يا رفيف الماء..وفجر العيـد.. وأحـزان الموانـي
يا أكثر أهل الأرض طيبـة قلـب وأسـرار دفينـه
المكان اللي هنـا .. مليان ضحكـات ، وأغانـي
والكـلام اللي بغيت أقـول .. يحتاج لـ سكينـه !
شوفي الركن البعيد هناك .. كنـه صـدر حانـي
هـذا هـو اللـي يليق بـ شاعـر وبنت حزينه!
أنسـي الشـارع ، وعتمات الزوايا، والمبانـي
هاتي يدينك نلف الغيـم ونشكل مديـنـه !!
عنـدي الليلة كلام وصمـت .. وأخاف الثواني
تظلمه ..أو تظلم اللي فيه كم ضاعـت سنينـه
بـس لازم تسمعـيـن اللي أبي ولا تـرانـي
لو بـ أعيده لك .. نسيت!!ورحت أقول اللي تبينه
شي واحد قبل ما أبـدأ .. مـا أبـي أي شـي ثانـي
يخـطر فـ بالك .. وأنا أكشـف لك شعور تجهلينه!
إن أنا .. وبكـل مـا تحمله "أحبك" مـن معانـي
كنت،وراح أبقى أحبك .. لين ..مدري وش هو؟.. لينه !!
بـس واللـه ماقدرت أنسى … ولا همي نسـانـي
لا ذكرت إنسـان .. فيـه أسـرار مابينك وبينه
كـل مـا تطـري علـي فكـرة هـواك الأولانـي
أشعـر إنـي أنطعـن مليون مـره مـن يديـنـه!
أشعـر إن عيـونك الله .. مـا خلقها إلا عشانـي
كيف كانت تبتـسم لـه؟!.. قولـي إنك تخدعينه!
صورة إنـه كان يمسـح دمعك .. تزلزل كيانـي
وكيف كان يلّم شعـرك .. ويتبعثـر فـي يمينـه
حتى اسمـك يـوم رحـت أدللـه .. حظـي رمانـي
بنفس الاسم اللي يقول .. بذمتك ماهـي غبينـه !
وكني اللي .. كل مـا أناديك بالاسـم الفلانـي
أطلب النسْــيان .. يترك منـه شـي تذكرينه !!
لا تظنينـي أناني .. لا .. أنــا ماني بـ أناني
لو سلمت من الغرق.. بـ أموت في ظهر السفينه!
يا إني ما أكمل وأعاني .. أو أكمل ثم أعانـي
كل ما اسمع طاري اسمه .. أو تجي عيني في عينـه!
أينا كـان الضحيـه ؟.. وأينا اللي كان جاني ؟
مـدري !.. ولكـن قـراري لازم إنك تقبلينه
مثل مـا أكره فكـرة إنـه واحـدٍ ياخـذ مكاني
ما أقدر أجلـس في مكـان إنـسان.. كنتِ تعشقينه!
للشــاعر الرائع: فهد المساعد
يا رفيف الماء..وفجر العيـد.. وأحـزان الموانـي
يا أكثر أهل الأرض طيبـة قلـب وأسـرار دفينـه
صح لسانك أخوي أعاني وننتظر جديدك لاأنحرم نهر من عطائك
هلا فالكون
تسلم على المرور السريع
عوافي اخوي وماانا الا مجرد ناقل
القصيده لـ فهد المساعد
يا رفيف الماء..وفجر العيـد.. وأحـزان الموانـي
يا أكثر أهل الأرض طيبـة قلـب وأسـرار دفينـه
المكان اللي هنـا .. مليان ضحكـات ، وأغانـي
والكـلام اللي بغيت أقـول .. يحتاج لـ سكينـه !
شوفي الركن البعيد هناك .. كنـه صـدر حانـي
هـذا هـو اللـي يليق بـ شاعـر وبنت حزينه!
واوووووووووو
روعه روعه
سلمت يداك اعااني وتقبل تحيتي ياعسل ..
الأروع تواجدك اخوي
وعساك دوم سالم ابوشهد
دمت بخير
أعــاني
قصيده غاية الروعة
كلمات جميلة بحق
حملت بين ثناياها الكثير
من الألوان والمعاني
والإحساس المميز
تسلم إيدك أخي
على الإختيارالراقي والجميل
تقبل خالص تحياتي
تحياتيـ
صديقـ الاحزانـ
أبعد الله عنك الأحزان أخي
الله يسلمك وشاكر لك مرورك العطر
دمت بخير وسعاده
اخي اعاني
بارك الله فيك
كلمات جميله
وللامااااااااااااااااام دائماااااااااااااااااااااااااااااااا
اخوك
الوسمي
الأجمل تواجدك اخوي
عوافي على الطله
ربي يسعدك
يسلمووو كلماات جدا جميله تقبل مروري