صدفه جابتني لدربه من بعد خمسة سنين..
والله إني من سمعته كلم البايع عرفته..
إلتفت بلهفة اللي حيل مضنيها الحنين..
لكن الصدمه عظيمه شايل.ن بيديه بنته..
ومعه أم البنت تمشي شابكه فيه اليدين..
وقتها دارت بي الدنيا وحزني ما احتملته..
حارت دموعي وأواسي نفسي: يا ريم ;اليقين..
وإلا ناسي قلبي اللي مارضى بغيره ضنين..
دق جواله ونزل من على الاحضان بنته..
وخثعت بنته ونادى: ريم لا لا توقعين..
قمت أناظرها ودمع احتار بعيوني ذرفته..
استوت هالدنيا عندي عادي لو موتي يحين..
انحنيت أبوس ريم وخدها الايمن لمسته..
التفت لي وقال لي: ياهيه فيها وش تبين..
قمت أتجاهل واسوي نفسي كني ماسمعته..
قال: يااختي ابعدي عنها ولاتستهبلين..
ويوم قرب لي, بعيني من ورا البرقع خزرته..
طاح جواله, تلعثم قال: أنا بحلم.ن حلمته..
وإلا واقع فهميني ليه عني تبعدين..
ليه عني ماسألتي وأنا هذا الكون بعته..
لجل عينك ياعيوني وما أظنك تجهلين..
أنا من بعدك يا ريمي حتى طاري العرس عفته..
ناظري فيني وشوفي كيف من بعدك حزين..
والله إني ما أنام إلا وماضينا ذكرته..
أنتي وحدك من جعلتي قلبي القاسي يلين..
أقسم بربي غلاك بيوم ماعمري جحدته..
ماإلتفت لبنت غيرك ما سمعت العاذلين..
ماسهجت دروب غيرك دربك اللي بس سهجته..
وش أسوي لجل ياروحي كلامي تصدقين..
حتى شوفي هذي أختي تشهد بصدق اللي قلته..
وهذي طفلتها على اسمك اسمها وتستاهلين..
صدقيني مانسيتك حبك الصادق حشمته..
حتى حرف الراء منك باقي له بإذني رنين..
قلت: عامر, قال: سمي, قلت: أنا والله صنته..
حبك اللي كان أصفى من ورود الياسمين..
كم طلبني واحد.ن غيرك وأنا لجلك رفضته..
وكم تحملت الغثاء واسمع شماتة شامتين..
حيل ذابحني غيابك وفرحوا بي الحاسدين..
وأنت تدري بأن حبي ماأبالغ لو وصفته..
بأنه أصدق حب يحصل في حياة الصادقين..
قال لي: يا ريم ربي يشهد بدمع.ن نثرته..
ويشهد إني وافي لحبك ولاسرارك أمين..
إرحعي لأبوك قولي: نصفي الثاني وجدته..
واحتريني جايب.ن مهرك ودبله باليمين..
إبتسمت وقلت في نفسي حرام إني ظلمته..
ثم طلعت من المحل والفرحه بعيوني تبين..
وقمت أتمتم في طريقي: هذي أخته,هذي أخته..
وآآه يازين الوفاء لاصار بين العاشقين
طرَحك رآئع كـ عنوآنك يآ غآليَ
يسسسسسَلموَ لمآ يقدمَتوَ
يَعطيك آلعآفيةَ
تحيآتي
يسلموووو اخوي على المرور اسعدني مرورك
صح لسانك
دمت بود
وآآه يازين الوفاء لاصار بين العاشقين
<< دمعت عيوني
صح السانك
بقمة الروعة
تحيتي
يسلمو ثرثر على المرور
امسحي الدمعه الوفاء فى الدنيا مافيه هههههههه
مشكور الباحث علي الطرح الجميل
تحياتي لك
ن25ن25ن25ن25
إْخى الغآلى ورٍبي آحتآرت كلمآتى .
وتطآيرٍت افكآرٍى أبيآت فـ قمة آلرٍوعـه
يآلله هل يوٍجد بهآلعآلم من يكتـب متل هـ الابيآت
وآلله جـد مؤثرٍه وجد رآئـعه
تسآـم يآخى ع تقديمَك الرآئـع
لآحرمنآ آبدآعآتك ..
5
كلمات فى منتهى الروعه
سلمت يداك أخى الباحث
تحياتى
شعر في قمة الروووووووووووووووووووووووووعه
مشكوررررررررررر اخوي ويعطيك الف الف الف الف عااااااااااافيه
