ان جيتني منقول وان رحت مقبول اما الهوى شبعت منه وغلقت 2024.

لا تقول لي مشتاق ! ماهو بـ معقول
يعني بعد فرقــاي حنيت وآشتقــت ؟!

هــذاك لـو إنك تبيـــني على طـــول ،
يمكن تلاحــــــق شي كانك تـلاحقت

إللي بقى لي فصل من خمسة فصول
آعيش به ذكـراك من وقت لـ وقت ..

ماقدر على وصلك من الحول للحول
دامـــك مع سكــة غيابــــك تعلقت ..

وماعاد عندي قلب يصبر ولا حــــول
صبّرت نفسي صبر من فوق ما طقت

وعرفت معنى الهـْم بـ الفعل والقول ..
وشبعت من طعمه كـــثر ما تذوقــت ..

وشربت حزن ، وصرت بـ الحزن مثمول
وللحين في سكرة حـــزن مابعـــد فقت ..

لاتحسب إن الجــــرح في لحظه يزول ؟
ولاتحسب إني لازرق الدمـــع صدقت ..

هـــذاك آول عــادني فيك مذهـــــول ..
ياما على شانك زعلـــت وتضايقـت ..

وآكتب قصيدي بك يا غــالي يا مجمول ..
وإن جيتني صفقت .. وإن رحـت صفقت !

وهاللحين عن الآشواق والحب [ مشغول ]
من بعد ما شفت الخـبايا – و برقـــت ..

حتى دريت إن الزمـــن كله يقول:
لا تآآآآمن الدنيا لو إنك تفوقـــت !

وآنا ترى ماني عن البعـــد مسؤول ..
حلمتني [ حلــم الفراق ] وتحققت ..!

وآرسلت لي مرسول ، وآرسلت مرسول
علقت ، ما علقت مـــــــا كنت علقـــت ..

إن جيتني [ منقول ] وإن رحت [ مقبول ]
آما الهــــــوى شبعت منه ،، وغلّقت . . .

مما راق لي