الوسم: الفراق

وإلى هنا ….. ينتهي اللقاء …

حينها نحس بالزمن توقف والحياه ضباب كئيب يغلفنا

احساس الفقد للغالي وهو على قيد الحياه مميت

كيف نستطيع ان نكمل مسيرنا

ونحن ننتظر الوقت ان يداوي جرح الفقد

لو طفنا على القلوب لوجدنا آثار الجرح الغائر

( الوداع )

وقد قرأنا الكثير من القصائد والأبيات في هذا المعنى

واحببت ان اجمعها هنا

واتمنى من الجميع التفاعل وكتابة مايرونه مناسب للموضوع

اتمنى الموضوع مايكون مكرر ويلقى تجاوب

والله يديم على الجميع القرب ممن يحبون

ماتقـبـلـت الــفــراق مــــا لــيــدي فــيــه حـيـلــه

آه لـــو ان الـظــروف المقـبـلـه تـكـشـف قـدرهــا

لو يعرف الشخص منّا وش مع الغيب ابيجـي لـه

كـان جنبنـا المشـاكـل مــن قـبـل يـوقـع ضـررهـا

مـا هقيـت الليـلـه الـلـي جـابـت الفـرقـا طويـلـه

لين صارت ليلة امس بعينـي اطـول مـن شهرهـا

والعـذاب اللـي يــذوب بعـيـن مــن يفـقـد خليـلـه

عنـدي اكبـر مـن عـذاب العيـن لــو تفـقـد نظـرهـا

والحبـيـب الـلـي صــدوده مـثـل مـداتــه جـزيـلـه

صـد عنـي واعرفـه لـو صـد عـن حـاجـه هجـرهـا

كن روحي يـوم حسـت فـي جفـاه وصعـب نيلـه

بشـرتـنـي بالـضـيـاع وشـــدة الـعــزم لسـفـرهـا

مــا رحـمـهـا مـــن هـــلاك ومـــا تقبّـلـهـا دخـيـلـه

تحتـضـر قــدام عيـنـه لـيـن مـاتـت مـــن قـهـرهـا

عـاد ليـت اللـي ذبحهـا وارهـب المـوت بوسيـلـه

مــا دفــن وجــه الضحـيـه والسكاكـيـن بنحـرهـا

لـيـت قلـبـه يــوم ســوى فعلـتـه كـمّـل جمـيـلـه

لـو غسلهـا مــن عـروقـه وبكـفـن صــدره قبـرهـا

مــن حـفـر بضـلـوع قلـبـه حـفـرةٍ تكـفـي قتـيـلـه

ليـه مـا يـدفـن قتيـلـه بالضـلـوع الـلـي حفـرهـا؟

اشـتـكـيـتـه لــلــرفــوف ولـلـبــراويــز الـهـزيــلــه

وانذعرت من النيـاح اللـي سمعتـه فـي صورهـا

رحـت اسولـف للجبـال الصـم عـن قصـة رحيـلـه

مــا تـركـت متونـهـا الا ينـحـت الـدمــع بصـخـرهـا

واحـدٍ حقـق جمـالـه كــذب اساطـيـر الــف ليـلـه

يسكـن السبـع البحـور ويحـبـس الـحـور بـدررهـا

الــــدروب بكـبـريـاهـا تـرتـجــف تـحــتــه ذلـيــلــه

والــورود الـلـي تـقـبّـل خـطـوتـه تـنـبـت بـأثـرهـا

والغـصـون الـيـا بـغـاهـا تنـثـنـي له.تنـثـنـي لـــه

والفيـاض ان حـب ينثـر عطـرهـا يلـمـس زهـرهـا

لــو يـصـوّت للغـديـر المـنـجـرف جـفــف سبـيـلـه

وان تبـسّـم للجـبـال الصـامـتـه نـطّــق حـجـرهـا

كـل حاجـه تستـوي لـه. لـي بغاهـا تستـوي لــه

بالنظـر واستغفـر الله لــو بـقـول : انــه سحـرهـا

ذاك لـــو بـــس يتـمـنـا فـاكـهـة شـجــرة ضلـيـلـه

بـس يفتـح راحـت ايــده ويتسـاقـط لــه ثمـرهـا !

كــن ربــي سـخـر لــه المعـجـزات المستحـيـلـه

واصبـح اسطـوره وكــل الالسـنـه تنـقـل خبـرهـا

هـان محجـر دمـع عينـي ليـن جفّـف سلسبيـلـه

والـتـفـت لأخــر دمـعــه قـبّـلـت يـــده ونـثـرهــا

دمعـةٍ كـن بشقـاهـا يــوم طـاحـت فــي شليـلـه

جــادلٍ جــات بــدويٍ تـطـلـب الـسـتـر وسـتـرهـا

لـه علـي انـه ليـا مـن طـاح مــن عيـنـي تشيـلـه

ولــي علـيـه انـــه يـرجّــع لابتسـامـاتـي ثـغـرهـا

لــو طعـونـي بالسكاكـيـن بـيـده تشـفـي غليـلـه

لاشتريـهـا مــن عـذابـي وادفــع بـدمـي مـهـرهـا

واطلبـه ينهـال فيـنـي طـعـن لـيـن يطـيـح حيـلـه

بــس لا يـتـرك عيـونـي تـنـحـرم نـعـمـة بـصـرهـا

لـه بعيـنـي مـثـل مــا للطـهـر بالنـفـس الاصيـلـه

تقطـع يديـن الـردا لـو مـس شعـره مـن شعـرهـا

مابغـيـتـه غــيــر دربٍ شــتّــت اقــــدام الـدلـيـلـه

مـزنـةٍ مــا بللتـنـي واستحـيـت اطـلـب مـطـرهـا

والعطـايـا مــن يـديـن الـخـلـق للـطـالـب قلـيـلـه

والوهـايـب مـــن يـــد الله للـعـبـاد اجـــل وأرهـــا

وان نسيت اني زرعت العشق وحظوظي بخيله

مـا نسيـت ان العطايـا تستحـق الـلـي شكـرهـا

صعب تلقى شخص وافي يجزي الطيب بمثيلـه

والقصيده رائعه تدل على اختيارك الذوق

كوني هنا دوما لتتحفينا بروائع اختيارك

************************

الله يوفق مثلك الله يخليه.
……………………كانك نويت الصد والهجر وياه

غالي ولك بالقلب شي ومخفيه
…………………..اكبر من اللي بالضماير تهقواه

في غيبتك قلبي ترى الهم صاليه
………………….واسهرت ليلي بين ونه وويلاه

البارحه طيفك مع الليل احاكيه
………………….يشهد علي الليل والنجم يصغاه

فكرت ويا الليل مبدع قوافيه.
……………… …مسحوب طرقي والقوافي تقفاه

والحزن فوق القلب والهم مقفيه
……………….و ليلي غدا ليلين والصبر مقواه

اكتب شطروالشطر الاخر نجاريه
……………………شاعر تحد ه والليالي توطاه

اجزل بيوت الشعر وحكم معانيه
………………….ولا هزيل القاف واضح ثناياه

ياللي حرقت القلب منهو يطفيه
…………………النار نار ٍ تتعب القلب واحشاه

يا مانسيت اللي من الناس نغليه
……………………ولاعاد به شي ليا حل طرياه

استر عيوب الناس والطيب ابديه.
……………….وش خانت اللي ماسترعيب رفقاه

امسٍ وقبل البارح القلب اهنيه.
………………….امسي مع الفرحه وصبّح بفرحاه

في شوفتك افرح مع اللحن اغنيه
…………………….وطيفك يسلي كل طرقٍ بمغناه

قلبي كثير اللي من الناس ترجيه
………………….وانا الذي قلبك من الناس يرجاه

لاتحسب ان الصد صعبٍ تحديه
…………………..ترى الزمن يشكي ومثلي تحداه

انشد وتلقى الليل تقصر مساريه
……………..صدر الزمن يشكي من اقصاه ودناه

راحت هجوسك مبعده في هقاويه
…………………انشد جبال اطويق واللي ترقاه

تلقى زمانك قاصرات ٍ لياليه
…………………هذا الصحيح وتدمع العين فرقاه

وانت الذي لاضاق صدره نراضيه
……………….نتعب على شانه على شان نرضاه

ولا انت تدري من زعل عيب اصافيه
…………………يادارس اطبوع المشاعر وتدراه

يا ما لقيتك تشكي الهم تشكيه
………………وجهك عبوسٍ تشكي الحظ برداه

ياللي خذيت القلب وشعادكم فيه
………………..رده ترى قلب العنا وافي اشقاه

ارفق بقلب هالليالي تفاجيه
…………………….يابو ثمانٍ مرهفاتٍ مصفاه

انا عشقت وعشقي محدٍ يظاهيه
…………….جيتك على الفطره وذ القلب يغشاه

احساس من قمة شعورٍ وطريه
……………….عليك ياللي ناسي القلب تنساه

في كفي سيفٍ للعواذيل مرهيه
…………….وفي صدري درعٍ لسهوم المصلاه

ياقلبي الليله على وادي التيه
……………….جريت ونه والف ونه من الأه

اسمع صدى صوت المعنا بتاليه
………………..اضحك واقول الله يعين الذي تاه

والحق انا اللي تايهٍ في دواهيه
…………………..مجراك نار تكوي القلب تكواه

باغيه قلبي والمشاعر تناديه
……………………قلبي عشق قلبه مع الليل ناداه

يفداك منهو يجمع اريال وجنيه
…………………….يفداه وجه الطيب والعز يفداه

مثل البواخر لا رست في مراسيه
……………….حبك رسا صبح ومسا ابكل مرساه

بين الظلوع الحدب حبه ابنيه
………………..واكتب عليه من الغلا شي يزهاه

لكنّ كيف القلب هذا امتناسيه
……………….ياصرح مدري جرح ياجرح ودواه

يمكن صواديف الليالي تحاديه.
………………………ولاّ تغلا والغلا في مزاياه

لكنّ قلبي ماصبر ليل مشقيه.
…………………..دنت هجوسي والبلا في محاتاه

همٍ على قلبي وهمٍ يباريه
…………………. .ولا جروح القلب صعبه تبراه

البارحه قلبي من اللي يداويه
…………………..ياكود وجهٍ يبري الجرح ملفاه

حامت شياطين الشعرمن بلاويه
……………….وسرحت في عالم صعيبٍ بمسراه

هلّت دموع العين هلّت غواديه.
…………………على الذي قلبي من الناس بداه

اكتب حسين القاف وارجع ومحيه
…………………..جف القلم حبره ولا نافعٍ ماه

شطرٍ نهليبه وشطرٍ نحييه
………………وشطرٍ على ماقيل ملعون مثواه

هذا حبيب ولا عليّه مشاريه
……………….عشره قديمه والحكي توّ معناه

ترى الوفا والطيب حق ٍموّفيه
………………….ترى الغلا والحب حق موّفاه

من باعني بعته وتقصر خطاويه
…………….مدعي عليه ادعي عسى الله يرعاه

لا ياندي العرض هذي تواصيه
……………..ابوي انا اللي وافي الهرج بوصاه

وانا الذي من يشري القلب شاريه
…………………..هذا محله قلبي واسعد بلقياه

اقلّطه في صدر قلبي وهلّيه
………………ارحب هلا واهلاٍ وننحر له الشاه

ونقدّم الفنجال والهيل حاليه
……………….اشقر مقره من ورى الهند مجناه

يعني انتهى المشوار لاباس ياهيه
……………..خمسين بيتٍ شاعر الجن سواه

وخمسين بيتٍ تقفي اللي مسويه
…………..مسرج خيول الجن واهجيك بحكاه

من قدّم الطيبه نرفّع معاليه.
………………ومن قدّم السيّه مع الدرب دسناه

ادعيك من قلبي وانا الغير مدعيه
……………..مشتاق انا والشوق وشلون ابنهاه

في داخلي حربٍ من الشوق مذيه
………………والصبر طعمه مر وكيف اتحلواه

من لايعرف الحر لاشك يشويه
………….اخطيت في حقي وانا ارجيك رجواه

انا الذي منهو رقا فوق اوطيه
……………………عليك ياللي كل رجمٍ تعلاه

لا تحسب اني بسهر الليل مقضيه
……………….جاتك مثايل وفهم القول وقراه

قبل امس احبه وفتخر في تلاقيه
……………..واليوم هذا مثلي صرّح كرهناه

الخط الاحمر ليه نفسك تعديه
…………………قد قلت الك ومحذّرك لا تعداه

رادي ومثلي لاحشى ما ترديه.
………………درب الردى لارحم منهو تمشاه

كان الغدر ميزه وتفخر بتاليه
………………….الله يعينك تالي الوقت عزاه

تصبح مابين الناس محدٍ يدانيه
……………..قبلك صفق يمناه في كف يسراه

الرادي اللي يمشي محدٍ يراعيه
……………….هذي حياتك باخر الوقت وتلاه

ياللي تقول الحب وافي ومرخيه.
……………..حبل الوفا تقصره وشلون ترخاه

الحر لامن فز يكفخ جناحيه
………………انا عزيز النفس واللي ورثناه

المرجله والطيب لازم نقديه
………………..ماني شحيحٍ تايه ارداه برداه

واليوم ياوجهٍ بدا فيه وشفيه
…………………الاّ عرفت القلب هذا ومرضاه

لا يالذي قلبك من الغدر تحشيه
………………..هذا وانا مهجيه وذكر حلاياه

.لكن علي الله ماعاد انا ارجيه
………………..في رجعته همٍ ولا عاد نبغاه

فيه البقا واللي حلاته نعزيه
………………….اقولها من بعد هذا عرفناه

يرثيه وقت الحب والحال ترثيه
………………..كم واحدٍ قبلك ترانا رثيناه

هذاك غالي والله اللي متوفيه
…………..ولاانت لا مثله ولا جيت شرواه

يشهد له التاريخ حضر وبواديه
………….يرحمك ياللي وافي الطيب والجاه

ونتي بديتي بالغدر من مواريه.
……………عمر الغدر شاين ولو زان مرباه

درب العنا ياللي نويتي مساعيه.
……………….خايب وظنك ضايع ابكل مسعاه

فيك الغدروافي على كل اراضيه
……………..ثوب الغدر ما والله يومٍ لبسناه

بأسم من انزل محمد وحاميه
………………..الواحد القهار ربٍ عبدناه

ماني على صدك ترى القلب اعنيه.
…………….وشعاد يعني لو مثلك هجرناه

القلب يسلا مع هل الطيب اسليه
…………..عندك خبر كلٍ على كيف مشهاه

اقفت ليال الحب واقفت لياليه
…………..والشوق روّح لاترجى وتنصاه

اطغيت حتى القلب بالغدر معميه
…………..الصبح لك قلبٍ مع الحب يهواه

والليل لك قلبٍ من الغدر ماليه
………….كنت الامل والنفس مثلك تحراه

ماني صغير السن مثلك يخطيه
…………..اخطيت ياللي كل شيٍ تخطاه

اللي رقا للخير ربي يجازيه
…………..جعله بخير وراعي الطيب حياه

واللي يحب الشر منهو يخاويه
……………ياكود مثل الطبع لاشك خاواه

العقل راس المال وشلون اقديه
………….في ذكر ربٍ عالي الناس تخشاه

جفت عروق القلب جفت خباريه
……………لاتحسب ان الحر مثلي تشواه

حرٍ وفي وصفه طوالٍ مواميه
……………انا عريب الجد ياضايع اجداه

اخطيت في قلبي على الكيف مهديه
………….انا اشهد اني ظالم القلب وسقاه

اسقاه من ظيم الليالي ومسقيه
………………همٍ وكل همٍ موفّي زواياه

الصدر لا من ضاق بالقاف اواسيه.
…………..شاعر وومّر كل شطرٍ كتبناه

اكتب حروف الشعر من كيفي ووفيه
…………..والشعر وهبه والعفو ماشريناه

وغيري كثير الناس لشعر تنخيه
…………الناس واجد ياهل العرف تنخاه

لامن كتب بيتٍ تعزوا بعزاويه
……………مسكين ياللي كل شطرٍ تبناه

وانا احمد الله كل شطرٍ موازيه
……………لاطاح شطرٍ قام خيّه توازاه

العقل وافي واحمدلله مكسيه
…………بالطيب والمعروف حنا كسيناه

حاضر بحاضر ياهل الحسد اسويه
……….والموت حقٍ يحصد العمر يفناه

متين شطرٍ وافي العرف محصيه
………ساعه وثلث الطرق حنا بدعناه

الظاهر الموضوع مايعني غيرنا

يسعدني انك معي

******************

يسعدني ان اضع بين يديكم اجمل قصيدة فراق

وهي احد روائع المبدع خالد الفيصل واتمنى ان تعجبكم…………

(استكثـــــــــــــــــــــــــرك)

أستكثرك وقتي علي وغدا بك=عادة زماني كل ماطاب هون

ليت الذي وداك يازين جابك=تشوف عقبك كيف الايام سون

شرق مشيت وغرب وقتي مشا بك=والقلب ماله لايم فيك لو ون

عقب الهنا بك ذاق لوعة عذابك=تلونت دنياه ولا تلون

طويتني طي الورق في كتابك=حتى معاليق الحشا لك تطون

اشتقت لايام الهوى في جنابك=يوم الشموع بليل الاحباب ضون

واشتقت اقول لهاتفك مرحبابك=واشتقت لغيوم الصحاري تكون

عود ترى داعي الهوى عند بابك=واروي القلوب الي بعد ماترون

نسيت النوم وأحلامه نسيت لياليه وأيامه

بعيد عنك حياتي عذاب ما تبعدنيش بعيد عنك

ماليش غير الدموع أحباب معاها بعيش بعيد عنك

غَلبني الشوق وغلبّنى وليل البعد ذوّبنى

ومهما البعد حيّرني ومهما السهد سهّرني

لا طول بعدك يغيرني ولا الأيام بتبعدنى

بعيــــــــد بعيــــــــد عنك.

*****

لا لوم ولا دمعه في عنيّه مخلّاش الفراق فيّا

نسيت النوم وأحلامه نسيت لياليه وأيامه

وبين الليل وآلامه وبين الخوف وأوهامه

بخاف عليك وبخاف تنساني

والشوق إليك على طول صحّانى

*****

افتكر لى لحظه حلوه للهوى..

وافتكر لي مره غِنوه يوم سمعناها سوا

خد من عمري عمري كله إلا ثواني أشوفك فيها

الشـــــــــــــوق آه من الشوق آه وعمايله

ياما بداريها ياما ياما ..ياما بحكيها ياما ياما

بخاف عليك وبخاف تنساني

والشوق إليك على طول صحّانى

*****

كنت بشتاق لك وأنا و انت هنا..بيني وبينك خطوتين

شوف بقينا ازاى أنا فين يا حبيبي و انت فين

والعمل إيه العمل ماتقوللى اعمل إيه؟

والأمل إنت الأمل تحرمني منك ليه؟

عيون كانت بتحسدنى على حبي

ودلوقتى تبكى عليّا من غٌلبى

وفين إنت يا نور عيني يا روح قلبي فين؟

فين أشكى لك فين؟

عندي حاجات وكلام

دمعك يا عين بيريحنى بُكايا ساعات

بخاف عليك وبخاف تنساني

كيف مايعني لنا …!!!

واحنا للحين نعاني منهـ

قد ماحاولنا ننسى او بالاحرى نتناسى تجي لحظهـ ترجع كل شي ….!!

جبتيها على الجرح غلاتي

موضوع قمهـ في الروعهـ

واحيانا من كثر مايكون في قلب الانسان كلامـ كثير ودهـ يطلع مايقدر يطلع ولا حرف….!!!!!

تصورت الفراق ولاقويت أتحمل الصـــــوره
أجل.. وشلون لو إنه يجي وشلون حــزاتــــه

صحيح إن كلمته سهله وعند الناس مقدوره
ولكن هقوتي محدٍ يحب وعــاش لحظاتــــــــه

تصورته كما موجً خذاني لغبة بحــــــــــوره
وشهقت الموت ياربي .. عظيمه حيل سكراته

تصورته كما قبرٍ يضيق ويختفي نــــــــــوره
أحس بكل من حولي وأنا أسمع كــل خطـــواته

تصورته سحابٍ فات وأرضي ترتجي مطـــوره
مضى له بالهوى ماضي وشان الوقت صكاتـه

تصورته كما البستان وغيري يقطف زهـوره
كثر ماضاع جهدي فيه وغيري نال زهراتــــه

تصورتــه كما أمٍ وهــي تــــوه انتهـــى دوره
جنينه مات من يومـين وزادت فيـــها وناتــــه