الوسم: الجنادرية

صور ,مهرجان ,الجنادرية, صور, تراثية , اشعار ,تراثية ,عن, الجنادرية, شعر ,عن ,التراث , قصائد ,عن ,الجنادرية, قصيدة ,عن ,الجنادرية ,شعر ,قصير, عن ,الجنادرية,اشعار ,قصيرة, عن ,مهرجان, الجنادرية , صور ,عن, التراث, السعودي, صور, من ,التراث ,السعودي, اشعار, عن ,الجنادرية, عبارات ,عن ,الجنادرية, تغريدات ,عن, مهرجان, الجنادرية, كلمات ,عن ,الجنادرية, شعر ,عن ,السعودية, شعر, عن ,الملك ,عبدالله

صور مهرجان الجنادرية, صور تراثية , اشعار تراثية عن الجنادرية, شعر عن التراث , قصائد قصيرة عن الجنادرية, قصيدة عن الجنادرية ,شعر قصير عن الجنادرية,اشعار قصيرة عن مهرجان الجنادرية , صور عن التراث السعودي, صور من التراث السعودي, اشعار عن الجنادرية, عبارات عن الجنادرية, تغريدات عن مهرجان الجنادرية, كلمات عن الجنادرية, شعر عن السعودية, شعر عن الملك عبدالله

من فضل الله أنا سعودي
هذي الأرض الحره حدودي

أرض أجدادي نبض فؤادي
شمس الدنيا مسرى الهادي

هذا الوطن الغالي بلادي
مصدر عزي سر وجودي

هذي الأرض الحره حدودي
يا بلادي من علو إلى علو

ما يزعزع ثابت اركانك عدو
ما يدنس طهرك بلادي غلو

حي وجه الخير .. حي الله جديده
حب من الله لعبد الله يزيد

يا ملكنا فيك ما تكفي .. قصيده
وما تغني الروح حي الله قصيد

قال أبو متعب لنا الجمله المفيده
قال ما يغني وبين ما يفيد

الوطن في قلوبنا دين وعقيده
من وقف دون السعوديه شهيد

والعمل يدني مرامينا البعيده
والصبر ينبي عن الباس الشديد

يا وطنا لك علينا ما تريده
لك علينا يا وطنا ما تريد

حنا هل الطوله .. تواتر علمنا
ما همنا من ذمنا ما همنا

ما ضاقت صدور العتب من حملنا
صدر السعوديه بحب .. ضمنا

حنا وهي ياللي تبينا دلنا
في عيون عبدالله ترانا كلنا

الله عليها دارنا ما مثلها
حنا لها حنا ملكها واهلها

حنا وهي .. ياللي تبينا دلنا
في عيون عبدالله ترانا كلنا

الشعر نتعب عليه ونطرق بحوره
ونرضي به اذواق نقاده وجمهوره

ومانطلع الا مطاليع ٍ تشرفنا
بأبيات شعر ٍ مع التاريخ محفوره

نوادر ٍ كلها جزلات ومتاني
مثل الذهب سعرها في الشعر مذكوره

انحت بها في صخر واجيب نادرها
وارسي بها فوق متن طويق وصخوره

ولا نيب من يكتب بيوته على الماشي
يحطها حط لاجل يثبت حضوره

والشعر يسمو مجاله لانفتح بابه
اغراضه محدده تعرف ومحصوره

والمدح واحد من ابوابه ومتشعب
وكل ٍ يعبر حسب عرفه عن شعوره

وانا بعبر واجيب الصدق وابديبه
كله على شان حب الدار وصقوره

نوادر ٍ في الهدد تدمي مخالبها
امجادهم معجزه ذا الوقت وعصوره

يومه بداها المؤسس طيب السيره
فوق الركايب وجرد البيد مهجوره

في عام تسعه عشر والف وثلاثمائه
حول على المصمك وعجلان في سوره

قبل شعاع الفجر يظهر وينزاحي
سيطر على القصر بعزومه ومقدوره

وفي ظرف ساعه يعود الحق لاصحابه
والنصر رفرف وحامت في السماء طيوره

وصاح المنادي وشال الصوت بالعالي
الحكم لله ثم لليث اخو نوره

عبدالعزيز البطل داره يحلبها
جاها من الشرق برجاله وميسوره

وسج القدم واجتلد والنصر يبراله
يبغى يجمعّ شتات الدار وكسوره

يوم القبائل تناحر كلها دايم
اشاوس ٍ تطحن ونفوس مصطوره

هذا خذا بعير هذا والسبب تافه
حناشل ٍ تدهر هلكي ومسعوره

ناس ٍ غزاها الجهل والضعف في المذهب
والفتنه مسيطره والناس مقهوره

مافيه قائد ولا مصلح يوجهم
فيها القوي عاش والمسكين في جوره

يمسي على غاره ويصبح على الاخرى
يحسب حساب الزمن ويقضي شهوره

الآمن معدوم يادنيا من انتي له
وين انت ياللي تشوف الدار وتزوره

وجاهم معزي يوحدهم ومتحزم
ويبطش بكف ٍ نهار الكون ماموره

بالسيف الاملح يزيل الظلم ويفادي
حتى خضعت واصبحت بالشرع معموره

الدوله اللي تحت حكمه نعيشبها
ارسى قواعد بناها واحكم جسوره

وركز علمها وقال العز يابلادي
يارايه الحق والتوحيد منصوره

واليوم عز ورخاء والناس مبسوطه
في ظل قائد مسيرتنا وفي شوره

عبدالله اللي قلوب الشعب يملكها
يومه خطب للملا بالصوت والصوره

في شاشه التلفزه والبث متواصل
اقسم على العدل والقران دستوره

الله يعزك يابو متعب ويبطيبك
مواقفك كلها تحمد ومشكوره

والله يسلم ولي العهد سلطاني
البيض ترفع لبو خالد ومنشوره

كف السخاء والرخاء والعزم والهيبه
والحلم والعلم في سلطان مخبوره

مايشبه الا الربيع اليا شبك لونه
في فيضتن من سحاب الوسم ممطوره

خيره يعم المناطق ويتعداها
مكارمه حاضره والنفس مسروره

ونايف حزام الوطن لاقيل يانايف
وقف وهلل وكبر قدم طابوره

بخشم البنادق يسوق الخصم ويبيده
وبشايه الله عصى العدوان مشقوره

من بحر جده يالين الساحل الشرقي
وامن القريات لين تعقب شروره

الآمن في قبضته والآمن غايتنا
وطيور الارهاب منكوبه ومحشوره

يعطيهم النار لين تروح دعواهم
سحاب صيف ٍ تكاشف وانطفى نوره

ياحبني لشجاع النادر الصارم
اللي يقول ويطول وتاصل شبوره

الآمن مازعزعه مرجف ولا خاين
ويمنى تمس الوطن بالسيف مبتوره

وناس ٍ تجنب عن المله تسنعها
يامعالج الجرح ياطبه ودكتوره

وتعيش يامير نجد ودرعها الواقي
يامنتهى العلم لاكبرت ومخطوره

تحلها في دقايق وانت راعيها
وتعتق رقاب ٍ لحد السيف منظوره

مفراص ماص وبعيد اهداف ومحنك
خمسين عام ٍ قضت بالخير ماجوره

ابو فهد لو نقول ونسرد افعاله
مثل المحيط الكبير وصعب ٍ عبوره

واليوم حنا هنا في محفل الدوله
في مهرجان الادب والشعر وزهوره

والشاعر اللي قصيده شد ابو جريد
يرتاح لا يزعج العالم بمذخوره

وانا بمثل قبيله واتقدمها
قبيله ٍ من قبائل نجد مشهوره

فينا الولاء للقياده والله الوالي
وقت اللقاء مانعرف الذل والبوره

هذا كلام ٍ حقيقي ماننافق به
والله يعز الوطن ويعز اخو نوره

أليا دعتني.. ديرتي.. وين ماكون

بديت دعوتها….على كل بادي

قبل الوطن ينده عياله .. يلبون
حي الندا .. والله وحي المنادي

نفضت كل اللي بالأدراج مركون
حزني .. شقايه .. كبريائي عنادي

ونبشت حب في حناياي مخزون
ولقيت بيت عن هل الشعر غادي

كل حب أرادي من تهاون به يهون
إلا مدى حب الوطن لا إرادي

وش منوة الشعار يوم يتمنون ..؟؟
يكود فرصة من منبر غير عادي

يعني مثل هالمنبر اللي تشوفون
هذي هي القمة وغاية مرادي

بجنادرية موطني .. يشرق الكون
معلم حضاري .. عن حياة البوادي

موسم ثقافة ملتقى فكر .. وفنون
قامت تجيه .. الناس من كل وادي

ماجيت ابيكم في قصيدي تحيون
جيت ابرحب كل ضيف ببلادي

يامرحبا يصدح بها شعري لحون
من صوت ابو نوره لريشة عبادي

يامرحبا بلسان صادق وبعيون
آل القيم .. والمرجله .. والمبادي

آل السعود اللي على العز يمشون
خلفة معزي .. مخلفين .. المعادي

في ظل ابو متعب شف الشعب وشلون
أصغر مواطن .. في حياته يفادي

نوفي مثل مااجدادانا قبل يوفون
دون الوطن .. مافيه موقف حيادي

لو مااكون اللى ابي كيف ماكون
والا عسى ماكون حزة .. هدادي

ماغايتي بالشعر بيرق ومليون
ولاغايتي .. تصفيق بعض الايادي

ان قيل لي وش غتيتك قلت مفتون

مفتون في تمثيل راية بــــلادي