|
السلام عليكم ورحمة الله وبركاته
من غير مقدمات
عاوز أسأل نفسى وأسألكم برضوا سؤال محيرنى جدا ومش عارف الاقي لية اجابة
يا ترى إحنا مستنيين إيه يا جماعة ؟
مستنيين إيه فى إيه ؟
إحنا مستنيين إيه عشان ننطلق لربنا
مستنيين إيه عشان نتوب من الحاجات الغلط إلى إحنا بنعملها
يا جماعة كل حاجة كنا مستنينها حصلت خلاص
شوفنا جنود الله فى الأرض
شوفنا شوية ماية يا جماعة شوية ماية هدمت دول وهدمت إقتصاد دول
شوفنا شوية هوا بس دمروا الناس
والسيول والزلازل
يا جماعة ربنا بيورينا إن إحنا مش قد نفخة هوا
طب …. طب بلاش الحاجات دى
شوفنا الحوادث إلى بتحصل على الطرق للغافلين
شوفنا الموت الفجأة
شوفنا سوء الخاتمة انتشر
إحنا مستنيين إيه
مستنيين ندفن أعز حبيب لينا فى التراب عشان بعدها نحس ونبقى نفوق ونعرف إن الموت قريب أوى
ولا مستنيين لما يتصلى علينا وساعتها يبقى فات الأوان وجيم أوفر
طب بلاش السؤال ده
سؤال تانى
إنت مطمن ليه ؟
يعنى إنت مطمن إن إنت تعيش وتعمل كل إلى نفسك فيه ؟ طب مطمن ليه ؟
أكيد إنت عملت حاجة فى حياتك مخلياك مطمن كده وبالك رايق
إحنا عملنا إيه يا جماعة عشان نبقى مطمنين أووى كده ومستبعدين الموت
دايما الإنسان بيظن إن كل الناس إلى حواليه ممكن تموت أما أهله وأسرته وهو
لاء
وده نوع من أنواع الغفلة
يا جماعة والله أنا مش جاي أحبطكوا بس برده مش جاي أضحك عليكوا
من فينا لما ييجى يدخل المنتدى بيبقى عنده إخلاص فى المواضيع إلى بيحطها
من فينا هدفه الأول وقبل كل شئ تذكرة الناس وإن الناس أول ما تقرأ موضوعه تعيد التفكير تانى فى حياتها وفى أسلوبها فى الحياة مش الردود والشكر ووو
من فينا بجد بجد كل عمل حطه هنا فى المنتدى حطه بإخلاص النية لله فقط حطه عشان ربنا وبس
يا جماعة الإنسان فى امتحان الدنيا ممكن ينجح ب 50 % ، 60% ، 80%
لكن امتحان الإخلاص 99% وبرده مش هتنجح لاااازم 100% لازم العمل يكون لله وبس
يا جماعة إحنا لازم نفوق والله لازم نفوق قبل ما الأوان يفوت ونرجع نقول ياريت إلى جرى ما كان
لما واحد يكون عنده امتحان بكره مثلا ده من المؤكد إنه مش هيقوم من على الكتاب
عاوز يعمل كل حاجة ويخلص عشان يبقى داخل الإمتحان مستعد وجاهز لأى سؤال مهما كان صعب
ولمل يدخل الامتحان أكيد بيبقى عارف مدة الإمتحان و الورقة هتسحب منه إمته
طب نتصور إنك كان عندك امتحان وميعاده متحددش طبعا كل يوم كل دقيقة كل ثانية بل وكل لحظة هتلاقى نفسك بتستعد للامتحان ده لإنك مش ضامن ممكن ييجى بكره أو بعده وممكن دلوقتى
طب نتصور كده وانت قاعد فى الامتحان وفجأة لقيت الورقة بتسحب منك بدون أى مقدمات
هتعمل إيه ؟
أهوا الموت كدا يا جماعة بييجى بدون مقدمات
عشان كده لازم تكون فى كل ثانية مستعد إن الورقة تسحب منك
يا جماعة تعالوا نحاسب نفسنا
نشوف سلوكياتنا
نشوف أخلاقنا
نشوف تصرفتنا
نشوف قيمنا
راحت فين ورايحة على فين
كل واحد فين
يبتدى يحاسب نفسه
ليه عملت كذا يوم كذا
طب ليه معملتش كذا يوم كذا
احنا بنقتل نفسنا
أيوا
أيوا يا جماعة
أه والله
بنقتل نفسنا
كل ذنب بتعمله خنجر فى نفسك
كل صورة شوفتها خنجر فى نفسك
كل حاجة بتعملها غلط بتقتل بيها نفسك
أرجوووووك أرحم نفسك
إرحمها بجد شوية
ده لما مجرم بيقتل إنسان ويضربه طعنتين بنقول عليه ده معندوش رحمة وقلبه قاسى فما بالك إنت طعنت نفسك كااااااااااااااااام طعنة
اخواني
استحلفكم بالله لحظة واحدة كون صادق مع نفسك
وحاسب نفسك
وشوف نتيجة حاسبك اية
ودي وتحيااااتي
لكل اعضااء منتدانا
|
في ميزان حسناتك
ابدعت وتميزت
سامر
سلمت اناملك
على طرحك الراائع
جزيت جنانه والعتق من نيرآنه ~ سامر
نفع الله بطرحك وجعله في ميزآن حسناتك
دمتِ في حفظ الباري
مودتي .
الصراحة
لن تجد لسؤالك جواب
فالكل يتماطل في الرد بأجوبة ربما لن تكون مقنعة
أسأل الله أن يغفر لنا ويرحمنا ويجعل أصالح أعمالنا خواتمنا
طرح في غاية الروعة يا غالي
وإبداع متواصل
بارك الله فيك وجعله في ميزان حسناتك
تحياتي لك
أثابك الله الجنه ومحى عنك الزله وأبدلها بالحسنة ,,
وجعل العسير برحمة عليك يسراً والحزن فرحاً ,,
والضيق فرجاً والرزق رغداً والعيش هينا ,,
والجنه موعداً مع الصدقين والشهداء ,..
يسلموا ميسو
نورتي
اختي الغالية
ودي وتقديري
يسلمواافراح
نورتي
اختي الغالية
ودي وتقديري
يسلمواريمم
نورتي
اختي الغالية
ودي وتقديري
يسسسسسسسسسسسسسسسسلموا
اسسسسسسسطورة
نورتي
اختي الغالية
ودي وتقديري
وعليكم السلام ورحمة الله وبركاته
أخي الكريم ســامر
كتبت وعبرت … فأحسنت وأجدت
لقد كانت كلماتك أشبه بــــناقوص الخطر الذي يـــدق
في كل نفس لا ترتضي أن تنزلق في الخطايا ولكل نفس أخطأت
فآن لــــها أن تراجع حساباتها قبل فـــوات الآوآن خشية أن يأتي اليوم لا ينفع فيه الندم
ويكون الآنسان حينئذٍ قد وصل الى الغرغرةِ وعندئذٍ
لاتنفع التوبة ونكون قد خسرنا الآخرة.
جزاك الله خيـرا
وجعله في موازين حسناتك
وآنآر الله قلبك بالآيمآن وطآعة الرحمن
دمت بحفظ الرحمن