وأتمتم حيل ما " أحبك " ويضحك حيل" كذابه " ! 2024.

مَآ غير الهم يرسمني [ حكايآ ] ترفض التّلوين
……….. سِوى بلون السواد اللي جروحه سبّة أتعابه ..

ثلاث سنين والفرحة تعاندني ثلاث سنين ،
……….. وأنا من يوم مافارق " عيوني " أبكي غيابه

ثلاث سنين أصوّت له ويخنقني شهر تشرين ،
……….. يزيد الجرح في صدري ويرميني على بابه .. !

ثلاث سنين أنزف له على سكّة جروح البين .. ،
……….. ولايحضنّي إلا [ الهمْ ] وشارع فاقد أصحابه ..

أجمّع دمعتي/حزني/طعونٍ ماأعرف منين .. !
……….. بقايا فرحتي/ضحكي .. وأطيّر للسماء أسرابه ..

تعبت أتنفسه ضيقة / و يكبر داخلي تخمين ..
……….. يبي يرجع يلملمني ! بعد ماضعت بـ أسبابه !

وأنا في غيهبة حزني خذتني صورة لـ طفلين ..
……….. ملامحهم تشابهنا ، وحتى الضحك متشابه ..

زوايا بيتنا.. جدراننا / همساتنا الأثنين .. !
……….. بقايا نظرته ، تسريحته / شمّاعة ثيابه

أنا أذكرها محبتنا .. شقاوتنا / بيوت الطين ..
……….. وصوتٍ لاسكن فكري .. سرحت أشكيه لألعابه .. !

يجيني ليش زعلانة..! ويحضن وجهي بكفين
……….. وأتمتم حيل ما " أحبك " ويضحك حيل كذابه .. !

رسمته [حلم] فرّحني سكنّي واستحل العين ..
……….. تعمّق داخل عروقي عشق طاهر محد صابه ..

زرعني في تفاصيله وغاب بضحكة الواشين ،
……….. تعلّم منّهم يَقسِي .. حصدني شوق يغتابه

رحل واستاحشت روحي وقلبي إنشطر نصفين ..
……….. تخبّى نصف في كمّه .. وذاك برفّ دولابه ..

كبيرة إنّي أخونه بسيطة نكون له وافين ..
……….. أنا / وإحساسي / وكلمة ، تخبّت داخل كتابه ..

أحسّ بداخلي شعبٍ تعب من كثرة التوطين ..
……….. تجرّد منّي ومنّي خذا من صدري ترابه

تعبت أستنزفه فيني آنينٍ إشتعل بي لين ،
……….. طفى وهجه من أعماقي وذابت لـ /أجلي أهدابه

أغنّي له أنا بعدك صحاري ملّها التكوين
……….. حزينة / تَعْزِفْ ضلوعي لحون بنغمة عتابه ..

فقدته / وإنكسر عشقٍ تبلّور ف الخفايا زين ..
……….. وضاعت معه احلامي وضعت بزحمة أطيابه ..