.. بســم الله الرحمـن الرحيـم ..
.. السـلام عليكم ورحمه الله وبركاته ..
.. امسيت عليكـم بالخير ..
.. تخونينـي ..
تخونيني ! حشا ماكنت احسب انك تخونيني
ولا كنت احسبك تجفين قلبٍ حبك وصانك
بربك وش حصل مني تجين بلحظه ترميني
وانا اللَي بعت هالدِنيا وبعت الناس من شانك
مصيبه .. والمصيبه يوم في ظهري طعنتيني
قسم بالله ان دمعي وقف في محجري دانك
شريتك كنت احسب اني ملكت الكون بيديني
واثاريني انا الغلطان جيتك باَخر ازمانك
خساره يوم حبيتك على بالي تصونيني
غدرتيبي وجازيتي وشاح الطيب نكرانك
ياليتي مت قبل انتي تطفِي جمرتك فيني
حرقتي قلبي اللِي كان يدفق فيك شريانك
وربي لو انا خنتك لاقطّع لك شراييني
واموت احسن قبل تدرين اني صرت خوَانك
اقول ..الله يسامحك ويجي يوم وتعرفيني
وانا برحل خلاص الحين واقفل كل بيبانك
وقبل امشي أبي اوصيك في حلمي تزوريني
عشان اروي ظما قلبي وأنسى فيك نسيانك
وامانه من يمر طيفي .. عليك الله تضميني
وتدعيلي بكل الخير .. وانا ادعيلك بغفرانك
