يا قلب هذي نهايـة حبـك الأعمـى
يا ما نهيتك وقلـت احـذر وفارقهـا
مسكين يا قلبي اللي بالصدف يرمـى
حبيبتـك صدفـه وبانـت حقايقـهـا
حلم الطفولـة تبـدد وابتـدا يغمـى
الذنب ذنبـك تحسـب انـك معلقهـا
أتعبت روح ٍ على نار النوى تحمـى
لا عاد يا قلب من وهمـك تضايقهـا
خليت الايام لي يـا صاحبـي ظلمـا
الشمس غابت ولا ادري وين مشرقها
يا ما ترجتك عشاق الهـوا الأسمـى
وبدون تفكيـر تبعـد عـن مناطقهـا
شرب الهوا يا خفوقي غير شرب الماء
غريقها أنت ما نـت اللـي مغرقهـا
لا تحسب انك ملكت الدولة العظمـى
إنسـى بأنـه يجـي يـوم وتعانقهـا
تسهر وتبكي ودايم تعطـش وتظمـى
وتهيم في غيمة ٍ قـد مـات بارقهـا
ومحبوبتك من زمان اصمـة ٍ بكمـا
تلعب وتضحك لغيرك وانت عاشقهـا
ضيّعت الايام يا قلبـي وانـا مهمـا
تجي بكامـل هواهـا مـا أصدقهـا
هي تعرف لنفسها واختارت المرمى
وطول السنين القديمة وانت تلحقهـا
ضيّعتها من يدي ضيّعتها يـا اعمـى
راحت عسى الله مع غيـري يوفقهـا
السلام عليكم ورحمه الله وبركاته
كـآفـى عــذآبـ
اسير الهمس
قصيده جميله ورائعه
يعطيك العافيه على الطرح وصح لسانك
بلاك كلين و اسير و جزيره
الله يعافيكم ويسسلمكم وصح ابدانكم
تسسلمون على المرور