السلام عليكم ..
تحياتي لكم ..
اترككم مع قصيدة المفارق:
ياهيه لازمنا الكرى والمخده
خلاص تبنا عن هواك وسلينا
اليوم ودعنا بحور الموده
لاصار ما ودك تجي لاتجينا
من باعنا بعناه باللي يسده
مانشتري الا واحدن يشترينا
ومن حدنا جعل الليالي تحده
نجفاه لو انه عزيزن علينا
ان كان لك خلن تبيه وتوده
حنا لنا ……خل ويبينا
وان كان خلك ماخذن عنك مده
حنا غصين البان يبكي علينا
و ان كان حبلك في يدينك تشده
حنا رمينا حبالنا من يدينا
وان كان بابك عن هوانا ترده
حنا قفلنا ابوابنا وانتهينا
ياطير قله ماشقينا بصده
لا يحسبنه من صدوده بكينا
ما أبيه لو جاء البحر شرق جده
ولو جاء ضلع طويق مع طور سينا
والله لو يمســــح على القاع خده
ولو قدم الخيرات سمن وسمينا
ولوه تأسف لي وكفه يمده
ويقول راضونا ترانا رضينا
ما ارضى عليه ولا عيوني تلده
حنا ليا منا جفينا جفينا
خله يبيح جور الايام سده
ويشكي من طعون الزمن ما شكينا
يا ما سكتنا والغلط ما نعده
نسكت وكنا يالغضي ما درينا
وكم واحدن غالي عشانك نهده
نزعل عليه وعارفينه يبينا
ما فاد فيك وصبرنا وصل حده
رح فكنا واسلم لاتبتلينا
قد قيل هرجن تستحي منه بده
بنقول لك هرجن ولو ما استحينا
الكحل كبه والشعر لاتكده
حنا خذينا اللي نبي وانتهينا
منقوول..
اعجبتني لأني احب قوة الشعر..
(( أغبطكم يا من تكتبون الشعر تستطيعون ان تخرجون الأحساس كما ينبغي ان يخرج ))
دمتم بالحب سالمين..
موفق بإذن الله … لك مني أجمل تحية .
يسسسسسسسسلمو
يعطييييك الف الف الف عافييييه 
مساري ..
انثى لا يكررها القدر..
شكرا لمروركما الجميل..
دمتم بالحب سالمين..
قصيدة رائعه بروعتك
يسلموا
لاهنت
يسلمممممممممممممممممموو وليد
طرح مميز كالعاده
تحيتي