وقف ابحكي كيف قسوة زماني
ودي تجي وتسمع وش اللي بلاني
جيتك وانا شايل من الكم احزان
ودي تخاويني لذيك المواني
جيتك وقلبي من الألم حيل تلفان
هم (ن) ذبحني وهم جاني وعماني
جيتك وفيني من بقاياي انسان
ودي تعاتب ذا الفرح من نساني
جيتك وهمي راجح بكف ميزان
ابكي سنين (ن) بيحت ما شجاني
جيتك ودمعي مغرق (ن) كل الاجفان
حطم فؤادي زود بعد (ن) كواني
جيتك وانا كاره من الغدر خوان
اللي دنا منهم وعنهم قصاني
ودي تصارحني ولو دون برهان
وودي تعاتبني وتقهر هواني
تعبان من فعل الزمن حيل تعبان
هدتني الدنيا بخذل الأماني
هذا الزمن قاسي على الكل يا فلان
من قسوته خيط عباة وهداني
ياما صدمني بقسوته وزود خذلان
وياما كسر بي فرحتي ثم رماني
بالله يا وقتي كفى منك عصيان
يكفي زماني بالهوايل جزاني
جيت اتودد لك وانا حيل هلكان
ارجوك ترحمني وفكه عناني
المشكلة ما هي اعتذار (ن) وغفران
ولا هيب مره كان حزني جفاني
المشكلة لبروا ساحات غلطان
وصار البري شيطان والمجني جاني
هذا انا ويا الزمن حرب نيران
عيا ينوخ لي وهو قال كاني
اصبح بريء وصرت انا خلف قضبان
حتى ولو أني فلان الفلاني
يا طير قلي ليه فزيت زعلان
تو الحكي هالحين بين وباني
توي ابيح لك من الهم بركان
توي اقول اليوم حزني شكاني
يا طير يا كافخ على كل كثبان
اسمع شكاتي يوم همي كفاني
شفت البحر لصار زعل (ن) وغضبان
هذا انا لا صال فيني حصاني
اسمع وش اللي همني طول الازمان
فرقا غلاة الروح زاد امتحاني
بحكي مع اللي راح في وسط الاكفان
اللي رحل عني وزود جناني
بحكي معك يمه سواليف نشوان
بحكي واقول اليوم حضنك بكاني
تدرين يمه صعب لا ضاع الامان
وصارت حياتي عقبكم شي ثاني
وتدرين اصعب شي لا صرت عطشان
وشفت السراب بعيد اركض اعاني
واصعب من اللي راح لعشت وحدان
واصبحت في الدنيا وحيد (ن) تعاني
انا لوحدي عايشه بين جدران
همي لحافي والحزن له دعاني
اربع سنين (ن) ممحله دون هتان
ما غير دمع العين ملحه سقاني
من يوم غبتي يا غلا كل الأكوان
وانا قفلت الباب دون التهاني
اعيش وحدي دون موطن وعنوان
ويضيع عمري مع زمان (ن) عصاني
لمن لقيتك صرت بالفرح غرقان
افرح ويفرح كل منهو يراني
ولمن تلاشى طيفك وصار دخان
ابكي غيابك يوم حزني حواني
صحت ونخيتك يا ربح كل كسبان
يمه تعالي بحضنك لو ثواني
ارجوك يمه بتدفاك بردان
بشم ريحك يوم زولك لفاني
بجلس واسولف لك سواليف ولهان
مشتاق ابوسك لين افنى بمكاني
ولهان يمه لضحكتك حيل شفقان
ودي اضمك حيل وانسى كياني
وودي ابوس الكف وما بين الاعيان
وودي امارس كل طقوس الحناني
من يوم رحتي اصبح الكون عميان
ضرير عاجز من سواده كساني
ليت الزمان يعود من غير حسبان
وانسى الحزن واقول وقتي عطاني
اذّكر ايامي معك كلها اشجان
يا امي يا اغلى الناس يا كل شاني
يا اللي شروقك خير في كل الاوطان
شمسك تضوي الكون لو ما تباني
وهمسك كما نفل (ن) وشيح (ن) وريحان
يعطر اجوائي وهو له خذاني
وضحكك كما ورد (ن) ملى الكون ألوان
بعدك حياتي باهته بلا معاني
عندي حكي واجد سواليف عشقان
عشقي لشوفك انتهض ثم حداني
احتاج يمه لضمتك وسط الاحضان
ضناني شوقي لك يا يمه ضناني
من غيبتك يمه وأنا حيل ضميان
ذبلت ورود الفرح وسط المحاني
جعلك في جنة خلد ويجزيك احسان
ويسقيك من نهر (ن) على الدنيا فاني
ويغفر ذنوبك خالق الكون رحمان
ويجزيك بالفردوس رب الجناني
غنيت لك شعري على كل قيفان
وسبكتها بوزن (ن) حزين (ن) كواني
ودويتها آه (ن) على كل ما كان
فيها نزلت الدمع وهوه رقاني
وخاويت حزني وصار سيد وسلطان
وودعت ضحكي يوم فرحي سلاني
وسامرت هم (ن) اعتلا فوق الامتان
ورحبت في جرح (ن) عليهم نصاني
ونثرت دمع العين على الخد نيشان
وانهد في جوافي صروح ومباني
وذبلت زهور العمر والعمر ذبلان
من يوم حزني في بعادك بداني
المشكلة ما هي اعتذار (ن) وغفران
ولا هيب مره كان حزني جفاني
المشكلة لبروا ساحات غلطان
وصار البري شيطان والمجني جاني
هذا انا ويا الزمن حرب نيران
عيا ينوخ لي وهو قال كاني
اصبح بريء وصرت انا خلف قضبان
حتى ولو أني فلان الفلاني
يا طير قلي ليه فزيت زعلان
تو الحكي هالحين بين وباني
توي ابيح لك من الهم بركان
توي اقول اليوم حزني شكاني
يا طير يا كافخ على كل كثبان
اسمع شكاتي يوم همي كفاني
شفت البحر لصار زعل (ن) وغضبان
هذا انا لا صال فيني حصاني
اختيااااااااااار وطرح بقمة الرووووعه
صح لسانك قصيده تلامس الاحاسيس
يعطيك العافيه
تسلم ايدينك اخوي على الابيات الرائعة
بانتظار جديدك
تحياتي
روووووووووووووعه
يسلموووووو طيرنا طرح اكثر منذوق يعطيك العافيه |
هلا وغلا اخوي طير النهر
شكرا لك على الاختيار الرائع
تحياتي
يشرفني ويسعدني مروركم الكريم لالالالالالالالالالالالاعدمتكم
