على خده ملامح شايب مكسور . . !!
[ ضناه الهم ] و [اغراه الزمان ] و [مات بيديني ]
اشوف مرايته سودا . .
ولعابه حطام قبور
وبيته . . غرفه من طين
وأقلامه . . سكاكيني !!
دفنته . . وانتهت . .
قصة غرام . . وشاعر مغرور . . !!
واخذت من الدموع اكتب . .
مكانه وين من عيني ؟!
لقيته في مناديلي . .
يصيح ويشعل التنور . .
يقوول ارجوك ياتوتي. .
تلملم غربة سنيني !!
يقول صبري البارح تمادى حده المسعور . .
وانا من ذقت غرباله . .
طرالي بيت يبكيني . .
[ لو اغرق في بحر حبه ] او [ اشرب من عناه بحور ]
. . [ قسم بالله ماتنزل غلاته من شراييني ] . .
بكيت . .
وقال :
يا ابن ادم انا الميت . .انا المقبور
علامك كل ماجيت . .تزيد من القهر فيني؟؟
وقلت :
الناس يا ابن ادم . .
تجيلك كل يوم بدور . .
تجي في الصبح تفرحني . . واذا طابت تبكيني . .
اشووف الهم يسرقنــــي . . واثاري همنا مقدور . .
مــدام الليــل مــايــدريــــ . . علام الويل يشقيني . . ؟!
ومدام الصبح يسرقنــي . . تعال اكشف المستور . .
حكايــه مـــن غـــرابـتهـــا . . بدون شعور تطريني . . !!
" مدينه " . .
سورها ضايع . .
و " شارع " . .
شاعره مبتور . .
و "حديقه " . .
في مراجحها نبت . . ورد وشياطيني
و " دفتر " . .
مله الشاعر . . رسم فيه [ الغرام قصور ] . .
و " قصيده " . .
من جرائتتها . . تقول العن عناويني !!
و " بيت " . .
باخر الشارع يمينه . . شارع مشهور . .
يساره . . شارع اغبر عليه ابكي دواويني . .
ومره في لياليها لقيت . . اني بدون شعور . .
بديت احب لي طفله . . على الاوراق تغريني . . !
بديت ارسم ملامحها . .
ليالي حظها المأسور . .
وبدا طيش السهر ليله . .
بدون احساس يسقيني !!
وبدا يشرح معاناته . . وانا [ من داخلي مقهور ] . .
وبديت اشرح معاناتي. . وهو مثلي يواسيني . .
كبرت وشفتها تكبر. . حقيقه تنتمي لسطور . .
مابين احساس " يوصلني " . .
الين احساس " يخفيني " . .
شعرته ليلة ظلما . .
لقيته غادتي والنور . .
ذخرته في مكاتيبي . .وجنيته حب يحييني. .
. . [ أحبه ] . .
كثر مامرت من ايام الغرام دهور . .
. . [ أحبه ] . .
كثر ماتمطر سحابة في بساتيني . .
. . [ أحبه ] . .
كثر مامرت ثواني حبنا بشهوور . .
. . [ أحبه ] . .
كثر ماتطري ذنوبه في موازيني . .
. . [ أحبه ] . .
كثر ماطار الحمام وغرد العصفور . .
. . [ أحبه ] . .
كثر ماحرفي سال من حيرته ويني . .
. . [ أحبه ] . .
كثر ما ازعل من ايام الجفا واثور . .
. . [ أحبه ] . .
كثر مايسري خياله في مياديني
نبتله بالخفى ورده . . سقتها دمعتي بسرور . .
قطفها . . " بس بالقوه " . .
وانا مذهول وش فيني . .!!
حسبته يوم قطفها . .
يقوم يقول لي : مشكور . . !!
ولكن راح من عندي . .
وانا الاحزان ترويني
دخيلك . .
ليه تجرحني. . ؟!
وانا ارسمك لشذاي زهور . . !!
دخيلك . .
ليه في بحرك بدون شرااع تنسيني . . !؟
دخيلك . .
ليه وباقي سوى اني ابتعد مجبوور ؟!
اخاف اكون في بالك . .
مجرد [ شعر يعنيني ] . . !!
بكت كل الطرق بعده . .
بكت واستاذنت بالجور . .
وبديت ألملم اوراقي . .وأردد
. . [ مايخليني ] . .
لقيت ان الطفل ميت. . !!
وانا في حيرتي منثور . .
مابين . . اسال على حالك . .
وبين . . الله يشافيني . .
دفنت الطفل في صدري . .
بكيت وقلت له " معذوووور " . .
مدام الهم في قلبي . .
نمى واجتاح من حيني . .
ولكن خل في بالك . . / . .
مدام ان الحكي محظور
مدامك شفتني ابكي . .
ترى هالبيت يبكيني . .
[ لو اغرق في بحر حبه ] او [ اشرب من عناه بحور ]
. . [ قسم بالله ماتنزل غلاته من شراييني ] . .
يسلمووووووووو
خااااااااطرة
جميله جدااااااااا
كلمات رائعه ورقيقه
دام نبضك وقلمك الجميل
ددومتِ بخير
ملاك 2
مشكوره ع المرور الرائع
دمتي بود
دفا القلوب
مشكوره ع المرور العطر
دمتي بود
عن صدق الاحاسيس
يعطيك الف عافية عـ الطرح الراقي
تقبلي مروري
ارق تحياتي
|
يسسسسسسسسلمو
يعطيك الف الف الف عافيييييييه الله لايحرمنا جديدك ودي |
صرخة الم
يعطيكي الف عافيه ع المرور المميز
وياهلا وغلا فيكي
انثى لايكررها القدر
مشكوره ع المرور المميز
وديـ لكـ
