صباحكم مساكم ورد
من المهم تزيين و ترتيب مائدة الطعام .. و نحن نهتم بهذا الشيئ غالبا اذا كان لدينا ضيوف .. و لكن في بعض الأحيان تكون افكارنا محدوده .. فكل الذي نستطيع عمله هو وضع القليل من الورود هنا و هناك .. او الاهتمام باقتناء افخم الأطباق لوضعها للضيوف .. و ننسى تماما مناديل الطاوله و اهميتها بتزيين الطاوله .. قد يعتقد البعض ان مناديل الطاوله اذا وضعت فإننا نحسس الضيوف بأنهم يجب ان يتبعوا الإتيكيت و الرسميات في الاكل !! و لكن في الحقيقه .. ان مناديل الطاوله تعطي منظرا جماليا رائعا لطاولة الطعام .. و تعطي نوعا من التغيير .. و الاحساس بالفخامة للطاولة ..
و اعتقد ان هذه الصوره تتحدث عن نفسها
ترى مليت من الفصحى
بس كالعاده ما ابي اطول عليكم بالكلام و خلونا نعرض لكم بعض الأفكار البسيطة بالصور و اللي نقدر انسويها بالبيت بخصوص مناديل الطاولة
هذي الطريقه لمحبين الحياكه و اللي يقدرون يستغلون هالهواية بعمل اشكال جميلة لمسكات المناديل و اطقم كامله للطاوله
و هذي طريقه سهله جدا .. كلنا انعرف هالشكل من الاساور اللي هبوا البنات فيهم هذيج الفتره و يلبسونهم بالايد كم وحده فوق بعض .. نقدر نستغلهم بعمل مسكات للمناديل مثل الصوره اللي فوق و اللي اتشوف نفسها تقدر اتسوي مثل هالأساور يكون احسن بعد بدل ما تشتريهم
و هذي الطريقة تقدرين تستغلين فيها .. زرار لجاكيت قديم عندك .. يكون شكله حلو .. و تحطين فيه خيط من وره و تربطينه بهالشكل اللي فوق اعتقد بعد مافي اسهل من هالطريقة
طبعا هالصوره اللي فوق اهم حاطينها حق الكرسمس ما كرسمس مالهم .. بس انا حطيتها علشان ابيكم اتشوفون المنديل اللي على اليسار .. اشلون مستغلين فيه الخيوط الصوف العادية الملونة و اشلون معطيتنا شكل جميل .. نقدر نستغله على حسب لون مفرش الطاوله عندنا او على حسب لون غرفة الطعام
اذا كان شكل المائدة مثل هالصورة اللي تحت
يعني يوحي بالبساطة .. فا أفضل شي انك تضعين مناديل ورقية مثل هالصورة اللي تحت
و هذي المناديل متوفره بالسوبرماركت و بدل ما نحطها مثل ما اهي .. نقدر نربطها و نزينها مثل الصوره اللي فوق بخيوط نايلون مثل الخيوط اللي نلف فيها الهدايا
اما الصوره هذي اللي فوق مسكة المنديل اللي فيها سهلة جدا و من احلى ما يكون .. كل اللي نحتاجه : 1- ورق كرتون مقوى ، 2- صمغ ، 3- نفيش او فشار .. غير مطبوخ .. اللي يكون املون عرفتوه ؟؟
اما طريقة العمل .. بكل بساطة نقص الورق الكرتون على شكل حلقة .. بالحجم اللي نبيه بس نراعي انها تكون واسعة علشان نقدر اندخل المنديل من خلالها .. و بعدين نزينها من الخارج بحبات الفشار او النفيش بواسطة لصقها بالصمغ
و هذي طريقة حلوه لوضع المناديل من غير حلقة .. راح احط لكم طريقة عملها
و بعدين نحطها على الطبق مثل الصوره اللي فوق
و هذي طريقه فظيعه من خلال اشرطة الأورقنزه
و هذي طريقه لعمل حلقة للمناديل بوضع الورد الطبيعي
اذا كان طقم الطاوله لديك من الفضيات .. هذي فكره بسيطة لوضع المنديل داخل الصحن و وضع قطعة من الاكسسوار الفضي عليه بعد عمل المنديل على شكل مثلث تقريبا
و اخذوا هالكم صوره حق طاوله متكامله ..
هذي صورة الأطباق
و هذي صورة لمفرش الطاولة من الطرف
و في الأخير هذي صورة منديل الطاولة المناسب لهم
ادري اني طولت عليكم .. و ابصراحة كان ودي احط صور احلى من هذيله .. بس هذيله انسب شي تقريبا
بقى شغله وحده بس بحطها .. اذا ما حبيتوا تستخدمون الحلقات او مسكات المناديل .. و حبيتوا انكم اتحطونهم مثل طريقة الفنادق او المطاعم .. راح احطلكم طريقة وحده .. و اذا حبيتوا زياده قولولي بردودكم .. و راح احطلكم انشالله من خلال الردود
و اخذوا هذي الطريقة السهلة و الأكثر انتشارا بالمطاعم
و بالنهاية تطلع عندنا مثل اول صوره
اعذروني ما عليه طولت عليكم .. بس يا ريت اللي ما تطلعله اي صوره يرجع يسوي ريفريش للصفحه
و اتمنى انكم تستمرون اتابعون الموضوع لأن انشالله راح ارجع احط صور زياده من خلال الردود .. و اذا في اي طلبات بالنسبه حق الصور او طريقة معينة تبون اتعرفونها .. اتمنى انكم ما تترددون و تسألون
و شكرا لكم لحسن متابعتكم …
حركات رووعه لطاوله..
يسلموو اختي.
كلك ذووق على الاختيار المميز..
تحيتي 
|
المشاركة الأصلية كتبت بواسطة غـــرور
 حركات رووعه لطاوله..
يسلموو اختي. كلك ذووق على الاختيار المميز.. تحيتي |
