السلام عليكم ورحمة الله وبركاته
على نفس المكان اللي جمعنا جيت لـه مرتـاب
أسولف : هـو تناسانـي أو إنّـه ماتناسانـي ؟
نفضت غبار ذكرانا وطار مـن الحمـام أسـراب
وذكرت الدمعتيـن اللـي ذرفهـن يـوم لاقانـي
سنه .. فيهـا تعانقنـا وغنّـا للغـرام أحبـاب
سنه .. فيها تفارقنـا وعـاف الطـرس قيفانـي
منعت القلب كـم مـرّه ولكـن الهـوى غـلّاب
يسوق خْطاي لـدروبـه إليـن الـدرب عنّانـي
تنصّفت الطريق اللي يودي لـه شريعـة غـاب
ألا ليـت الطريـق اللـي خذانـي عنـه ودّانـي
وصلت !! ولا لقيت إلاّ المكان ووحشة الأغـراب
وبقايا عطره وحزمـة مواجـع والأمـل فانـي
غيابه سيف أبو ليلى على صدري وشلفـا ذيـاب
وخفوقي فرسة الفرقا وصـدّه سربـة أحزانـي
هنا .. بس إقتنعت إن المفارق يربـك الأعصـاب
مثل ماتربـك حروفـه إذا ينطـق بـه لسانـي
هنا .. بس إقتنعت إن الفرح في حسبة الأجنـاب
هنا .. بس إقتنعت إن الهموم بحسبـة إخوانـي
طموحي مصافح يْديه وشرَهت بكلمتيـن عْتـاب
قبل ما حرّضه طيشـه علـى صـدّي ونسيانـي
كتبت !! وداخلي شوقِ يردّد يـا أولـى الألبـاب
بعد ما رد لـه بـوح القصيـد ولبّـت أوزانـي
ينادي فـبحّة أشـواق القصيـد وينـده الغيّـاب
وسمعت أصدائه بـصدري أثاري الشوق نادانـي
وصار عيون قرّائي وأحـس إن الشعـور كتـاب
على بيض الورق يرسم بقايا طعـون حرمانـي
دعيت الله يغفر له إذا هـو عـن ذنوبـه تـاب
مدام إن قلبـي المجنـي وهـو القاتـل الجانـي
وقفت … وطاحت دموعي وعطّرت الضمير وطاب
بـدال الدمعتيـن اللـي ذرفهـن يـوم لاقانـي
وسلامة قلب من تابع ولاهان ناظره
المعانــــن25ـــد
صح لسانك وعلا شانك اخوي معاندك
دووووم مبدع
تحيتي 
هلاااا و غلاااا معـاندك ياحب
دااائما مبدع واختياراتك تنم ذوووقك
وفقك المولى لما يحب
تقبل مرورى بوووود
تحيتي لك
تنصّفت الطريق اللي يودي لـه شريعـة غـاب
ألا ليـت الطريـق اللـي خذانـي عنـه ودّانـي
وصلت !! ولا لقيت إلاّ المكان ووحشة الأغـراب
وبقايا عطره وحزمـة مواجـع والأمـل فانـي
غيابه سيف أبو ليلى على صدري وشلفـا ذيـاب
وخفوقي فرسة الفرقا وصـدّه سربـة أحزانـي
هنا .. بس إقتنعت إن المفارق يربـك الأعصـاب
مثل ماتربـك حروفـه إذا ينطـق بـه لسانـي
.,
روووعة
صح لسانك ولاهنت
