الوسم: الشعراء

اشعار الشاعر حمد البريدي ,شعر قصير سعيد بن مانع , شعر قصير حامد زيد , شعر قصير ياسر التويجري , شعر قصير جزاء البقمي , شعر قصير زياد النفاح , شعر قصير فهد الشهراني , شعر قصير محمد جار الله السهلي , شعر قصير ثار شبيب , شعر قصير فهد بن مساعد , شعر قصير حمد البريدي , شعر قصير جديد

اشعار الشاعر حمد البريدي ,شعر قصير سعيد بن مانع , شعر قصير حامد زيد , شعر قصير ياسر التويجري , شعر قصير جزاء البقمي , شعر قصير زياد النفاح , شعر قصير فهد الشهراني , شعر قصير محمد جار الله السهلي , شعر قصير ثار شبيب , شعر قصير فهد بن مساعد , شعر قصير حمد البريدي , شعر قصير جديد

جمعت مجموعه من اخر ابيات كتبها الشعراء

*
اشعار الشاعر حمد البريدي

ظنيت بك بالطيب لا تخيبّ الظنّ /
لكن على كيفك وأنت وضميرك ،
وقتك لغيري .. طيب ووقتي لـ منّ ؟
يرضيك وقتي الغالي اعطيه غيرك ؟

*وفاي لك والموده ما بها شكّه /
يا اللي غيابك جروح وشوفتك راحه ،
ما عاد لك من غلاي ولهفتي فكّه /
سكرت قلبي عليك وضاع مفتاحه

عاتبني بقسوة شعور .. وتفاعل /
استعذب جروحك وميتّ عليها ،
بحة جفا صوتك ولو كنت زاعل /
تسوى سواليف العرب كل ابيها

المساء
من دون حسك يشرهك
اعشقك وابغيك
يعني من لأخير
كل ما حولي يحاول يشبهك
بس تبقى
لو يطول الجرح غير

.

تمنيت حبك
قبل لا آهيم في قربك
شحنّي غلاك
وصرت للشوق غاياته
تعال
ومعاك اجمل مساء وانت في دربك
أحب المساء اللي بصوتك بداياته

.

يخونني في شوفك التعبير /
اجلس ومره ارتبك .. وآقوم ،

حُبك مهو بعادي ووصلك غير /
أجمل حدث في مثل هذا اليوم

شعر قصير سعيد بن مانع

صدّيت , لكن لا تشك بغلاتك
غالي عليّ , وإن كان خيّبت ظني
لو كان بيدي قلت خذني و هاتك
( بس المطالب ماتجي بالتمنّي )

اشعار الشاعر جزاء البقمي

ماهوب انا اللي يكذب اليا تكلّم
حشيم و احشم كلمتي لا تكلمت
لا صرت من سوق الرخامه تعلّم
انا على ( يدين المراجل ) تعلمت

:

يا كثر ما قلت الليالي تجيبه
و اثر الليالي للجفا روحت به
و كل ٍ على ما قيل ياخذ نصيبه
و ما جات به سود الليالي غدت به

يسعد صباح اللي على البال طاريه
لو كان عن واقع حياتي تغيّب
احن له و اشتاق و اسهر و احاتيه
و من سبتّه دقني من الحب شيّب !

اشعار الشاعر زياد النفاح*

تلحّفت المسا فوق السحاب ومتجّه للنور ،،
مع امواج الفضا بـ اسبح وَلَه .. "وافلّ مجدافي"

هذا الزمن حده مثل شذرة السيف
من دم شريان السعاده تحنى ..
ياخذ من الافراح بالكم والكيف
مايترك الا قول .. كنّا .. وكنّا !

:

درب المحبه ممتلي "زحمة احباب"
تهنّ فيهم.. وانبسط يابو وجهين،
بكره يْعَرفون انك انسان كذاب
ويِصير درب الحب "زحمة مقفّين"!

:

على بساط الأمل تسري بي اوهامي
وانا ادري انك سليت.. ومانك بيمي
لكني احاول ادرى جرحي الدامي
واقول بكره لاجيت ابينجلي همي

:*
غفوة عيون الحلم في حضن الجفاء
تسهر عيون الشوق لـ ملاقى حبيب
ونْعاتب الواقع على على موت الوفاء
ماندري ان السالفه حظ ونصيب

اشعار الشاعر ثامر شبيب

الاوله : احرص على قرب ربك /
والثانيه : أحرص على قرب الاقراب ..
والثالثه : أحرص من اللي يحبك /
أكثر جروح الناس من قرب الأحباب ..

*

اللي حصل لك من حبيبك يكفي ،
اليا متى يأمر عليك / وتطيعه ..

طبع البشر دايم تحب المقفي ،
أما الذي يقبل عليها تبيعه ..

ماجت مع جيّت الليله مراسيله ،
وانا أتحرى الخميس وليلة الجمعه ..

وجدي على شوف بسماته وتقبيله ،
في ساعةٍ والقلوب بـ شوق مجتمعه

الحب فينا إحساس راعي طويله
/ تبحر مراكبنا وترجع لـ مرساه ..

أحـدٍ يغيـب ونـذكره كـل لـيله*
/ واحـدٍ نشـوفه كـل لـيله وننـساه ..

اشعار الشاعر محمد جار الله السهلي

*أنا أنايين .. مالي أي دخل فيها !
أناي هذا وأناها قبل تخذلني
آسف على كل حاجة صرت اسويها ،
وربّي .. أناي هذا ما يمثّلني !

هديل الحمام وضحكة الما وصدق النور
ملامحك يا اللّادارج وبسمتك يا الغير
انا قبل اعرفك كنت اقول الزمان يدور
وبعد ماعرفتك صرت اقول الزمان بخير

،
تركتني في عز ما كنت محتاج ،
للحب .. والحين اتكلم عن الحب ؟
وفّر حديث الشوق منعاً للاحراج ،
ماعاد لك خاطر وماعاد لي قلب !

اشعار الشاعر فهد بن مساعد

لو قال لك شاعر أبنساك و أروح
يلقاك بين بيوته اللي كتبها
وشلون أبنسى وأكثر أبياتي جروح
من يذكر جروحه و ينسى سببها ؟!!

*عيوني وملّتك والخاطر وعافك
وماعافك الخاطر إلا واصلٍ حدّه
سلّمت لك مركبك بحرك ومجدافك
حسّ بشعور الفراق اللي بلا ردّه

:*

أبشّرك جرحك المبطي بدا يشفى
لكن بقى لي سؤالٍ مابرى جوره
عيونك الناعسه لامن بغت تغفى
يمر فيها لنا مع بعْضنا صوره ؟!

اشعار الشاعر فهد الشهراني

لا يسهر الليل غير اللي فقد حاجه
تعب يدور لها ولا يلاقيها
يلّي سهرتوا بدون أسباب لجّاجه
ناموا قبل (لا يحوس الطين صافيها)

ياليل صاحبك من فرقى مواليفه
الضيق يضحك عليه ونام في صدره
نومة هل الكهف في ذاالعصرتعريفه ؟
هي نومة الضيق في صدري على فكره

:

ساعات والصبح يستقبلك ويشيلك
يلّي لك أسبوع ماداعبتي اغصانه
بكره يسولف علينا عطر منديلك
اللي نداوم بعض الأحيان من شانه

اشعار الشاعر ياسر التويجري

*يا قلب خذ لك معك وقفه ولحظات
… واندم ترى ما يندم الا الحقيقي
وإذا تظن اني أخليك ! هيهات
… أنا ما خلّي فالمواقف صديقي

ان تسنى لك تضم المحاني .. حلالك
… وان تلددت وين اروح والشوق وين !؟
اتحراك لا ضاقت واحس بوصالك
… كنّك الرحمة اللي في وعدها تحين

اشعار الشاعر حامد زيد

الضعف ما اطيقه ولا اطيق طاريه
والدمع مايــرقا..ولا ينرقا بــه
لي صار بعدي عن رفيقي بيرضيه
نذرٍ علي اني فلا اطـــق بابـه

بنتٍ ليا منك وقعت تشيلك من القــاع شـــيل
ابرك من وجيه الرجال اللي ليا طحت جفلت

:

أمي وأنا بوصف لها زود حبها،،

وان ما حكيت لها قصيدي حكالها،،

امي لها بالقلب والجوف منزلة،،

مكانة ما كل محبوب نالها،،

*وديٍ . .}

كتبها الشاعر سداح العتيبي

عشرين عام ووقفته مستحيله
يصد عنا جموع ويواجه جموع
عساه في جنات عدن ضليله
ينزل ويلقى منزله فوق مرفوع

#عبدالله_بن_شايق

الخبر في جمآد الأخـره
ضاقت الأرض عقب الواسعه

أبن شايق من أهل الاخره
* يـا لله ترحمه رحمه واسعه

عزاي لعيال القحاطين مرفوع
و أقدمه بأسمي لدمه و لحمه

في فقد عبدالله ترا كلنا فجوع
الله يغفرله مع أبناء عمه

يعلم الله خاطري ماهو بـ رايق
مير مؤمن بالقضاء والعمر فاني

الرياحي و المعنّا و ابن شايق
العزاء لأهل الشعر قاصي وداني

#عبدالله_بن_شايق

*ايه حزين والليله الصدر ضايق
والشعر مثلي حزن على رحيله

الله يرحمك يا عبدالله ابن شايق
ويجعل روحك ب الجنه نزيله .

#عبدالله_بن_شايق

القلب من هم الزمان امتضايق
والله يعين اللي فقد له فقيده
انشهدانه صدق موت ابن شايق
عزو الجحادر والحباب وعبيده

#عبدالله_بن_شايق

حكم القدر قفى بزيزوم الابداع
والحزن خيم والمدامع غريقه

لاعادك الله يوم فيك الخبرشاع
ياليتها اشاعه ولا هي حقيقه

سويعد الرزمي**
تقول القصيدة:
عزيت نفسي ثم عزيت القصيد…
* * * * * * * * * * * * * *والتعزيه ما تنحصر ومواصله..
*
قحطان والشعار قريب وبعيد…
*
* * * * * * * * * * * * * كلن لو اتطول المسافه تاصله.
*
عساك فالجنه يابن شايق شهيد…
*
* * * * * * * * * * * * *ماعارض أقدار الإله وحاصله..
*
يالشاعر الي نضرتك دايم بعيد…
*
* * * * * * * * * * * * * مداه كم شاعر عجز ما ياصله..
*
شاعر ليا منه وقف باسه شديد…
*
* * * * * * * * * * * * ياكم خصم(ن) ترتجف مفاصله..
*
مرحوم يا شاعر من الساحه فقيد…
*
* * * * * * * * * * * * عبدالله بن شايق الحواصله….

خالد الشاماني*
*غشاك الليل يالحزن العميق وباح خافيه
بكى حزن النهار ويا تواصيف المساء نالك
بكيتك وانكسر صدر القصيد وجر مرثية
رحمك الله يا ابن شايق عسى الفردوس مثوالك
فقدك الطيب وانكسرت حروف الشعر بيديه
وكسا حزن الفراق وضاقت حروفه على جالك
وقفت وموقفك وافي ليا من كبرت الهيه
عطيت الجود من جودك وطيب الجود يبقالك
تعليت المنابر بالوفاء والوقفة الحية
وسطع نجمك وعز اسمك فعول تنومس اعيالك
تركت السمعة العطرة على الطالات مبنية
بقى صيتك على الفرقا يروح يعزي أفعالك
رثاك الشعر وإحساس رثاه الحزن قافية

شيلة مرثية عبدالله بن شايق , حزينه جدا

ديوان الشاعر عبدالله بن شايق القحطاني رحمه الله