ـآإأج‘ــمل روآإأئع سالم سيار 2024.

قصيدة أحتظنت بطيآتهآ ملآمح أخيهـ

مؤلمة جدآ ذرفت عيني دموعآ لذكريآتي القديمة

فأصعب فرآق فرآق الإخوة

بنادق مهجتي معبي فشقها والغلا نيشان
أبطلق روحي في قلب القصيد وانبض ابياته

وحيد ولا معي الا اخوي بداخلي غفيان
ترفرف ضحكة واطلق نعاسي لصبح ضحكاته

في بالي يرقد وادري حزين وشارد وبردان
وانا انثر برده من فوق الخيال وجمر سجاته
يدور القلب تتفتت ظلوعه يطحنه حرمان
يجوع القلب يحضني في جوعي واكل فتاته

ينام واعقد بعين الاغاني جمرة التحنان
ينام وعتقد بعين البدايه كل نهاياته
واطل من الالم احضن حياة الشارع الولهان
يلملم حسرتي ويكسر وجودي بشوق اضائآته

تعبت امليني طعون (ن) تصب من خنجر الخلان
تعبت استنزف عيوني دموع طعناته
يا خيي اقعد الدنيا رمت من تحتي النيران
وهذا العمر ما يحمل بجوفي الا انكساراته

ياخي ليه تغيب وليه تتركني وانا شفقان
لقرم (ن) يقلب اجبال الهموم بعزة اثباته
اعرفه لاوصل كنه صقر من صفوة الويلان
يكش جلد السما ان شافت مخلابيه وهداته

رجال (ن) تربط حزام القبيله وتنفلت شجعان
واخويه يربط رجال القبيله حزام هقواته
كريم (ن) ما هو يبيني فعايل صيته الديوان
في صدره دلته وهيله وفناجيله وتمراته

اذا كان الكرم حمس ( الهلا ) في مهجة الضيان
اخويه من حمس قلبه لضيفه وصب فزعاته
وكم ( تكفى )انرمت بين البشر ممزوعه الوجدان
اخويه قبل لا ترمي عليه يقط نخواته

حزين السيف بكفوف الاوادم (ن) ذبلان
بعد ما نام دم اللي سقى فعله وومضاته
ياخي اقعد وقعد خضوعي بداخل الشريان
تنام ولا بقى هم (ن) قطف من دمي غفواته

غريبه شلون يكسرك الغياب ويغلبك نسيان
ودفتر جيتك ياخي طوى من عمري صفحاته
يجيني مادري ولكن اعرفه لاوصل جيعان
قسم وان جاني لانحني لجوعه تحت خطواته

وصل زوله هذاك اللي وصل ما يشبهه انسان
هذاك اللي وصل شايل عذاب العمر واهاته
وجيت الحين ياخيي بعد ماشالتك امتاان
عد ماودهم غسل الجسد عن كل نزواته

ابد لاينغسل هذا الشهم مغسول بالفرسان
اخويه من غسل روح الجسد في طهر نياته
ايا دفان دخيل الله لاتدفن ايا دفان
دخيلك خلني ادفن في بالي جمر بسماته

واهف بسماته من هذا المكان لاخر الاحزان
وانا اطحن موته في جوع الكلاام واخبز سكاته
انا شلون لاصار الاخو جايع وانا شبعان
اخوي اللي كسر قبله لجوعي وجاع لحظاته

اخوي اللي يمزمزني معاليقه اذا عطشان
اخوي اللي ثنى عمره من اجل اطلع مسافاته
يدين القبر ضميني وسط حضن الأخو نعسان
ابرقد دام لي قلب(ن) دفن وياه نبضاته

اكيد انه وسط قبره سمع طق الخطاوي الآن
الا ياليت انا المدفون وانا اسمع طق خطواته

اتعبيني وخلي بالك

على الشعور اللي تركته
بين يديك
واتبعيني
ركضيني وسط بالك
لين يتعب منك عاذل
فيني يتعب فيك منك
يعتقد اني ابشري كل ضحاك
واركنك في زوايا اليل عتمة
ماحيابك شي حي
ومابقى بك حي شي
منك وحيابك
يعتقد انها المحاجر
تمرجح الظلمه بأماني
وتنطفي
كل ماهب الصباح
يعني شبهتك
بزقارة

تشتعل من كف فكره
وتنطفي بفم القصيد

يعتقد
رغم اني ساكن وسط اعتقاده
بالاكيد
اني اخر من يخون
واني ماخنت العيون
بسيل برد
حتى تزلق منك دمعه دافية
وتسقط بقاع الهدب
لين يلفظها الذهول
باخر انفاس الرئه
وتسقطين
وتكسرين منك فيني
منك فيني تكسرين حوبةٍ
وتشظا في حياتي
وتكرر هذي اللعبة معاي

اتبعيني

خلي امحي نقطتين
ساكنة, داكنه,ماكنة,
بكف التردد
اني اخونك او اني
اني اخونك
والله اني ما اخون
لوتدور الاشياء حولي
او حواليها ادور
صدقيني لو اخون وجيه خانت
اقسم وربي وفيت
رغم هذا عاجز والله اخون
لو تداهمني الخيانه
والله افرك كف ذهني
بكف ايام المدينة
واتشمم فوحة دلال الوعود
اخون والله اني ما اخون

اتبعيني

واتركينا نوشوش باذن المسا
حتى سن الشمس يظهر
من ورى فم الفجر
ونتمرغ ع النوافذ
خلي يغسلنا الصباح
قولي يغسلنا الصباح
وين وعودك
وامنياتي وامنياتك
وين شباك الاغاني
كل مافيني فتحته
القى فيني

اتبعيني

وخلي بالك على الشعور
واللي تركته بين يدينك

:

وليه ماحكيت ذهنك
ليه كبيت الاماني
ليه تبني من جفافي
غيمتين لشخص ثاني

وانكسر

وتنكسر نسمة حياتي
حتى جنب ألف واحد
كان يتمنى عيوني
وده بفيي وفيا
وللاسف
وينبت بعمري سراب
وبعد مامنك سمعت

ياحبيبي كل شئ بقضاء
ما بايدينا خلقنا تعساء

وانتي مازلتي جميله
وظل فارع
مشكلتنا بالتعارف

للاسف انا التقينا

بوسط شارع

كيف انا ابني بك طموحي
وانتي تذكرك

نسينا كل سوالفنا عليه و كل مواجعنا..
وصرنا فيه ندورنا..
ندور من ملامحنا ملامحنا..
تشتتنا تشردنا..
الين انا ندور في وجيه الناس..
تصور..
ولا قطره بوجيه الناس تشبهنا وتشربنا..
وارد ضاميك..
وبعد مثلي ترد ضامي..
واقول ان المسا كاسك..
واصب عيوني لإحساسك..
وانا اتكسر..
مع كل اغنيه تفتح هدبها والمح عيونك..
يا عون الله تلاقينا..
تصور..
بأغانينا تلاقنيا..

ولافكرت مثلك للوطى عيونه يمشيها
تبي ذلي!؟ تهبى لاانت ولا هالوقت يذللني
عيونك للوطى وعيني على القمر اضريها
صحيح الشوق لاوراق الرصيف المر يدفعني
وتفاصيل الحنين هناك في بالي اناديها
ولكن توصل لنشوع غرورك ماتقدرني
تحسب اني ارد باشواق عمري لك واهديها
غريبه كنت احسب انك مع الايام تعرفني
مع انك تدري اني لابغيت اعميها اعميها

صحيح احساسي ضيعني وطيبي حيل بهذلني
واذا في يوم اشواقي تبي عندك توصلني
من كفوف الوله تاخذ يديني لك توديها
يمين الله ولاك غير يمني الله تحلفني اذا
اذا نفسي توصلني لمثك والله لـ فنيها