حبيبي نام ياعمري
على صدري وصارحني
وفض الصمت بإحساسك
وخل الحب لي يجري
وفضفض لي بعد عمري
وعاتبني وفهمني
أنا أطري على بالك كثر
ماانته علي تطري ؟!
تعال أقرب من أحضاني
ترى خدك مواعدني
يبي يلامس شغف روحي
ويقطف بوحي من شعري
تعال أنثر هنا ليلك
وخل ويلك يولعني
أناأحبك وأبي قربك
ترى مني قضى صبري
أنا نبضك زهر أرضك
وأنت ؟! إيه تملكني
بنحل خصرك جمر ثغرك
وزود بلونك الخمري
تتوهني تغرقني
من بردك تدثرني
وتبكي لي وتشكي لي
وله قلبك ومن سحري
أبي دموعك مع أنفاسك
بصدق الود تحرقني
وأبي عطرك مع سحرك
وآهك بالحشى تسري
أبيه مسك يبعثرني
غلا ولمسك يلملمني
وأبي عيونك من عيوني
تذوب من الولع كثري
وأبي عهدك مع وعدك
وأبي كلك تسلمني
أبي أيدك تسافر بي
وزهر قدك يلحفني
وأهيم بعالمك عاشق
جنوني أنت
وانت بي تدري
تشوف الجمربعيوني ؟!
تشوف الشوق جنني ؟!
أجل تدري مثل ما أدري
بأنك حلمي يابدري
حبيبي قوم وصارحني
عن احساسك وعلّمني
أنا أطري على بالك ؟!
كثر ما أنته علي تطري ؟! 
شكر علي الموضوع الجميل
مع تحيات يوغي
سطرت لنا أجمل الحروف
بهذا البوح الشيق الذي أخذني
إلى عالم الوفاء والصفاء
لك مني جل الشكر والتقدير والاحترام
على هذه الكلمات الجميله
دمت بحفظ الرحمن
تحيتي
ودي لكم اسعدني مروركم الراائع
دمتم بحفظ الرحمن ورعاايته
