السلام عليكم
هذي قصة بنت كانت تطالع واحد بعين قويه
االمهم الرجال طلع شاعروماقصر فيها عطاها كم بيت علشان تتأدب
كل شبر في بهالوسيعه ملك ربي تعلمين
واعلم ان اللي خلقني هو خلق لك هالعيون
لكن انتي من جلستي وانتي فيني تحدقين
كن ما به ناس غيري بهالكراسي يجلسون
لو سمحتي عاد اسمعي وحتى لو ما تسمحين
المهم اللي بقوله تسمعينه ويسمعون
ع الاقل ليا نظرتك سوي روحك تستحين
غضي طرفك مثل غيرك خوف ربعي يلمحون
الركاده عاد زينه والحياء في البنت زين
وفيك جازم لا ركاده ولا حياء يذكرون
تعرفيني؟اعرفك !ما اذكرانا ملتقين
لا اعرفك من تكوني ولا تعرفي من اكون
واطماني ان كان قصدك بس فيني تشبهين
ما هو انا الي تعرفيه تشبهين والبشر يتشابهون
ما دريتي من التشابه يخلق الله اربعين
واعرف اربع يشبهنك بس والله يستحون
وان كان قصدك شي ثاني عاد قولي وش تبين
خايف انا نصير فرجه واللي ماشتروا يتفرجون
واذا ببالك عاجبتني لا يحوشك تحلمين
صح ربعي من جمالك فيك صار يمدحون
بس وش لي في حلاتك دام فيه ترخصين
حشمة البنت وحياها والكرامه يلفتون
ولو توفر فيك هذا مع حلاتك تبشرين
ما هو انا الف غير باب بيتك يطرقون
وش علامك رغم كل اللي اقوله وتسكتين
مو طبيعي هالسكوت وهالبرود وهالسكون
انتي خرسا اسالك ولا منتي تسمعين؟؟؟؟؟
قالوا ربعي ذي كفيفه قلت لالا تمزحون
لين شفتك يوم رحتي يمسكونك باليدين
ما دريت الا عيوني اربع اربع يذرفون
آه ياني منه مشهد يوم شفتك ترحلين
جيت اشوف عيون ربعي لقيت الكل يدمعون
قلت سنة هالحياة وحن ترانا مؤمنين
الله اللي مسيرنا بين كاف وبين نون
وكل ابونا نختلف مع اننا من اصل طين
سبحان يلي مصورنا ولله في خلقه شؤن
يعني حنا كل ابونا عاد اسمينا بنادمين
وليا قضى ربك امرو قال له كن فيكون
فينا يلي رازقه خير رب العالمين
وفينا يلي هو لعطفه بحاجه القلب الحنون
وفينا يلي ماشكى من عله كالاخرين
صم و بكم وعمي فهم لا يفقهون
بس قليل عاد فينا للنعم هم شاكرين
والله يرزق هالخلايق من حيث هم لا يعلمون
وتدري عاد يالكفيفه حنا ترى متشابهين
وان ماانعمت ابصارنا قلوبنا هم اللي يعتمون
يالكفيفه يالعفيفه ان قلت اسف تقبلين؟؟؟؟
يغفر الله ذنوب عبده ليا اخطا وهل تغفرون؟؟؟؟
هلا والله يالغلا روعه بروعة حظورك وعطائك
