التصنيف: همس القوافي ، القوافي والشعر

يا لله يـا خـــالـق أراضـــين و بحــــار .. الواحـد المعـبـود رازق عبـيـده

الخــــالق الغــــــفار عـلام الأســــــرار .. وفرق شعـوب الأرض فـي كـل دير

وابدا و اسولف من عذيبات الأشعار .. أبيات شعـر والمعانـي وكيـده

اشري و أبـيع واعــرف كيـــف بختار .. واختار من جزل البيـوت الفريدة

وذكر تراث وعز و أمــجاد و أفـــخار .. قبائـل تومـن بديـن وعقيدة

وصلت حضارتنا على ســـطح الأقمار .. ابنـا الجزر والجزيرة مجيـده

فـــي ظل حكـــام لهم فـــعل واشـــوار .. آل السعـود اللـي تفـك الضهيـدة

نسل الزعيم الحاكم الـــــعـادل البــــار .. مجـدد أمجاد الجزيرة بجيـده

حتى أصبحت حرة وحنا له أنصـــــار .. في ظل اخو نوره هنـوف سعيدة

وصارت لأبو تركي بطوله وتـــــذكار .. والفخر و الأمجاد تبقـى شهيدة

وخلف لنا أملوك لهم فعل وأخــــــبار .. الشعب واحـد والقيادة رشيدة

والأمن بانينه على ساس وجـــــــدار .. وقرو على العابـث عقوبة شديدة

وحنا حــــماة الدار مـــن كل غــــدار .. ومـا همنـا بطشـه وخبثـه وكيـده

قـــــبائل ما لـــــحقناهــــم اوعــــــار .. وعشنـا بهـذي الـدار عيشـه رغيدة

والحمد لله نحمده ســـــر و أجــــهار .. شعـب تكاتـف مـن سنيـن مديدة

ودون الوطن جيش على كل معـــبار .. لأرفرف البيـرق ونادي عقيدة

بشرق البلاد وغربها دوم حــــــضار .. وارض الشمال اللي نفـوده مديدة

ارض الجنوب اللي تخيضر بالأشجار .. جزيرة فيهـا القبايـل عديدة

ارض بها قحطان وافين الأشــــــــبار .. ويا عـز منهـم بالشدايـد بسيـده

واذكر عتيبة يوم للطــــــــــيب مغوار .. لا ثـارت الهيجـا وقـرب ضديـده

وشمر هل الطـــــولات والجود مقدار .. أهل الكرم وأهل الفعول الحميدة

قوم أعنزه مروين الاخصام الامرار .. أولاد وآيل من عصـور عهيـده

ومطير قوم تكرم الضيـــف لا زار .. ويا ويل خصم في حراهـم وعيـده

واذكر قبيلة حرب يا نعم الأخـــــيار .. وتاريخهـم يحكـي سطـور مجيـده

و سبيع نعم القوم ووجيه الأســفار .. زبن الدخيل ليا زبـن مـن طريدة

واذكر قبيلة يـام والطيــــب ينــــدار .. أهل العلـوم الوافية والرشيدة

ثم الدواسر تجعل الخصم منهــــــار .. عيـال زايـد عـز منهـم سنيـده

ثم السهول اللي لها الطـــيب مدرار .. وعن منهج العادات ما هـي محيـده

ثم اذكر العجمان حمايـة الجــــــــار .. و المرجلـه والجـاه فيهـم عتيدة

واذكر بني مره طويـــــلين الأعمار .. مـا ينقـد المـري ولا لـه نقيـده

ثم الهواجـــــر لابــــة تقـــدح النار .. أهل الركـاب اللـي خطاهـا بعيـده

واذكر بني خــالد قبـــــيلة وأمــــار .. قوم لهـم فـي المجـد قـول ورصيـده

وبني تميم اللي لها الطيب مصـدار .. بنـي تميـم وكـل فعـل تجيـده

ثم الزعوب اللي بها الخـصم يحتار .. شجعـان ما ترضـى سـوا ما تريـده

العازمي وافي وفي الطــــيب بيطار .. روحه على كـل المصاعـب صميـده

ثم الظفيري في المصاعيب جــــبار .. والطيب والامـداح بأصله وطيدة

ثم اذكر الأشراف بــــــجلال وإكبار .. أهل الحجاز اللـي تفـك الزهيدة

ثم الهذيلي له مـــــــواقف و مندار .. راعي الفخر راعـي العلـوم السديدة

ثم البقوم اللي لهم جيـــش وامهار .. ريف الضيـوف ليـا لفاهـم وليـده

واذكر ثقيف اللي لهم مجد وآثـــار .. ومهما حسبنـا مـن كـلام نعيـده

وبلحارث أهل العز بشـهود وإقرار .. ا لحارثي يا طيـب فعلـه وجيـده

والمالكي معروف لا صار ما صار .. في موقف أهل الطيب يبذل جهيدة

واثني تحياتي عدد وبل الأمــــطار .. علـى سليـم وكـل خصـم تكيـده

واذكر جهينة أهل مـــــــواقف وادوار .. تلقى الجهيني راسم الطيـب بيـده

اذكر بلي و المجدله فعل و إظـــــهار .. وتاريخهـم يحكـي فعـول فريدة

بني عطية في المواجيب حــــــضــار .. قـوم بوقـت الجـد قـوم عنيـده

ثم الحويطي والكرامة له أشــــــــعار .. ثـم الشـراري لـه فعـول مفيدة

ثم الرشيدي في الصـــعيبات صـــبار .. على علـوم الطيـب فعلـه يزيـده

وباقي جنوب الدار والقاف مــــا دار .. باقي على قلبـي كـلام وأشيده

زهران نعم القوم في وقت الإضــرار .. والخصم عينه من لقاهـا سهيـده

و الغامدي معروف له عزم وإصـرار .. راعي المراجـل والعلـوم المفيدة

وشمران قوم و الجمايل لها أطـــوار .. و بلقـرن سـم للقلـوب النكيـده

والاكلبي والمحلفـي ما بـــــــعـد بـار .. و الحارثـي طيبـه وفعلـه يشيـده

وبني شهر وبني عمر ســـــيف بتار .. قـوم علـى الاخصـام نـار وقيـده

و الاسمري و الاحمري صيتهم سار .. بيـن القبايـل والمواقـف شهيدة

واذكر عسير الهول ذربين الأذكـــار .. وأبها أحتموها فالسنيـن الشديدة

وادهم والصيعر على حد الأقـــــطار .. يحمون حد الدار من اللـي يريـده

وامشي مع الساحل مع جمله أفـكار .. رسمتهـا والطيـر زان تغريده

وانزل على جيزان تــــاريخ وأديـار .. ورجـال فيفـا والقبايـل عديدة

ارجوا العذر وأهل المــواجيب عذار .. اللي نسيته ما نذكر فـي القصيدة

الواهبي عـــدد أبيوتــــه بــــالأدوار .. مـن شاعـر ما شـل قلبـه حقيـده

شهران ربعي هم هل المدح والـكار .. و أهل الكند و أهل السيوف الجديدة

يوم البلد ما يا من الزند لا ثــــــــار .. عزيز ومنـا ابـن مشيـط نعـم الوليدة

فالجهل شجعان وفي الســــلم تجار .. مـن بطـن بيشـه للتهـم لا رفيـده

حبيت أبين موقفي بين شعـــــــــار .. وارجوا سموحتكـم علـى ذا النشيـده

ما حب أنافق و اتعنصر تعــنصار .. ولا ني باطيع أهل العقـول البليدة

ما كل من طب البحر قيل بحـــــار .. وما كل من شل الفشق جاب صيـده

فالشعر بستـان بـه ورد وأزهـــار .. واللـي تعداهـا بيوتـه فقيـده

وأقولها في الشعر تكرار وامـرار .. ضرف بـلا عنـوان يلغـى بريـده

بعض السوالف مواقف ومحضار .. وشعر بـلا معنـى لـزوم نبيـده

صلوا على الرسول شفـاع الإبرار محمـد الهـادي وقـدوة عبيـده

منقول لإعجابي به

…{من طبعي ارد الإساءه {بالاحسان }

وأساير ظروف الزمان اللعينه ..

وأطوف الغلطه من {فلان .. وفلان }
يعني من أجل { عين } تكرم مدينه ..

الكامل الله والخطا طبع { الانسان }
والدرب يفرق عن يساره ويمينه ..

و { الصاحب } ا للي له معزه وله شان
ان جاني بشينه .. تذكرت زينه ..

اتحمل اخطاءه معي { قدر الأمكان}
من جانبي تبقى العلاقه متينه ..

واللي { يغلطني } وانا ماني بغلطان
اصابعي احطها { وسط عينه} ..

مادامني مسلم وفي قلبي إيمان
عمر{البحر } ماشال هم السفينه ..

مرت علي {انواع .. واشكال .. وألوان}
بين { العقول } الناقصه .. والرزينه

عندي قناعه ان { الإنسان شيطان }
اذا يهينك { لازم } انك تهينه ..

يعني اذا حاجتك { بيدين عدوان }
يكفيك شر المهزله .. والغبينه ..

من{ كثر ماجاني } من الناس خذلان
تحرجني حتى كلمة { الله يعينه }

صحيح لي { ربع .. وجماعه .. وخلان }
وأضيق لكن حاجة الناس.. شينه

الشخص دام انه بكل شي{ خسران}
تأكد انهآ من عمايل { يدينه } ..

من مرحلة { حب .. ومشاعر .. وحرمان }
إن مالعنت الحب تلعنه سنينه ..

اكتب شعر واعزف من { اشواقي الحآن }
واسلي قلوب الغرام الحزينه ..

ولو الشعر مخلوق في { هيئة انسان }
والله لأقول له تسلم { واقبل جبينه }…~

يسلمووو الاياادى حبيبتى

لا متى تسبى فتاةٍ ولايغضب فتى
لا متى صهيون تسلب محارمنا شِتا
هل على صهيونٌ حينٌ من الدهر اتى
لم يكونو فيه نطفة زنا ما يقذفون

ايها المجدُ القديم افترش ثوبك ونم
منت لاقي من يقول انتهضٌ حراً وقم
صرخةً يهتز منها حرم اول حرم
نصفنا عن طشٌة الخوف عنها غافلون

ليت شعري كل حيٍ صحىَ حتى جُحا
والمغفل مثل ماهو مغفل ماصحى
عن رَحى حرب تجانب طواحنها ضحى
الجماعه في ملَكوت ربي سارحُون

ايها الحكام من ارض مِكناسٍ إلى
ارضُ جاكرتا ومن أبٌ حتى كربلا
لو عقدتم امركم مرةً وحده على
ان تخوضوا الحَرب حتى وانتم كارهون

بشنبي إن ما جا اولمرت كالكلب يعدِي
يطلب الصفح بوجه كليلٍ اسودِ
ان صهيوناً ولو طاولو نجم الجدي
أجبَن الخلق لكنكم لاتفقهون

إنٌ محضَ الكفر اذ ليس بعد الكفر ذنب
ان ندع صهيون تبني جنب الطنب طنب
عيب تدحمنا بجنب وانحن عشرين جنب

يالِهذا العارِ هل بعد هذا العارِ عار
اُمٌة المليار تهتك محارمها نهار
اي سلام واي تعايُش واي حق وجِوار
واهلنا قدامنا من خِلاف يُصلبون

أُمةٍ مع كونها اكبر حجم واكثر بشر
للأسف في وزنها ماتعادل كيس برٌ
عقب ماهي هالكبر صارت هالكبر
تسن مافيهم قلوبنٌ ولافيهم عيون

إصـح يانايـم وفتـح عيونـك ياخَبَل
السرا ياصلك لو انك فـي قِمـٌة جبل
والله إن تاكل مثل ما كلوا ربعـك دبـل
راجع الحسبة قبل لا توهقـك الظنـون

منت باطيب من بني الماضين ساسٌ
ولانت باشجع راس منهم ولو سويت راس
ولانت باقوى باس منهم ولا اصعب مِراس
مير عجل بالطعن قبل تاصلك الطعون

يامصر يامصر الأبطال من ماضي الزمان
أعلى أرضكِ أولمـرت يمـد اللسان
ويتهـدد شعبنـا أينمـا كـانٌ وكان
من عَذر أبناء هـودا بكـم يستهـزؤون

ولعوها نـار والا افتحـوا معبـر رفَـح
خلوا الأبطال تِدِّب بني صهيـون صـح
كيل أمتنا من العيـش فـي ذل انطفـح
كيف هانوهـا وأنتـم قيـامٌ تنظـرون

السلام عليكم

لا تمادى بالخطأ .. وتقول مـن ( بـاب الميانـه )
ما أختلفنا .. هي ميانة .. بس ما هي كـل حيـن
كـان قصـدك بالتمـادي .. ودك أذوق الإهـانـه
والله لتبطي وتبطي .. مـا خضـع لـك هالجبيـن
وكانك إدوّر سبـب .. لأجـل المفـارق والخيانـه
إبتعد عني .. ولاني ناشدك .. رايـح .. لــ/ ويـن
من يبي فرقاي .. في حفظ الكريم .. وفـي أمانـه
ما التفت له لو يصد .. أيام .. وشهور .. وسنيـن
وأنت لو قصدك كذا .. فــ/أرحل ترى مالـك مكانـه
صد عني .. وإنتبه .. لا عاد ترجع .. لـو تليـن
رد قلبـي .. يـوم قلبـك ماحفـظ ودي وصانـه
بادلك بالحب .. لكـن مـا لقـى قلـب(ن) يعيـن
رد قلبـي .. دام قلبـك ماعطانـي مـن حنـانـه
ما عرفت تصون حبي .. ولاعرفـت تحـب زيـن
لاتظن قلبي .. عقب ما خنـت بـه مالـه مكَانـه
والله إنك لاجرحته .. ومـا شكـى جـور السنيـن
ولاتظن حالي عقب فرقـاك .. يُرثـى فـي زمانـه
ما شكيـت الحـال .. ولابيّحـت سـدي والكنيـن
لاتحسب إني بــ/ دونـك عيشتـي عيشـه مُهانـه
والله إني ماحسبت حسـاب .. شـوق ولا حنيـن
أبك انا أخويه ليا من صـد .. خليتـه فـي شأنـه
كيف عاد اللي .. ما يربطني معه حبـل(ن) متيـن
عشت في وقتي .. عزيز النفس ماعـرف الليانـه
شامخ(ن) .. مايرتخي رأسـي .. ولايمكـن يليـن
من شراني إشتريته .. وصنـت عهـده والأمانـه
عادتي ما أخون عهد الحب .. وما أخـون اليميـن
ومن يبي فرقاي .. في حفظ الكريم .. وفي أمانـه
ما التفت له لو يصد .. أيام .. وشهور .. وسنيـن
وإنتبه .. تخطي علـي .. وتعتـذر لـي بالميانـه
ما أختلفنا .. هي ميانة .. بس ما هي كل حين ..

مما راق لي ن25

تسلم الايادي والله اختي جزيرة قصيدة في قمة الرووعة
راقت لي
تستاهل التقييم
لكي ودي