آڵسڵآم عڵيگم ۈرحمة آڵڵه ۈ برگآٺه . .
صَبآآحگم مسآگم خير
آڵمۈضۈع بيگۈن عبآرة عن آڵمِشآگڵ آڵصحية آڵبسيطة آڵڵي ٺصيبنآ – نحن آڵبنآٺ – .
مثڵآ .. ٺسآقط آڵشعر – آڵحگة – آڵآم آڵدۈرة آڵشهرية .. آنٺفآخ آڵبطن .. ۈ غيرهآ ..
*بدۈن مقدمآٺ
*نبدى آڵمۈضۈع
* النمو الطبيعي للشعر :
الدورة الطبيعية لنمو الشعر تكون من سنتين إلى 3 سنوآت ..
في هذي المرحلة .. كل شعرة تنمو بمقدار 1 سم في الشهر – يعني هالاعلانات اللي تقول شعرج بينمو 10 سم في شهر واحد هذا كله خريط خخخخ – .
90% من الشعر في فروة رآسنا تبدأ بالنمو في وقت واحد .. أما الـ 10% البآقية .. تكون في حآلة استرآحة ..
بعد 3 أو 4 أشهر من نمو الـ 90% .. الشعر اللي في حآلة استرآحة يبدأ بالتساقط .. عشآن يحل محلها الشعر اليديد ..
في هذه المرحلة .. يكون شي طبيعي جدا .. لو شفتِ شعرتين .. ثلاث .. أربع يطيحن كل يوم ! لأن شعرج في حآلة نمو مستمر ..
لكن في سآعآت .. الشعر الطآيح يزيد عن حده ! لدرجة ما تفرقين وين المشط وين شعرج خخخخخ ..
* أسبآب تسآقط الشعر :
تسآقط الشعر له أسبآب مؤقتة .. و دآئمة !
الأسبآب المؤقتة:
1- فقر الدم و نقص الحديد !
هالمشكلة .. أحس أكثر عن 3 أربآع البنآت عندهن إيآها !
و على فكرة , سووا درآسة في جآمعتنا .. و طلع هالكلام صحيح !
فقر الدم و نقص الحديد .. هو من أهم أسبآآب تسآقط الشعر ..
لكن لا تخآفين .. بعد العلآج يخف التسآقط .. و يبدا نمو الشعر شوي شوي ..
2- التعرض للضغوط النفسية والصحية:
عآآد مآآ شا الله .. مآ في أحد إلا و يعآني من ضغوط نفسية و صحية ..
توتر .. أعصآآب .. صرآآخ .. قلق .. شغالين نحن 247 خخخ ,
هالشي ممكن يسبب تزآآيد في تسآقط الشعر .. من مكآن محدد في فروة الرآس .. أو في اللحية عن الرجآل ’ ..
أما الضغوط الصحية . . فمن الممكن ان التساقط يصير بعد الخضوع لعملية جرآحية ..
بسبب مرض شديد – لا سمح الله – .. لكن بعد التوقف عن هالضغووط .. يرد النمو طبيعي ^^
3- اختلال الهرمونات:
اختلال الهرمونآت .. مآ يسبب تسآقط الشعر و بس .. إلا يسوي بلآآآوي .. خخخخ ’
أثنآء الحمل و الولآدة .. يغزر الشعر عند بعض النساء .. بسبب زيآدة إفراز هرمونآت الأنوثة ,
أما بعد الولادة .. تخف هالإفرازات بشكل مفاجئ .. و الشعر المسكين . . يبدا يتسآقط بكميآت كبيرة ,
و كذلك هرمون الغدة الدرقية له أثر كبير على الشعر .. سواء زيآدته أو نقصآنه ..
هذا كله يؤثر على الشعر .. و بالتآلي يبدا بالتسآقط ..
4- استعمال بعض الأدوية:
مثل الأدوية المخصصة لعلاج السرطآن , و الملاريا – عآفآنا و عآفاكم الله -.
5- زيادة الهرمون الذكري(التستوستيرونtestosterone):
ذكرت فوق ان اختلال الهرمونآت ممكن أن يؤثر على الشعر صح ؟ زيادة هرمون التستوستيرون ..
هو المسؤول عن تسآقط شعر الرأس .. و زيآدة شعر الجسد !! و هذا يسمى متلازمة المبيض المتكيس polycystic ovary syndrome.
6- الإصابة ببعض الالتهابات الموضعية في فروة الرأس:
مثل الالتهآبآت الفطرية .. اللي تسبب تسآقط شعر منطقة العآنة !
7- مرض الذئبة الحمراء (lupus erythematousis).
هو عبآرة عن مرض روماتيزمي مزمن يصيب جزء وآحد من الجسم و يكون محصور بالجلد ..
أو إن يصيب عدة أجزاء من الجسم و يسمى الذأب الحمامي الجهازي ..
و الأجهزة المتضررة هي الجلد،المفاصل، الكلى ، الجهاز العصبي ، الرئتين ، القلب و كريات الدم والصفائح.
و يسبب تسآقط شديد للشعر .. و يصيب النسآء – من السن المبكر – أكثر من الرجآل !
8- إيذاء الشعر بالأصباغ الكيميائية:
و هذي مآآ يبآلها شرح .. كل يووميين إلا عندنا عرس بنصبغ .. إلا لمة بنآت بنصبغ ..
صآآلوون .. تسريحة .. و يالله الشعر المسكين هو الضحية ! صبغآت الشعر فيها كيمآويآت تييب أجل الشعر !
و هذا وآضح و يبين من أول ما تصبغين شعرج .. تحسين نعوومته القبلآنية و لمعآنه خفوا ..
مش مثل مآ كآن عليه شعرج قبل الصبغة ..
و ثآني شي .. الاستشوآر .. أهم شي بعد الاستحمآم خلي شعرج ينشف بروحه . .
هو صح نحتآج الاستشوار واايد .. خآصة لو تسبحنآ الصبح و ورانا دوآم !
بس بعد .. أنا عني .. أنشفه بالفووطة خفيف .. و أخليه ينشف برووحه .
. بعدين مع هالجو الجميل جدا .. ما يحتاج استشوار خخخخ ,
و على طآري الفووطة .. تنشيف الشعر بقوو بالفووطة يؤدي كذلك إلى تسآقطه !
و شي ثآلث مهم , إن الشبآصة مأ ترصيينها بقو على شعرج ..
لأن سآعات يو م تفتحين شعرج .. بتلاحظين إن كمن شعره متعلقة على الشبآصة
لأن رآآبطته بقو .. فهالشي يؤثر على الشعر بعد ..
9- كثرة تعرض الشعر للهواء والشمس والغبار:
صح صح أدري إن قلت في النقطة اللي قبل إن نخلي الشعر ينشف بروحه ..
بس هذا مب يعني إنج تيلسين في الحوش و فااتحة شعرج و غبااار و هوااا ايي عليه !!
لا لا .. أنا اللي أقصده .. إن تبتعدين عن الاستشوآر كثر ما تقدرين ..
و أخيرا ..
10- غسل الشعر بصورة متكررة بالماء المالح أو العسر أو المضاف إليه مادة الكلور:
أفضل شي .. إنج تستحمين .. يوم هيه و يوم لأ ,
لأنج لو تستحمين كل يووووم .. و تركتِْ شعرج يوم وآحد بدون غسيل .. بتحسينه صآآر دهنيييييي ..
هذا كلهآ بالنسبة لأسبآب تسآقط الشعر ( المؤقتة ) ,
و من المهم إنكم تلاحظون إن الأسبآب المؤقتة من السهل و الممكن إنكم تتعالجون منها ..
و يرد النمو الطبيعي للشعر و التساقط يخف و يخف لين ما يرد لطبيعته !
بالنسببة للأسبآآب الدآئمة للتسآقط ,
. . لا يكون مليتوا .؟ .. هههه ,, مآ عليه استحملووني شويه ’
هو سبب وآحد و رئيسي و اللي هو ( الصلع ) . .
هالمشكلة تصير غآلبآ عند الرجآل , عرفتوا ليش ؟ أيووووة بالضبط ..
بسبب تأثير هرمون الذكوورة فيهم .. اللي عآدة ما تظهر بعد مرحلة البلوغ ..
و بالتآلي يؤدي إلى تسآقط الشعر ..
ممكن يصيب النسآء ؟ نعم , و لكن , بسبب عوآمل ثآنية غير هرمون الذكورة …
و اللي هي .. الالتهآبآت الفطرية .. احتراق فروة الرأس من الاستشووار .. و اهملتييه .. تعرفين شو يصير ؟ تبدآ تتكون ندبآت في منطقة البصيلات .. و بالتآلي تثبط نمو الشعر .. و تطيحه .. و في هالحالة .. يكون الشعر جدا خفيف و ضعيف على فروة الرأس ..
أمآ السبب النآدر للصلع .. هو اعتلال منآعة الجسم الذآتية ..
ويمكن أن يكون الصلع محدودا في مناطق صغيرة أو إن يشمل فروة الرأس كلها
وفي بعض الأحيان يمتد الصلع و يشمل شعر الجسد كله وهذه الحالة تسمى بالصلع الكامل(alopecia totalis ) !
* متى لازم نلجئ للطبيب !
المعدل الطبيعي لتسآقط الشعر يكون من 50 إلى 100 شعرة في اليوم ,
لكن .. إذا شعرتِ إن شعرج يطيح بمعدل أكثر عن هذا .. و بشكل مفاجئ لازم تلجئين للطبيب و مآ تهملينه ..
و تعملين الفحوصآت اللازمة للتأكد من صحتج =)
إذ إن بعض الأمراض مثل السكري … يسبب سقوط شديد و مفاجئ للشعر ,!!
* التشخيص و الفحوصآت اللآزمة:
1- فحص السحب أو فحص سحب الشعر (pull test):
هذا الفحص جدا سهل ..
و يتم عن طريقة ان الدكتور يمسك مجموعة من شعرج بواسطة الابهام و السبآبة و يسحب بطريقة لطيفة .. لا تخافون مش بقو يجلع فروة الراس هههههه ..
تتذكرون يوم خبرتكم عن الـ 90% و الـ 10% ؟ الـ90% اللي يكون في حالة النمو لازم ما يطيح في هذا الفحص ..
اللي بيطيح بيكون من الـ10% – الشعر اللي في حالة الراحة – ..
في هذي الحآلة .. ما يكون عندج أي مشكلة و الحمد لله ’
مثلا .. لو سحبتِ 20 شعرة .. و 2 طاحوا , يعني الحمد لله النقص يكون بمعدل 10% بس .. و هذا يعني إن مآ عندج أي مشكلة ..
إذا معدل النقص كآن 25% نسميه معتدل .. أما لو 35% .. يعني خطير!
و هالشي الدكتور يحدده .. مش إنتِ بروحج !
2- فحص Skin scrapings :
و في هذا الفحص , يتم أخذ عينة من الجلد .. أو من الشعر .. للتآكد إذا كنتِ تعآنين من أي إلتهآب يسبب تسآقط الشعر ..
3- فحص Punch biopsy :
إذا فشلت الفحوص القبلآنية , يلجئ الدكتورة لأخذ عينة أعمق من الجلد للتأكد أو معرفة السبب لتسآقط الشعر ..
4- فحص مخصص لكشف الأمرآض :
عآدة .. إذا بعد ما انعرف سبب تسآقط الشعر من الطرق اللي طآفت ..
بيضطرون يطلبون منج فحص لعدة أمراض: السكري , الذئبة الحمراء , فحص الغدة الدرقية , الهرمونآت .
و من الممكن, أن يسألوونج إذا كنتِ تآخذين أي أدوية .. مثلا: أدوية اكتئاب .. ارتفاع ضغط الدم .. آلام المفآصل ..
لأن كل هالأدوية ممكن تؤثر على نمو الشعر ..
* طيب, شو العلآج ؟!
بالنسبة للصلع , فإلى الآن مآ في علآج معين له ,
أما بالنسبة للأسبآب المؤقتة .. ففي عدة علآجآت تبعآ للعوآمل اللي سببت التسآقط عندج:
– فقر الدم و نقص الحديد:
ممكن إن تعآلجينهم بالتغذية السليمة , و تبدين كورس دوا الحديد .. و بتلآحظين شعرج بعد فترة من أخذ الدوآ بدا يرد لطبيعته ..
– الالتهآبآت الفطرية أو البكتيرية :
هذي بعد تُعآلج بألأدوية أو المضادات اللي تحد من انتشآرهآ و تزآيدهآ ..
– الأدوية :
ممكن إن الدكتور يبدلج الدوآ اللي يسبب التساقط عندج .. لدوآ ثآني يكون أفيد و يخفف التسآقط ..
– الاضطرابآت العصبية و النفسية و الصحية و غيرها من الأسبآب المؤقتة ..
بمقدوورج إنتِ تتحكمين فيهآ .. و تهتمين بنفسج .. لأن بالسيطرة عليهم .. تقدرين ترجعين لشعرج نظآرته و نموه ’
– تعرفون حمامات الزيت صح ؟
يقولكم , إن من الخطير إنكم تستعملوونهآ .. لآن الزيت يكون حآآآر .. و ممكن يحرق فروة الرآس أو البصيلآت .. بالتآلي يؤدي إلى تسآقط الشعر..
* يمكن تقولون لي ,, أوكي .. بس شو الحل النهآئي لهالمشكلة =(
مآفي حل نهآئي لمشكلة تسآقط الشعر .. بنوعيه المؤقت و الدآئم .. لكن الأدوية المتوفرة لعلآجة .. تقوم بتبطيئ عملية تسآقط الشعر .. و تحفز نموه ..
أمثلة لهذه الأدوية :
1- (Minoxidil (Rogaine:
هالدوآ تقدرين تآخذينه من الصيدلية بدون وصفة طبية ..
عبآرة عن سائل أو رغوة يعآلج تسآقط الشعر و الصلع الموضعي و يؤدي إلى تبطيئ عملية التسآقط أو إعآدة النمو أو كليهما ..
تفركينه على رآسج مرتين يوميآ ..
لكن مشآكله إن الشعر الجديد اللي نما يكون أقصر و أضعف من شعرج الطبيعي ..
و من الممكن إن المشكلة ترجع لو وقفتِ الدوآ !
2- Corticosteroids :
عبآرة عن حقن كورتيزون تحقن في فروة الرآس .. و العلآج بهم يتم شهريآ ..
أما في حآلة تسآقط الشعر الشديد .. فممكن إن الدكتور يوصفلج حبوب.
بعد أربع أسآبيع من العلآج .. ممكن تلآحظين نمو شعر جديد ^_^ . .
و لو تبين .. عندج المرآهم أو الكريمآت .. لكن مشكلتهم .. يكونون أقل فآعليه من الحبوب و الحقن ..
– Finasteride (Propecia):
و هذا النوع من الأدوية عبآرة عن حبوب تستعمل لعلاج الصلع عند الرجآل فقط
و يعمل الدواء بأن يوقف تحول هرمون التستوستيرون إلى هرمون dihydrotestosterone (DHT) المسؤول عن تقلص بصيلات الشعر ..
يؤدي أيضآ إلى تبطيئ عملية التسآقط و تحفيز النمو .. لكن النتآئج ممكن تُلاحظ بعد أشهر من العلآج ..
* أمآ بديل الدوآء .. يمكن تكون العمليآت الجرآحية .. منهآ :
– زرآعة الشعر و عملية الحد من فروة الرأس (Scalp reduction)
لكن المشكلة الوحيدة .. إن العمليتين أسعآرهن غآلية ..
و تسبب ألم شديد .. بالإضآفة إلى أن هنآك احتمآل إنج – لا قدر الله – تصآبين بإلتهآبآت ..
و الأخس .. إن فروة الرآس اتم معلمة .. – يعني يكون في علامة أو تترك أثر – ..
و عشآن الشعر الجديد ينمو .. يبآله من 6 إلى 8 أشهر !
* لكن, تعرفون إن " الوقآية خير من العلآج " ؟!
بخطوآت و نصآئح بسيطة .. ممكن تحآفظين على سلآمة شعرج..
1- العنآية بالصحة العآمة .. ابتدآءً من نظآمج الغذائي ..
من الضروري أن جسمج يكون متوفر فيه العنآصر الأساسية للغذاء ..
و إلا كيف تبين شعرج ينمو ؟! مثل البروتينآت .. اللي تتوفر في البيض و اللحوم .. البقوليآت .. منجآت الألبآن ..
الأملآح و المعآدن اللآزمة .. الفوآكه و الخضرآوت ( السبآنخ – الجزر – الكرنب )
غنية جدا بالأملآح و الفيتآمينآت اللآزمة للجسم .
2- احرصي على تدليك فروة الرأس يوميآ في الصباح . .
هني ما أقصد تغسلينه ..
لآ .. أقصد تدليكه فقط بأطراف الأصآبيع ..
بهذي الطريقة .. تحفزين الدورة الدموية و تنشطينهآ .. و بالتآلي تحآفظين على صحة الفروة ..
3- إذآ كآن لابد إنج تستخدمين حمام الزيت ..
احذري إن يكوون وآآآيد حآر لآن مثل مآ ذكرت سآبقآ .. ممكن إن يؤثر على الفروة و يحرقهآ ..
4- تجنبي الصبغآت و الاستشوآر كثر مآ تقدرين
.. عندج الحنة كبديل للصبغة .. خآصة إن الجو حآر الحينه .. و يبرد بعد =)
5- بعض التسريحآت ممكن تؤثر على شعرج مثل : الـ ponytails ..
يعني بإختصآر التسريحآت اللي ترص على الشعر . .
6- تجنبي أي دوآء غير المذكور هني ..
لأن كلها ممكن تضر شعرج .. و الأهم تجبني تآخذين أي مستحضر .. قبل استشآرة الطبيب .!
شو سبب الشعر الزائد عندي ؟!
نلاحظ في بعض البنات .. عندهم شعر تحت الحواجب .. فوق الشفة ( منطقة الشنب ) .. أو في الذقن ,
هذا يعود أحيآنا لمشاكل صحية – لكن لا تخافون ..
مش ان عندج شعر خفيف تقولين عندي مشكلة صحية – لا .. يعني مثلا في بنات عندهم شعر بزيااااادة في هذه المناطق .. أنا أتكلم عن الشعر الطبيعي العادي ’
المهم ’ سببه .. يا إما يعود لمشاكل صحية – مثل متلازمة تكيس المبآيض – أو الجينآت ..
أوكي و الحل :الحلول الموجود و الحمد لله . . الشمع – الحلاوة – .. الخيط .. أو الكريمات المخصصة لإزالة الشعر =)
أو لو تبين حل على المدى الطويل .. عندج الليزر ^__^
هل يوجد حل نهائي للسليوليت ؟
طبعا محد منا يبغي ريوله جنها قشر رمان و الا كوتاج جيز ههههههههه – استغفر الله ياربي – ماطنز و الله ..
بس السليوليت مشكلة عويصة .. و شي يلوع الجبد !
في نوع من الدهون اسمه سيليوليت .. يكون طبقة مرتخية تحت الأوراك .. الأرداف .. و الفخذين .. مااا خللت مكآآن ..
و شووو الحل ؟
الريآضة .. ممكن تسآعد انها تحرق الدهون و بالتالي يخفف السيليوليت ..
طيب عندنا كريمات تسآعد في هالمشكلة .. ليش ما نستخدمهآ .. ؟؟؟
لأنها بكل بسآطة – و هذا عن كلام الأطبآء – يكون لها تأثير مؤقت بس ..
يعني في كريمات من تتركينها و لا جنج سويتي شي .. خسآرة وقت .. و فلوس .. و كل شي !
و بعد أكلج لازم تهتمين فيه .. يعني المقالي .. الدهوون .. حلويات .. سكريات .. دوونت و ربعه .. هذا خففي منه ..
لكن في شي لازم تحطينه في البآل .. ان ساعات هالشي يكون وراثي .. مثلا في بنات وااايد ضعااف .. لكن السليوليت موجود عندهم !
بس عشان ما تزيدين الطين بلة .. خففي من الأكل الدسم .. و حآولي تسوين ريآضة ..
في بعد عندج حل .. اللي هي عمليات التجميل ! .. ماعتقد ان وحدة فيكن حآبة تخوض هالشي هههههه ..
لأنها لها مشآكل .. لها أول مااالها آآخر . . .
ليش خدودي تحمر وآيد ؟؟
أنا معآكم إن الخدود تحمر يوم تنحرجين أو تستحين .. يعني إنج خجولة خخخخ ..
لكن سآعات تلاحظين ان خدج تظهر في بقع حمرا بسبب و بدون سبب !! و مش بس ع الخد .. ع الجبهة .. و الذقن ..
هذا يعود لمرض مزمن اسمه rosacea .. مرض يصيب الجلد و يسبب هالاحمرار ..
الحــل ؟ يا انج تتعالجين بحبوب يكتبها لج الدكتور أو كريمآت ..
أنا صغيرة و شآبة .. ليش شعري يصير أبــــيض =( ؟ ؟؟؟
اذا عمرج ما تعدى الـ40 و نص شعرج يبيض .. هذا يعود لمشكلة في الغدة أو اضطراب في الأصبآغ – أصبآغ المسؤولة للشعر – .
بس لا تخآفين .. هالشي يسمى – ان شعرج يصير رمادي – بس هذا مش يعني انج بتعيزين بسرعة !!
ليش عندي مثل هالــحبوووب المقززة =( =( ؟
ساعات تلاحظين في الأرداف مثل هالحبوب تكون جنها مطبات ههههه .. يا إما باللون الأبيض أو الأحمر ..
هاي تكون حالات مضرة تصيب الجلد و تظهر عادة على الخدود .. الأرداف .. الظهر .. أعلى اليدين . .
هالحالة اتم موجودة لكن تختفي بعد عمر الثلاثين ..
انزين و أنا بتريا لين يصير عمري ثلاثين عشان يروح ؟؟
لا .. لازم تكثرين من كريمات الترطيب لانها تخفف من ظهورها . . =)
ساعة أغسل ضروسي .. و مع ذلك الريحة الكريهة موجودة !!
بالرغم انج مهتمة وايد في أسنانج .. تفرشينها 3 مرات .. و تعتنين فيها عناية شديدة .. لكن فوق هذا تحسين بريحة كريهة !!
السبب ممكن يكون .. أمراض اللثة , جفاف الفم, عدوى الجيوب الأنفية , أو ارتجاع الحمضيات ..
لكن في كثير من الأحيان .. نظامج الغذائي ممكن يكون السبب ..
يعني شوفي أكلج .. شو تاكلين شو تشربين ؟ هالشي يسبب الرائحة الكريهة .. مثل البصل و الخل .. و حتى معاجين الأسنان ممكن ما تفيد ..
حآولي تتجنبينهم و شوفي لو نفع و الا لا .. لو لأ .. راجعي مع طبيب الأسنآن
ضروسي صفرا !!! ليـــش ؟!
تشربين جاي ؟ قهوة ؟ بيبسي ؟ كولا ؟ اذا هيه .. يعني خلاص عرفت الجواب ..
هالاشياء تخلي الضروس تصفر ..
التدخين و بعض الأدوية ممكن تخلي الضروس تصفر بعد !
تفريش الأسنان بشكل مستمر يخليها تبيض و يزيل الرواسب المتعلقة فيها ,
عندج التبييض .. ممكن تحصلين جيل للتبييض بدون وصفة .. أو تحجزين لج جلسة تبييض مع طبيب الأسنآن .
