•- هذا مـآهو شيب " لا تبكين " يمه -• 2024.

هذا مـآهو شيب .." لا تبكين " مـآهو شيب يمه
……………. لا يهوّلك منظره في راسي وتبكين .. عـآدي !
لا يغرّك لونه الأيبض .. ولا يفجعك كمّه
……………. صدقيني مـآهو من الشيب هذا اللون بـآدي
تذكرين .. اصـآبعك لمـآ تبعثره وتلمه ؟
……………. يوم كنت اوسده رجلك .. واروّض لك عنـآدي
كل مـآ مشيتي اصبع بين شعراتي تشمه
……………. لين صـآرن بيض من كبر الغلا وطهر الأيـآدي !
شرّعي لي حضنك الممطور بـ المسك ابخمه
……………. خمةٍ تبرا بهـآ روحي من جروحي .. وَ انـآدي
مـآ ابي مْن النـآس .. غير اذكـآرك وريحتك لمه
……………. ولا ابي مْن النور .. غير سراجك اعلن به حدآدي
ومـآ ابي مْن العز .. غير اللي تحت "رجليك" قمه
……………. ولا ابي مْن الأرض .. غير جلالك اعلن به بلادي !
ودي ارجع "طفلك المغرور" واللي كـآن همه
……………. يصعد اطول نخله.. وَ يشرب من حثـآل العوآدي
يغسل نعـآسه بـ اذان الفجر ، واصوات الأئمه
……………. ويونْس الشيبـآن لا رتّل لهم : ( قُل يـآ عبـآدي )
ويسرق اول خبزه لصـآجك ويخفيهـآ بفمه
……………. قبل مـآ يصحى حدا اخوانه .. ويحتد التمـآدي !
طفلك : اللي ذنبه انه مـآ غسل بـ الدمع كمه
……………. لين صـآر الكم الابيض من بطـآ دموعه رمـآدي !
مـآ يخـآف الا : بكـآك ، ودعوتك : ( حمىً تحمّه ) ..
……………. لا ركض جنب القليب وسمع نبضـآتك تنـآدي
ولا كشخ بشمـآغ ابوه وشفتي الانظـآر يمه
……………. تغصبينه, يشرب "القروه " بخوف ٍ لا إرادي !
ودي امسح دمعة ( استـآذي الفلسطيني ) واضمه
……………. لا بكى في حصة التـآريخ من ظلم الاعـآدي !
واعتذر له عن سخـآفة جيلي وخذلان الامه
……………. واتعلم منه كيف اروي يقيني بـ اعتقـآدي
واسأله ليه المجـآهد عندنـآ مهدور دمه ؟!
……………. ومن ربط حدوتة الإرهـآب بـ الفكر الجهـآدي ؟!
وليه نسمع بـ ألف دعوة صلح مع راهب وعِمه
……………. والف خنجر يشهر بوجه المطوّع في بلادي !
ودي ارجع طفل .. بعض عيوبه اجمل من شيمه
……………. يوم كـآن اصغر رفـآقه عمر .. واكبرهم مبـآدي
ودي افتش بـ تـآريخي عن احلامي المهمه
……………. قبل مـآ تهزم جيوش اليـأس صبري واجتهـآدي !
ودي اوشي بحزني الحـآضر لمـآضيّي وانمّه
……………. يمكن انقذ جمرة سنيني من الموت برمـآدي
بس وشلون اقدر ارجع ؟ ليه مـآقلتي لي يمه !
……………. ليه مـآقلتي لي ان الشيب مشتـآق لسوادي ؟!
ليه فهمتيني ان الخوف من بكره مذمه ؟!
……………. ليه خليتيني اكبر واحمل ذنوب اعتدادي ؟!
وين اعيّن خير يمه ؟! والأمل من غير يَمه !
……………. الحطب يـ يمه قليّل وبرد الليل سـآدي
كل مـآ غرست غصني سـآل في الحرمـآن دمه
……………. واشعر اني وردةٍ مزروعة في بطن وادي !
وانـآ والله ، مـآ رضيت بـ هـآلعنـآ من قلّ همه
……………. ولا كبـآ غير الدروب .. امـآ انت وافي يـآ جوادي !
احمد الله جـآعوا عيـآلي وانـآ شبعـآن ذمه
……………. مـآ زرعت الا الوفـآء والنـآس تـآكل من حصـآدي !
مـآ عرفت الا يـ خـآل لخـآله وعم ٍ لعمه !
……………. يوم مـآ يـآسع هموم القوم غيرك يـ شدادي
وانتي يُمه .. لو بكيتي شيبي وهوّلك كمه
……………. قلت يُمه : مـآهو من الشيب هذا اللون بـآدي ( :
تخبرين الثلج لا منه تكدّس ( فوق قمه ) ؟!

……………. هذا ثلج , وراسي القمه .. ولا تبكين عـآدي !
/