قبل الغرام وقبل مااصير .. مغليك
أعاهدك مااقول : غير ..( آمر وسمْ )
حتى لو إنك قلت : برحل .. وأخليك
بقول لك : تامر على ماتبي .. تمْ
رايح أكون إنسان .. يفهم مباديك
أشاركك بالضحك .. والحزن .. والهمْ
مهتم بكْ .. وأغلي بعد من .. يخاويك
ومن لايهمك ماني ب فيه .. مهتمْ
بفتح لك .. بصدري وقلبي .. شبابيك
وأنقش غرامك وأرسمه .. داخل الدمْ
وإنْ جاك نوم .. رموش عيني .. تغطيك
غمض عيونك وسط عيني وثم .. نمْ
وان قلت لي وش كبر حبي بخافيك
أقول أحبك .. بس .. مدري أنا كمْ !!
أبيك تسرقني .. لروعة مراسيك
وأموت بك موتة غريق ٍ .. وسط يمْ
أبيك تدرك يوم انا جيت أماشيك
قصدي تكون أقرب من .. الخال والعمْ
قصدي تبعثرني .. اليا مر طاريك
وأحنْ لك .. وأجيك .. ملهوف لـ اللمْ
قصدي أعشقك .. وأتمناك .. وأرجيك
وأشفق على شوفك.. وضحكك .. مع الضمْ
أبيك تفهم ..!! يمكن أقبل تماديك
وأسامحك لااخطيت .. وأقول : ماهمْ
لكن ..!! لو إنك قلت : برحل وأخليك!
بقول لك أبشر .. على ماتبي .. تمْ
تحياتي
ح
م
و
د
ي
روووووعه
قصيده في غاية الجمال
سلمت الانامل
الغلا
أبيك تسرقني .. لروعة مراسيك
وأموت بك موتة غريق ٍ .. وسط يمْ
أبيك تدرك يوم انا جيت أماشيك
قصدي تكون أقرب من .. الخال والعمْ
ياله من ابداع مدهش ..
لغه مميزه رسمت بها احاسيس جياشه وقويه ..
اقف امام طرحك بكل اعجاب لاقول حقا انك متالق..
شكرا لك عالابيات يالغلا ..
تقبل مروري .. بانتظار جديدك ..
دمت بود
هلا
حمودي
روعه روعه ياغلا وتسلم
حمودي
الله يعطيك العافيه يالغلا
ع العبارات الاكتر من روعه
ولا تحرمنا من جديدك
لاعدمنا ذوقك الراقي
تحياتي لك
اختك دمعه
