا لـروس النايفـات اللـي مهـو يبديبـهـا
كون الحرار الشقر وعيـال الذيابـه والأسـد….ولا الرجال اللي مـع العريـف يذكـر طيبهـا
اسئل رفيقك من بعد مغـزاه قلـه وش حصـد….غير العلوم اللي ماتطلق وجـه مـن يمشيبهـا
عزالله انه كان فـعيـون النشامـا مثـل اُحـد….واليوم مثـل الحيـة اللـي تنعـرف بجنيبهـا
حاولت اكذب بالخبر لكـن علـى غمـي وكـد….والسالفـه قـام الزمـان المنحـرف يدويبهـا
لكن على كلاً ياحامد كانـك بتاتـي .. حمـد!!….قله ترا البندق مـن المؤسـف تثـور بجيبهـا
البندق اللي ماتصوب كـون ابـن عـم وولـد…عيبٍ علـى الرجـال ينقلهـا ويجهـل عيبهـا
لاسارت البندق مع عاقـل وهـي فيهـا صـدد….كبرت خسايرهـا عليـه اليـا قعـد يرميبهـا
وشلون لاسارت مع جاهـل وفعيونـه رمـد!!….لاوالله الا راحـت الدنيـا وراح اللـي بـهـا
رفقـة مثـل هـذا وهـذا كلهـا كيـد ونكـد….ولا تـحـرا مـنّـه الا نكـبـةٍ يضويبـهـا
ماكنه الا العقـرب اللـي ذيلهـا كلهـا عقـد….ان روّعتـك بزولهـا ولا قـرصـك ذنيبـهـا
لكـن تعـال اعلمـك ياصـاح بعلـومٍ جــدد….لو تزعلك بعض النقط… لايزعلك نطقي بهـا
اشره على العاقل ليا شفتـه بجرحـي يعتمـد…..ولا العلـوم الباقيـه مانيـب مـن يحريبـهـا
البيت مايبنى بـدون اطناب..وحجاب..وعمـد….والنـار مـن شبابهـا والخيـل مـن ركيبهـا
وأنا عيوني لـالطليعا فـوق ..معطتنـي عهـد….والأرض تكـره مشيتـي وانـا بعـد ماليبهـا
لاسار في راسي سحابة شعر.وبروق.. ورعـد….وشلون تبغى الأرض تصفالي وانـا موذيبهـا
شاعر واشوش لصيحة الجمهور وانحت في جلد….وان صفق الجمهور جزلات البيـوت ارهيبهـا
اغزي على بيت الشعر في عقر داره ويهجـد….من هيبتي عنده بيوت الشعـر لـي يصخيبهـا
كذا كذا الشاعر يجـي فـالشعـر قمـه للأبـد…..ولا بـلاش يلخبـك الأبـيـات ويهذريبـهـا
الشعر مثل الموج ودقاق الشعـر مثـل الزبـد….ولا الدرر في غبـةٍ بعـض الرجـال تهيبهـا
وانا بحـاول قـدر الأمكـان اتعمـق وابتعـد….وان قلت لك باجيبها … في ذا الشنب لاجيبهـا
شاعر مفوّه واسبـح الغبـه وابشـر بالسعـد…..واكسب دررها كسب.مابيّـع بهـا واشريبهـا
لأن الشعر مثل البلـد وانـا مثـل حاكـم بلـد….وبلادي اسجـل تواقيعـي بهـا واسمـي بهـا
وانا فقط شاعر ولا ابغى لي بلـد لـو تنّوجـد….ابلادي حروف القصيد اصبح بهـا وأمسيبهـا
واسجد لوجه الله واقول ارجوك يافـردٍ صمـد….تعفو عن ذنوبٍ نجي فيها وحـن نـدري بهـا

وسلامة قلب من تابع ولاهان ناظره

معــاندك ياحب
قمة الأبداع وروووووعة بالنقل الممــيز
صــ لساااانك ــح وعــ بالخــير ـــلا شاااانك ولاهنت
يعطيك العافية يارب

قصـــــيدة رائـــــعهـ أعجبتــــني

أبي ابكي من الضيقة وابعزف للهموم ألحان
أبي اطلق مواويل الحزن وبطرح كل دواويني

أبي أشكي أبي احكي ابوصف للبشر حرمان
أبيهم كلهم يدرون أبيهم يشعروا فيني

أبي لا من طرى اسمي بكى من لوعتي شيبان
أبي لامن طرى"عاشق" ذكر من كان يغليني

أبيهم يذكرون أني صرت بدمعتي غرقان
أبيهم يعرفون الهم هواللي صار يخاويني

أبي أصرخ وأبلغهم وأقول أن الفرح خوّان
يجي مرة معاي و هو طول العمر ناسيني

أبي اترك لهم قصة وأخيّرهم على العنوان
يسمّوا "حزن "يحطوا "دمع" ..ما عاد يعنيني

أبي لامن وصل صوتي يحس بضيقتي إنسان
أبي لامن نزف جرحي لقيت اللي يداويني

أبي شخص يجي يمي و يقفل للعنا بيبان
أبيه يكون لي خلٍ وعلى حزني يواسيني

أبيه لمركبي مرسى وأبيه لغربتي أوطان
أبي لامن ذرفت الدمع لقيته لي يعزّيني

أنا ما أبيه يصبح ضلع أبيه يكون لي ضلعان
أبي لا من مشيت وطحت يحط يديه في يديني

إلامن خانني التعبير أبيه يكون لي لسان
أبي لامن سكتْ ألقاه ..يفهم من نظر عيني

أبي لا من تعبت وضقت يلم الروح بالأحضان
أبيه يكون لي كتاب إذا ضاعت عناويني

أبي أعشق وأبي أغرم وببني للهوى بنيان
أبيه يكون مبنى ضخم ويسكن فيه مغليني

أبي واحد يسكن بي وابطرد لأجله السكّان
أبي يسكن وسط قلبي وعمره ما يخليني

أبي أشعل شموع الحب وبأعطي من الغلا بستان
أبي أهديه باقة ورد ..مسقيها شراييني .

أبي لا من طرى اسمي بكى من لوعتي شيبان
أبي لامن طرى"عاشق" ذكر من كان يغليني

الغلا,,,

كلمات رائعة بروووعتك

خاطرة مميزة

تحياتي,,,

صح لسانك

قصيده جميله

يعطيك العافيه

على الطرح الجميل

تحيتي لك ,,,,,,,,,

اعتذر لنقلها لهمس القوافي لانها قافيه وليست خاطره هنا القسم للمنثور

أبي أصرخ وأبلغهم وأقول أن الفرح خوّان
يجي مرة معاي و هو طول العمر ناسيني
الغلا يسلموو …
كلمات رائعه كروعة كاتبها