الوسم: العبادي

للحب في قلبي ينادي منادي………….ياللي على الشريان تعزف لحونه
طيرالمحبة جاك بالحب شادي……….اقلط حلفت اليوم اني لاصونه

ماازعل من النقاد والله عادي……….لاكثرت الاسباب هم ينشدونه
والله ماقوى يوم واحد بعادي………..لانه خلاياالروح هم يطلبونه

في داخلي نايم قريرالرقادي………..بالله لايصحى وتتعب عيونه
اصبح هواقلبي وشربي وزادي………اطلبه يتناسا نواياجنونه

وش لون يتركني وينسى ودادي………وكل مافيني بفيني يبونه
النارصارلهالهيب ووقادي……..لكن كثيرالناس مايسمعونه

سلام له يوصل معطربكادي……….للطيب اللي كلهم يعرفونه
افتح اذاعة قلبي في رادي……..موجاتها وصفن ولايوصفونه

ذاكنها بارود عبا الزنادي………في يوم حرب يوم هم يقصفونه
واويل قلب ن منه صاير رمادي……..ارحم حبيب ن نازفات ن طعونه

وان كان ماهونت باعلن حدادي…….على مصاب ن مات وهم يدفنونه
وختامها صلوا على خير هادي…….عداد برق ن قد لفتنا مزونه