انتي غير الناس 2024.

أنتي ..
انتي غير الناس .. أنتي
انتي محدٍ يشبهك فمرايتك
الا عيونك ..
انتي ..
من يقدر يخونك ؟!!
علميني .. كيف اسافر في تضاريس التناهيد الحزينه ؟!
وكيف اشوفك في عيوني
طفلة .. ترسم مراجيح المدينه ..
… في يديني
علميني ….؟!!
كيف يجمعنا وطن ..؟!
وكيف يبعدنا … زمن ؟
وكيف ادافع عن خفوقي …
من طعونك ؟!
لو هجرتك …….
وش يردك في حياتي ….
غيرك أنتي ؟!
ولو سهرتك ..
وش يذكرني بليلك …
غير صمتي
جيت متنكر ….
لبست جروح غيري !!
ولما صار الحلم يكبر ..
قمت ادور عن مصيري ..
علميني …
كيف يبقى الجرح نفس الجرح في كل الأماكن ؟
كيف صار الورد …. داكن ؟
لو سمحتي …
ممكن افتح نافذة هذا الحزن ..
وابحث في جبينك …
عن علاقة تربط التاريخ …. بالجغرافيا
…. والحروف الابجديه
من الألف ……………. للياء
وعن نقوش ثموديه تشبه الحناء …
…….. وحنا والطفوله …..
وعن أساور ….. تلبسك
في معصمك …. أو تلبسيها
علميني ….. وعلميها
*********
علميني …..
كيف تجمعنا خطوط الطول من خلف الحنايا
وابحث اكثر في دوائر عرض (…) عن زوايا
انتي لما تضحكين ….
الشمس تشرق من شفاهك ..
ولما ابكي …
في متاهك ……
وماقدرت اني افرق بين آهاتي … وآهك
تنطفين …….
ويختفي العالم … ورايا
***********
علميني ..أي معنى للكتابه
لجل اخربش .. في كراريس العلوم
قصة الجرح الطفولي
واذكر اول طاوله … فيها
كتبت اسمك … مع اسمي
وانجرح في داخلي ..
والجرح وهمي ؟!!!
طفل …. مجنون فهوى طفله ..
من ايام الدراسه …
مدرسة حب النهاية …
وكيف كنت املا فراغي ..
….. كنت ماخذها وناسه
بس ابي اريح دماغي ؟!!
وأسئليني …. لو بكيتي
ليه كنت اطفي قناديلك …
لجل اخبي لك …. مناديلك
لما شفت الارض … من حولك تدور ..
والكواكب …
تبتعد كل الكواكب … عن مداراتي
وتتركني غيور …..
علميني
*********
كيف اعد ايام عمري … بين اصابيعك
والاقي خاتمك يطوي سنيني
كيف اواجه دمعتينك …
لما يخذلني حنيني …
ولما يجمعني حديث جانبي …
في أي مقهى ؟؟!!
*****
تعرفين ….
اني تخيلتك عروس ..
واحترقت اكثر … وطاردت الهجوس
اتركي لي …. أي لحظه …
آخذ انفاسي بها ……
وأبدا اخونك ….
مع عيونك ….
آآآآه … يآخر محطات اشتياقي …
وكلي الباقي …
كيف اجاهد في عيونك
واعلن اضرابي .. عن .. الحب .. بدونك ؟!!
ثائر .. مرتد
جيت اعلن ولائي
وأنتي اعلنتي احتراقي …
علميني ….
******
كيف اقول انك شبيهة هالمرايا …
وأنتي غير الناس …
انتي …
انتي كل الناس ….
انتي …
انتي محد يشبهك …
لا المرايا …
لا الهدايا ……..
لا الطفوله …..
بس …. أنتي ؟!!

قرأت كلامات جميلة
ومعانى معبرة ورااااااائع يالغلا
بروعة حضورك
الله يعطيك الف عاافية
سلمت يدااااااااك

انتي محد يشبهك …
لا المرايا …
لا الهدايا ……..
لا الطفوله …..
بس …. أنتي ؟!!

تحيتي لك

اقتباس:

المشاركة الأصلية كتبت بواسطة أمـــــ الغلا ـــــيرة قرأت كلامات جميلة ومعانى معبرة ورااااااائع يالغلا بروعة حضورك الله يعطيك الف عاافية سلمت يدااااااااك

ولك مني كل الود والاحتراام

*•~-.¸¸,.-~*GENTEL*•~-.¸¸,.-~*

اقتباس:

المشاركة الأصلية كتبت بواسطة ساحر القلوب انتي محد يشبهك … لا المرايا … لا الهدايا …….. لا الطفوله ….. بس …. أنتي ؟!! هلا جنتل روائع الخواطر هنا تحيتي لك

ولك مني كل الود والاحتراام

*•~-.¸¸,.-~*GENTEL*•~-.¸¸,.-~*