ما لعَنْت الظرف لَنّك : [ مِنْ صنَعْ هذي الظروف ] 2024.

وين أروح ؟!
أنتِ غَيّرتِ الملامح ..
والوضوح ..
صرتِ فـ الدنيا [ جروح ] ..
ضَيّعكْ حكي العواذل ..
ضاق بِكْ درب الطموح ..
صار طعم الحُب [ مالح ] ..
قبل أشوف ..
بعضك اللي صار نازح ..
وبالرفوف ..
حكيك أنتِ .. شعرك أنتِ
كنتِ أجمل مِنْ عرَفت ..
كنتِ أحلى مِنْ سمَعْت ..
كم على شانك صرَخت ..
وأنتِ ماهَمّك عذابي ..
أعتكف وصلك منابر
كَنّي الغربه مهاجر ..
أحتريك ..
في جميع الأمكنه حلمي مسافر ..
مالقيتك .. !
والدليل اللي بقلبي لِكْ تركني وانتهيت .. !!

.. .. .. .. .. ..

ليه خنتِ ؟
ليه بدلت ِ الموده واستهنتِ
بالغرام ..
ليه صرنا في عيون الناس
قبل شْفاههم ..
سلعَة كلام .. ؟!
وينك أنتِ ؟!
اسألي نفسك عليك ..
وين كنتِ ؟! وكيف صرتِ ؟!
يا حرام ..
لَبّسَ العاقل على جنونه ملام .. !
علّميني كيف عَلّمتي الغياب
عن مكاني ؟!
حتى صرت آغيب مثلك ..
حتى عافتك الثواني ..
والسبب : في صدري نصلك .. !
لا تعاني ..
بعدما غبتِ وصارت ,
كلّ أحاديثي , أماني ..
لا تعودي ..
والدليل اللي بقلبي لِكْ تركني وانتهيت .. !!

.. .. .. .. .. ..

سَيّري بعد الغياب ..
للمكان اللي جمعنا
فيه , حلم .. ومات معنا ..
أنشدي الأيام عنّي ..
عن سواليف الشباب ..
عن تفاصيلك ..
عن أول رحله في صمت العذاب ..
ذكري نفسك بـ أمسك ..
داوي جْروحك بنفسك ..
قولي : [مات ] ..
حُب ما يشفَعْ لي ذكره ..
وإنْ تَعَبْك الوقت حيل ..
روحي زوريه وتباكَي
بعد هجرك عند قبره ..
هذا كل اللي بقالك ..
والله إنّي ما بكيتك ..
والدليل اللي بقلبي لِكْ تركني وانتهيت .. !!

.. .. .. .. .. ..

يا غاليه , والعمر يحتاج للما
.. .. .. .. .. .. حولي .. [ ينابيعك ] .. وعطشان .. فَمّي

نهارك أبطى والليالي علي ما
.. .. .. .. .. .. تزيدني … إلاّ … حزن … فوق .. هَمّي

أنا ولَدْ عَمّك .. وعشتك بظلما
.. .. .. .. .. .. والنّور … غيري … ياخذه .. ما , يسَمّي

قبلك أحبك , بعدك القلب أعمى
.. .. .. .. .. .. غريب .. حبك … مثل : كرهك .. بـ دَمّي

أدري أذانك صم , وشفاك بكما
.. .. .. .. .. .. لَكنْ … حذاري … تتبعك … [ دعوة أمّي ]

اليأس ماله بين الأحباب / أسما
.. .. .. .. .. .. وأنتِ … سمحتي … لَه .. معَكْ .. بالتسَمّي

نسمة أمل أشاحت بْفعل : سَلمى
.. .. .. .. .. .. ما .. دامني … أمدحك … وش لِكْ … بذَمّي

بيت الأمل مهجور والحلم, يدمى

.. .. .. .. .. .. وبعد .. كل, اللي .. حصَل .. قلتْ : [ سَمّي ]

دار الزمن والحيل هالك : ومهما
.. .. .. .. .. .. ناداك … صوتي …. شلتِ …. القبر … يَمّي

مامِتْ من جور العطش وأنتِ الما
.. .. .. .. .. .. الموت …. لَنّ …. الجانيه …. بنت …. عَمّي

ما لعَنْت الظرف لَنّك :
[ مِنْ صنَعْ هذي الظروف ]
والحظوظ الحلوه تأتي ..
لـ اللي ما يْحَسّب حساب !
فرصتي غَصّه وعهدي
أتعَبَه [ كثر الحلوف ]
والمواعيد البعيدة
أخلَفَتْ حلم الشباب ..
ما طرقت الباب إلاّ
[ مَرّه ] .. والدنيا في خوف
جيت مثل الفرصه لَكن ..
ضعتْ في [ فصل السّراب ]
انتهينا وأنت باقي
في غرورك ما تشوف ..
إلاّ نفسك حتى حالت بيننا
ريح وسحاب ..
لا تحاول إنّي أرجع ..
والعمر مثل : الطيوف ..
[ وأعظم الأخطاء ] إنّك :
ما ترى غير الصواب !!