شكثر ردتــك تحبنـــي وانتَ ما حسيت
بكثر ما صــــرت احبك گمـــت تاذيني
مدري شــــبدر منــي ويا ذنــب سويت
وانا عينـي اعلى دربك من عمت عيني
خذوك اهــل الشـــــماته وعنـي اتخليت
وكنــــت تحلــــف براســــي ما تخليني
اظل اشـــرب دمعتـي بنــوب ما ظنيت
وتجي انــت بحفنتـــي دمعـــي تسجيني
على بختـــــك انا بالحــــــب قــد كفيت
وقد وفيــــت عهــــدي وهيـــچ ترميني
انا ردتــــك فـــرح تشــمل زوايا البيت
وفقيــــر من الســــــعادة وردت تغنيني
وانا ردتــك ســـــــلاح بأيدي لو وجيت
ترد وتصيـــــر عبــــوة بنص شراييني
وانا ردتــــك غــــــرام لعمري وتمنيت
ابد ماكــــو اليخـــــرب البينــــك وبيني
انا مثـــل الصگـــــر انتحــر لو حسيت
يجي غــــراب بنعيقــــــه يريــد يلويني
وانا مثــل الأســـــــد ما ينثنــي بتربيت
رغم انــــي كنـــــــاري الكـــل يسميني
شكثر ردتــك تحبنـــي وانتَ ما حسيت
بكثر ما صــــرت احبك گمـــت تاذيني
الكناري
يونس الجبوري
2/7/2016
الف شكر على
روعة الكلمات
وجمال الاداء
اتمنى لك
المزيد من الاأبداع
