عائلة عبد العزيز
عبدالعزيز:رجل اعمال له عدة شركات شديد الشخصيه
منيره:زوجة عبد العزيز حنونه وتحب الخير لكل الي حواليها
ابنائهم :فيصل:تركي:ناصر:منال:اميره:هدى.
نعرفكم بشخصيات**عائلة فيصل
فيصل*له مُجمع تجاري يديره انسان عملي وحنووون
مريم*زوجته ام حنونه وطيوبه
بندر*اكبر اخوانه آخر سنه له بالجامعه تخصصه انجلش رومنسي وحنون وهو احلى اخوانه
بدر*ثاني جامعه طيييوب وحنون يحب الاستهبال ملامحه تهبل
محمد*اول ثانوي ملامحه حلوه بس مو احلى من بندر
*عائلة تركي*
تركي*انسان عملي له شركه خاصه فيه و عايش بالكويت
هيفاء*كويتيه زوجة تركي ام حنونه تحب تسعد بناتها وزوجها باي طريقه طيييوبه وصفتها انها انسانه كتومه
ملاك*اكبر خواتها اخر سنه لها بالجامعه تخصص علم نفس تموت في خواتها وماتقدر ترفض لهم اي طلب
انسانه هادئه وعنيده نفس ابوها
شهد*اخر سنه لها بثانوي بنت فله وتحب العب والمزح من ناحية جمالها فهي احلى خواتها
رغد*ثاني ثانوي دلوعه ونعوووومه وحساسه اقل من شهد جمال
*عائلةناصر*
ناصر*له شركه يديرها وهو اصغر اخوانه وطبعه انسان عصبي .
نوره*لها معرض فساتين تديره وطبعها مغروره وشايفه نفسها
مها*اول جامعه ملامحها حلوه نفس ملامح ابوها دلوعه وتحب المضاهر
ريم*ثاني ثانوي احلى من مها تاخذ من صفات امها انسانه حقوده
*عائلة العمه اميره*
اميره*طيوبه وتحب بنات اخوانها
زوجها منصور*يشتغل مع فيصل في المتجر انسان هادىْ
رهف*اخر سنه لها بالجامعه تخصص لغه فرنسيه تحب اتسوق كثير بطبعها فله
جود*اخر سنه لها بثانوي خفيفت د م ودايم تسعد الي حواليها الكل يموت فيها ومايقدرون يستغنون عنها
مايحتاج اوصف شكلها مملوحه ولها اعيون جذابه
رنا*ثالث متوسط مملوحه دلوعة امها وابوها
*عائلة العمه هدى*
هدى*حنونه تموت في ثامر متوفية في حادث
ثامر*ثالث ثانوي من اول ماتوفت امه وهو عايش عند جده وجدته وهم مدلعينه على الاخر وابوه تاركه مايساْل عنه
اهو احلى واجمل من اولاد العايله
*عائلة العمه منال*
منال*تحب الكشخه لها مشغل ومعرض ازياء تحب ولدها
خالد*ثاني جامعه تخصص ادارة اعمال ملامحه جذابه بمعنى الكلمه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــ
البارة الاول
&&&&&&&&&&&&&&&
اشرقت شمس صباحًا جديد مع نسمات الهواء العليل واصوات تغاريد العصافير
((بتحديد في الكويت))**عائلة تركي**
ملاك:تفتح باب غرفة شهد صباح الخير
شهد:ترفع الغطى عن وجها اهلين صباح النور
ملاك:يالله قومي نستناج ع اريوق لاتتاخرين
شهد:اوكيه بلبس وأنزل,قامت من وغسلت وجها وفتحت باب البلكونه
قالت:الله ياحلات اصبح اينن ,ادخلت ولبست ونزلت تحت
كانو مجتمعين جت وباسة راس ابوها وأمها صباح الخير الاحلى اثنين بالكون
تركي:ابوها,صباحج فل وياسمين تعالي يلسي يمي
رغد:وهي تنزل من الدرج مدام اهي الفل والياسمين عيل انا شنو
شهد:لفت عليها يمه منج يالعيااره موووتي حره
تركي:بس شهوده كلش ولازعل رغوده,انتي الورد بأنواعه
رغد:يسلمو ياقلب رغد,تلف على شهد وترفع حاجبها موتي حره ياشيفه
شهد:انا شيفه يانسره
هيفاء:امهم,بس انتي وياها مع صباح الله خير تتناجرون
ملاك:يالله عاد استأذ ن تأخرت على المحاضره طلعت وسكت الباب معاها
شهد:تناضر ساعتها يوه تأخرنا
رغد:بابي راح اسبقك انا وشهد لسياره ونستناك
تركي
k خذي اسويج وركبي السياره دقايق وراح اييج
رغد:خذة السويج شغلت السياره وركبت تستنى ابوها
تركي:اسمعي هيفاء ابيج تسوين لنا على الغدا مكبوس سمج وشوي صلطات
هيفاءkمن اعيوني تامربشيْ ثاني
تركي:لاياقلبي تسلمين يالله مقدر اتاخر ع رغوده وشهوده يستنوني..طلع وصل رغد وشهد
لمدرستهم وهو راح لشركته
رغد:هااااي شوق كيفك
شوق:الحمدلله بخير ونتي كيفك
رغد:تمااام ..واخيراياشوق قربت الصيفيه وراح نفتج من غثى الدراسه
شوق:رغوده فين بتصيفون
رغد:بنروح لشرقيه والله فرحانه لاْني اول مره بشوف السعوديه..ونتم فين بتصيفون
شوق:طبعن كالعاده تركيا ,رقو لحصصهم
في الفصل عند شهد :يوه ملل ابي اطلع من الحصه
الولوه:صديقة شهد شنو رايج نهرب
شهد:والله فكره بس لما تطلع المعلمه راح نطلع ونهرب,,بعد منتهت الحصه خذو اشناطهم ونزلو
لولوه:والله خايفه يكشفنا احد
شهد:خلينا نفلها اليوم والله يستر جلسو يتمشون ويستهبلون الاوالمرشده اقبالهم البنات تجمدو
المرشده:من وين جايه انتي وياها
شهد:كنا نبي نشتري من المقصف بس كان مسكر
المرشده:عيل بسرعه دخلو فصلكم ولا اشوف اي وحده طالعه مفهوم
لولوه:مفهوم..راحو ركض مو مصدقين انها اتركتهم
شهد:يومه بغت تكشفنا ونروح فيها
الولوه:شنو راح انسوي الحين كيف راح نرجع لفصلنا وبعدين احنا اربع حصص هربانين
شهد:اذا رجعنا راح يكشفونا,,اقول تعالي نيلس تحت ادرج وماراح احد يكشفنا وكلها حصتين ونطلع لبيوتنا
بعد منتهى تركي من عمله راح ياخذ بناته من مدارسهم
في البيت هيفاء في المطبخ ,خذة السماعه ,الو تركي تاخرتو علي
تركي:دقايق وحنا عندج
دخلو البيت تركي:كانو بناته معه,بنات بدون صوت ابي اخرع هيفاء
ملاك:لابابي حرااام عليك
رغد:تكفين اصكتي يالله,,بابي انا معك
شهد:يالله بابي قبل ماتيي وتشوفنا
ملاك.يمه منج انتي وياها يشرانيات
توجهو للمطبخ كانت هيفاء تقطع صلطه قرب لها تركي ومسك اكتافها وصرخ
هيفا رمت اسكين وصرخت لفت عليهم ضربته ع ايده خفيف,حسبي الله على بليسكم خرعتوني
تركي:ههههههه الاكل خلص
شهد:يوعاااانه ماني قادره اتحمل
هيفاء:تركي خذ الصحون ورتبها ع لطاوله اطعام ..ونتي شهد خذي الصلطه
ونتي ملوكه خذي العصير,جهزو اكلهم وتجمعو على الغدا
شهد.وااي من حلاة طبخج مامي اينن
رغد:تاشر ع شهد,مالت عليج يضفدعه ماتعرفين تطبخين نفس مامي
شهد:لا عاد انتي الي تعرفين يسنعه
رغد:توني زغيره ع الطبخ بعدين انا سنعه غصبن عنج
شهد:وين اسناعه ماشفناالا ادلاخه
هيفا:بس انتي وياها لازم كل يوم تتناجرون انتم ماتملون من النجره
شهد:لامامي نمزح مع بعض
رغد:ايوه نمزح وبعدين انا مااقدر ع زعل شهوتي
شهد:فديتج والله
تركي:هههههههه الله يخليكم لبعض
هيفا:امين
تركي:تسلم ايدينج على الغدا
هيفاء:تسلم حبيبي
شهد:احم احم..نحنو هونا مامي استحي ع ويهج
ملاك:واي منج مامي ماتقدرين تصبرين لين نرقى لغرفنا وبعدها خذي ر ههه
رغد:ونتي وياها شنو دخلكم في لكناري لفت على امها وابوها خذو راحتكم بالحجي
هيفاء:تعلمو اصغركم احسنكم مو مثلكم اللهم ياكافي ههههه
تركي:ههههه ..بطلع في الحديقه وبي من ايدينج الحلوه استكانت شاي ونتم ابيكم اذا خلصتو تيون في الحديقه
رغد:لحضه بابي بطلع وياك,,طلعت مع ابوها في الحديقه بعد ماتغدو طلعو برا في الحديقه
بدو يتكلمون وينكتون ,,شهد في عالم ثاني تفكر مو وياهم
تركي:ايحط ايده ورا شهد شنو في لحلو سرحان مو معانا
شهد:بابي ممكن اسئلك سوْال؟
تركي:اساْلي على ر شنو عندج؟
شهد:بابي ليش ماتتكلم عن اهلك"
تركي:كان احد كاب عليه ماي بارد انصدم!من سوْالها ماتوقعها تساله اسوال ذا؛
هيفاء:انصدمت!من سوال شهد ناضرة تركي شافت وجهه متغير لونه
لفت على شهد وبنضره حاده شهد يالله قومي نامي وبدون كلام فاضي
ملاك:شنو فيج مامي تنرفزتي ,,مامي شهد ماقالت شيْ ينرفز
هيفاء:لازم تعرفون شيْ واحد ان فيه اسئله لها حدود ومو كل سوْال يطري على
بالج انتي وياها تقولونه مفهوم
شهد:لامامي مافي بينا وبينكم اي حدود انتم عودتونا على جذي الااذا مو عايبكم خلاص
لااحنا نقول لكم اسرارنا ولاانتم تقولون لنا "وقفت سوري بابي على سوالي ويالله استاْذن بروح انام
تركي:لاشهوده تعالي يلسي وانا اسف اذا ماجاوبتك على سوْالك
ويالله سمعو السالفه مره من الايام كنت انا ومي في سوق صحارى في السعوديه
نتسوق قلت لمي يلسي اهني ونا بروح اشتري لي عطورات امي يلست ونا
رحت دخلت محل خاص بالعطورات شفت امكم خقيت من جمالها خذيت لي عطر وطلعت
خذيت امي وطلعنا لمواقف لسيارات امي تكلم معي,ونا مو وياها اتخيل امكم قدامي فجاْه صكيت
في وحده وطاح جوالي رفعت راسي شفتها اقبالي ..طاح قلبي ..انا اسف موقصدي
اهي ابتسمت لااخوي ماصارشيْ خذيت جوال وهي خذت جوالها الانه طاح مع جوالي طلعنا ورحنا للبيت
وبدة الازعاجات كل ساع وثاني يتصل على واحد ويقول هذا موبايل هيفاْ خذيت المبايل وقعدت افتش فيه
شفت صور لمكم عرفت انو مو جوالي دقيت علي موبايلي ردت علي وقلت لها ان جوالي معاها وجوالها معاي
تواعدنا وتقابلنا وكل واحد خذا موبايله جلست مده وقعدت افتش في موبايلي لقيت رقمها دقيت عليها وهذا بدايت
تعرفنا تعلقنافي بعض ..اهلي شافو التغير فيني سالوني وقلت لهم انقلب البيت فوق تحت ابوي ياني وقالي
اسمع ياتركي ملكتك على بنت عمك يوم الخميس انا جن جنوني وقفت شنو
انا مو بنت تحدد ملكتي وبنت عمي مستحيل اتزوجها انا احب هيفاْ
وقف وتنرفز من حجيي اسمع لو تنطبق السما على الرض ماتزوج غير بنت عمك وطلع وتركني انا نزلت لمي وقلت لها بس اهي
مو راضيه بحبي لهيفا وتبيني اتزوج مريم بنت عمي خذيت موبايلي ودقيت على مريم وقلت لها اني اعتبرها مثل اختي
وماافكر في الزواج منها واني احب وحده ..وهي ترد على بكل برود والله ياتركي انا احبك
واذا تزوجتني راح انسيك حبك الاول ومستحيل اوقف في ويه ابوي وعمي
انا شفت انو مافيه فايده معاهم رحت وحجزة لي تذكره للكويت ويوم الخميس خذيت شنطتي ونزلت بدون محد يحس فيني
سافرة للكويت دقيت عليهم وقلت لهم ابوي انجن مو مصدق اني اسوي جذي ومفتشل لاْن المعازيم والمملك عندهم في البيت
مايدري شنو يسوي خذا اخوي ناصر وزوجه لبنت عمي مريم يبي ينقذ الموقف وبعدها ماهو راضي يسمع صوتي
وكل مااتصل عليهم يقفلون الخط على ويهي وعقبها لااتصلت عليهم ولاقابلتهم عشت اهني وتزوجت امكم
وهاذي هي قصتي..
ملاك:يالله كل ذا صار لك ونت متحمل
شهد:ونا اقول ليش كل مانقول نبي نسافر لسعوديه ترفض
رغد:شافت الجو مكتاْب"..ياحياتي يالكناري لا طايحيلي في قصص حب والله حركات هههههههههه
روميو وجولييت
هيفاء:بس عاد لاتحرجيني..ويالله قومو نامو ,,قامو ورقو لغرفهم
هيفاء:تروكي لين الحين متذكر
تركي:اي والله اتذكرها في كل لحضه
هيفاء:اتصدق عاد ذي احلى ذكرى في حياتي
تركي:اهااااا عيل الحين يوم كبرت صرت معجبك
هيفاء:لاوالله مهمن تكبر دوم بقلبي
تركي:تسلمين ياقلبي فديتج والله..يالله استاذنج بروح انام
في غرفة شهد ورغد شهد:كل ذا يحصل لبابي وحنا تونا نعرف
رغد:تصدقين كرهت امه وابوه
شهد:ونا بعد بس رغوده خذي بالج لاتقولين الحجي ذا قدام بابي مهمن يكون ذولا اهله
رغد:مينونه انا اتحجى جذي قدام بابي
شهد:اليوم احلى يوم عندي تصدقين ماحضرة الاحصه وحده ,هربت انا ولولوه وجلسنا نتمشى بس
لما جتنا المرشده تجمدنا خوف بس صرفتها وكملناها سواليف تحت ادرج
رغد:انتي مينونه كيف تهربين والله لو اموت ماتجرء أهرب من الحصه
شهد:اهي صراحه مغامره بس والله فله
رغد:شنو رايج شهد تلعبين بلياردو وياي
شهد:والله انك رايقه,,اقول رغوده نامي لاتيي امي وتزفنا ترا والله انا مو رايقه
