السلام عليكم ورحمة الله وبركاته
شفني باطراف المدينه اشعل افواه السجاير
………………………. طفل يتسكع حنين ويحتظن صمت المدينه !
شايل بيده رساله تحتري صوت [ البشاير ]
……………………….بعد ماذاق الهوان . . . وبعد ماذاق الغبينه !
يرتشف [ جرح الغياب ] وعينه تهل العباير
……………………….قلّب اوجاعه فراق وهزت الذكرى .. حنينه
فوق ارصفة الشوارع / يلمح بعينه [ مناير ]
……………………….يبتسم مرات لكن : تجرحه ذكرى . . . دفينه
يامناير من غيابك : يسكن الحزن الضماير
……………………….يامناير ضاع بعدك [ طفل كنتي تحتوينه ] !
العبت فيه المواجع . . عاش وقته في خساير
……………………….ماحسب جور الزمان وصارت افراحه حزينه
يا مناير من رحلتي : صارت ذنوبه كباير !!
……………………….يلعن الوقت ورداه . . . ويلعن البعد وسنينه
يسأل الليل / ببرآءه : هو انا وشلون صاير ؟
……………………….وليه انا لأوجاع وقتي صرت ياليلي رهينه !
يحتضن صمت المباني وينضر لوجه العماير
……………………….يحتري [ نور النوافذ ] تبعث .. بقلبه سكينه !
يمشي بدرب المدينه في حرا : عابر / وزاير
……………………….خطوته صيحة غريقِ يلمح بعينه . . . . سفينه
كان في قربك بـ آمان وصار من غيبتك ثاير !
……………………….حالته صارت غريبه / مو مثل [ ماتعرفينه ]
[ يرسم الحلم ] بيديه : وينكسر والحلم / باير !
……………………….كان يحلم كل ليله . . . في [ امل انك تجينه ] !
الغياب أرهق شعوره / ظالم غيابك . . . وجاير
……………………….يكسر بعزم الهقاوي / وكسرة الهقوه .. لعينه
تاه من ظلم الليالي / دار في صمت . . الدواير
……………………….بعثر [ الوقت بحياته ] . . . ولا له الا الله يعينه
يمشي بخطوات خوف .. وجاهلا دربه / وحاير
……………………….يستظل بعز ليله . . . تحت [ غصن الياسمينه ]
يكسر [ الغصن بيمينه ] ويرسم قلوب ودواير
……………………….والثرا يحظن دموعه . . قبل تمسحها / يمينه !
اختنق صدره وفك / لخنقته كل . . . الزراير !!
……………………….ياعسى الضيقه / تفارق صدر كانت له سجينه
يرتعش شوق وحنين / وخافقه بالدم .. فاير !
……………………….صاح من حر الفراق وهز هالشارع / ونينه !
وسار باطراف المدينه / يشعل افواه السجاير
……………………….طفل ضايع بالمدينه / كان يبحث عن مدينه !!
ــــــــــــــــــــــــــــــ شاعر مفارقـــــــــــــــــــــــــــــــــــــ
معـآاندك ياحب
بلا أستثنـاء القصيدة بأكملها راقتني لاهنت
حقيقة سكب غشـآااه جمـال الحرف
وروعــة الأنتقــاء
سلاسة وخفـة
متصفح راق لي جميع ماسكـب فيه
صـ لسـانك َــح ولا هـان ناظرك َ
لك َ مني تحــيه ملا ئكـية 
صح لسانك ولاهنت
دمت بود
لاهنتوا على راسي
