عند الضحى بديت عالي المشاريف
و اعدل القيفـان والعـب بهنـه
و(عبيد)هيضني بزين التواصيـف
امثـال شعـرٍ بالقلـم جرهـنـه
إن كان تنشد يا زبون المواجيـف
إنشد وانا اعلمك من غيـر منـه
حنا (بني خالد) هل المدح والكيف
أهـل السلـوم الطيبـة كلهـنـه
حنا نعز الجار و نكـرّم الضيـف
و أفعالنا التاريـخ يشهـد لهنـه
و أيماننا وان جت ليال الشفا شيف
السمن من فوق الشحـم يدفقنـه
و إن جا نهارٍ فيه مثل العواصيف
عج الرمك مثل القنـوف المدنـه
صاح الصياح و فرّعن الغطاريـف
و البيض كـل مجـرّبٍ يزهمنـه
تطاولوا قـب المهـار المزاغيـف
و بايمانهم حدب السيوف المسنـة
قـبٍّ يكاظمـن الاعنّـة مزاهيـف
ركبوا عليهـن مهمليـن الاعنّـه
لحقوا وحل ابليس عند المشاعيف
والخيل من ضرب القنا مستجنـة
و فكّوا بضرب مصقلات المزاهيف
وكم واحدٍ جـرد السبايـا وطنّـه
وفكوا وردوا بالقلايـع محاريـف
أفعالنا يا (عبيد) وان سلـت منّـه
وصلاة ربي عد مابالحـرم طيـف
علـى نبـيٍّ حـط للنـاس سنـة
لا تنسو الردود
صح السانك ولاهنت
ابيات رائعه
تحيتي