ميـن فينـا ما في حيـاتـه " جـرح " ؟
ميـن فينـا ما جـا يـوم و " انجـرح " ..
سـواء من شخـص قريب أو بعيـد ..
أو حتـى " جـرحتـه " الظـروف ؟
" الجـرح " ساكـن فينـا .. يعيـش في قلـوبنـا ..
وكـل انسـان فـي حيـاتـه مسـاحـة حـزن ..
نـاس تحـب تظـهرهـا ..
ونـاس تحـب " تخفيـها " !
مثـل ما " الجـرح " ماخـذ حيـّز في نفـس الانسـان .. نلقـاه مـاخذ حيـّز
كبيـر في الفـن .. لأن الفـن بكـل بسـاطـة يعكـس حيـاة الانسـان
لكـن فيـه أعمـال فنيـة تحـسها " تلمسكـ " علطـول .. تعبـّر عـن اللي في
قلبكـ و فكـركـ .. تترجـم " احسـاسكـ " اللي ما عرفـت تعبـّر عنـّه بالكـلام !
و مو شـرط تكـون عمـل فنـّي كـامل .. ممكـن تكـون " جملـة صغيـرة " تغنـي
عن كـلام كثيـر .. ما تكفيـه الكـتب !
اليـوم مـدري وش فينـي صحيت متنكـد .. مـع ان أمسـي كـان حلـو
بـس مـدري وش فيـه " الشجـن " ماسكـ معي اليـوم !
أدري ان هالمـمملكه ماهـي قـد المقـام ..
ولا تعتبـرونـه مـملكه أصـلا ً ..
اعتبـروه " فضفضـة " .. اعتبـروه سوالـف .. أي شي !
كـل مافيـها إنـي حبيـت اسـولف معكـم وأعـرض لكمـ أكثـر كلمات الأغاني
اللي تعبـّر عـن " الجـرح " بالنسبـة لي .. وبالنسبـة لإحسـاسي ..
(uu11(uu11
تخيلـوا .. أول مـاصحيـت .. وانـا في وسـط هالأفكـار .. لقيت قـدامي جملـة
" قلبـي من أسبـاب جرحكـ .. ما يكلمنـي "
وش أقـول بس ؟ هي تجـي مـن كـلام سعـود بن عبـدالله .. ولا مـن احسـاس نـوال ؟
هالجملـة قاتلـة .. وش أكثـر من ان قلبكـ يزعـل عليكـ ولا يكلمكـ مـن كثـر
ما " انجـرح " .. كأنكـ انت اللي سببت لقلبكـ هالجـرح .. لأنكـ انت اللي اخترت هالشخـص وحبيتـه ..
وخليتـه يجـرح قلبكـ .. والمشكلـة ان هالقلـب اللي زعـل منكـ نسى انـه هو اللي اختـار ..
وهـو اللي حـب !
آسفـه يا قلبـي .. أنـا اللي بـزعـل عليكـ الحين
و يا صعـب جـرح القلـوب .. ويا مصعـب عـلاجـه ! ومنكـ لله يا سعـود بن عبدالله !
يـاقلبهـا مسكيـن ما يـدري !
إن الهـوى سكيـن .. يجـرح ولا يبـري !
" بـراءة القلـب " تخليـه بسهـولـه ينخـدع .. بسهـولـة ينجـرح
يمكـن ما يكـون العيب في " الهـوى " مثل ما قـال الشـاعر .. العيب في القلـوب
اللي تحـب .. أو اللي تدّعـي إنهـا تحب !
مـا راح أتكلمـ عـن الشـاعريـة المـوجـودة في هالبيـت .. لأنـي ما أعـرف ميـن
صـاحب البيت بحكمـ عـدم اقتنـاعي بشـاعريـة أسيـر الشـوق بالذات في هالقصيـدة
مـاعلينـا .. نركـز على اللحـن والاحسـاس .. نلقـاهم يتخلصـون في كلمتيـن :
عبـادي الجـوهر
ان جينـا نتكلمـ عن الاحسـاس والحـزن .. لا يمكـن بأي حـال اننـا نتجـاوز " عبـادي "
مـو في هالأغنيـة بس .. في عشـرات من الأغـاني .. نلقـاه أفضـل مـن " يجسـد " الجـرح ..
فضـل شـاكر مـن بين كثيريـن .. يلمـس جـروح القلـب ..
احسـاس طـاغي عنـد هالإنسـان .. خـاصـة لى قـال :
" يا عايـش بـروحي وتاركنـي وحيـد ..
ما تفـيء لـي جـروحي من أول وجـديـد !
أنـا ضايـع من حـالي .. نسّينـي الليالـي ..
وانسـاني كرمـالي .. يا حبيب الـروح "
النسيـان نعمـة .. لكـن أحيـانـا ما نصدّق ننسـى .. إلا ونلقـى
طيـف الحبيب قـدامنـا .. ويذّكـرنا بكـل اللي راح .. وكـل اللي حـاولنـا ننسـاه ..
وبكـذا يكـون " فتـّح علينـا الجـروح " اللي تعبنـا واحنـا نـداويهـا
تتـوقعـون أقـدر أتكلمـ عـن الجـروح بـدون ما أذكـر هالأغنيـة ؟
لا طبعـا ً .. هالأغنيـة تعتبـر من أشهـر أغـاني عبدالكريمـ .. وما جت الشهـرة عبث !
حبيبتـي ضـافت على جـرح العمـر جرحٍ جـديـد ..
حبيبتـي لاهـي صـدقت باللي وعـدت ..
ولا صـدق حلمـي البعيـد !
كونكـ تحـب شخـص يـزيـد جروحكـ .. هـذا وش نسميـه ؟
مـن جـروحنـا نتعلـم .. نعيـش تجـارب مُـرّة تعذّبنـا ..
لكـن نتعلّم .. ونطلـع منهـا بـ درس !
نتعلـّم اننـا ما نعطـي بسهـولة .. عشـان ما ننجـرح بسهـوله أكثـر !
وإذا باقـي لكمـ غدر " اعذرونـي " .. روعـة يا مجيـد
طـلال السعيـد مـدري وش كـان صايـر لـه يـوم يكتب هالكـلام ..
لأنـه بجـد كـلام كبيـر .. وقـوي
الجـرح أحيانـا يكـون من التغييـر .. " وش غيّركـ وش جاكـ طبعكـ غريبي " ؟
صعـب إنكـ تكـون متعـود على شخـص قريب منكـ .. وتلقـاه فجـأة تغيـّر
عليكـ .. كـأنـه شخـص ثـاني .. " غـريب " عنكـ وعلى قلبكـ ..
الأغنيـة هـذي مـو أحبهـا وبس .. الا أعشقهـا .. ويكفـي إنهـا لابـو خـالد
مـرت سنـة على فـراقكـ .. علـى صوتكـ ..
على أشـواقكـ .. مـرت سنـة !
كـل عـام وجـرحي بخيـر
ما كـذب مـن سمـاه " الصـوت الجـريـح "
صـوت ينـزف ألم .. صـوت يفيـض احسـاس .. عبدالكـريمـ عبدالقـادر
وش عـاد لـو اجتمـع مـع البـدر ؟ ومـع ألحـان عبدالرب ادريـس ؟
الفـراق هنـا هـو أكبـر جـرح ..
وأنـا أقـول ما كذبت يالبـدر .. و ما كـذبت يـا بـو خـالد
ومثـل ما بديت بـ نـوال راح أختمـ بهـا .. لأنهـا بالنسبـة لي القمـة في الاحسـاس
نـوال ما غنّت لـ جرح واحد .. غنّت لـ خمس جـروح
أول جـروحي قلب ميّـت من الإهمـال ..
ثـانيهـا صدمـة حـب .. مـات بـرواقـة بـال !
بعـدين تكمـل وتقـول
" بـاقي ثـلاث جـروح .. بحكيهـا لكـ وأروح
الثـالثـه احـزان من راسـي لأقـدامي ..
والـرابعـة هجـران .. ماتت بـه أحـلامي ..
باقي الأخيـرة نـزف .. بـاقي الأخيـرة ضعف ..
ودمـع وقف بالعيـن .. جمـر حمـر ما جف
خامـس الأخمـاس .. يا سيدي الحسـاس !
إني أنـا كلّي .. ما عـاد بي إحسـاس !! "
يالله !
" ما عاد عرفت أكتب شي خلاص "
كثـرت الجـروح .. إهمـال وهجـران وأحـزان .. في الأخيـر " مـا عـاد بي إحسـاس "
يخوننـي التعبيـر هنـا بصـراحة
لكـن فعـلا ً .. أحيـانا ً يمـوت القلب مـن شـدّة الجـرح ..
يمـوت مـن طعنـة هجـر ..أو كـذب أو خيـانـة ..
إبـداع نـوال في هالأغنيـة بالذات حـالة خـاصة .. ما أظن إن الأغنيـة كـان ممكـن
تطلـع باحسـاس أكثـر من كـذا .. نـوال ارحمينـي خلاص
إي والله إن عـز ّ الحكـي وصعـب .. خـذ جروحكـ و روح !
يمكـن أنـا طبعـي كـذا .. عشـان كـذا يأثـّر فيني هالمقطـع
أحيـانـا ً الكـلام يكـون صعـب .. تحـسّ انـه مو راضـي يطلـع ..
سـاعتهـا .. آخـذ نفسـي وقلبـي وجـروحي .. وأروح !
