يا ضي عينـي 2024.

يا احلى مراحل دنيتي ، يا الحب يا الشوق الأكيد
يا ضي عينـي ياغـرام القلـب يـا حوريِّتـه

يا ملهمتني بالقصيد اليا طـرا نبـض القصيـد
إلْك استفاض الشعـر وانتـي نبضـه وقافيِّتـه

لعيونك آسيّل بحور الشعـر لـو كانـت جليـد
لبى حروف الشعـر دامـه فـي غـلا راعيِّتـه

مبطي وانا قلبي غريب وعايـش بعالـم وحيـد
ما كنت احسب انه يبـا يبـرا وينسـى كيٍّتـه

لين امطرتني بالغلا بيض السحايب مـن جديـد
واخضّرغصنٍ مـن يباسـه مـلّْ حتـى فيّتـه

أي والله احيا بك غلا ، واحس نبضك فـالوريد
وقبلك عناقيـد المحبـة فـي ظلوعـي ميّتـه

كل ما طريت بخاطري ، والشوق في قلبي يزيد
لين اشتكر جرح السنين العوج من حنيِّته

أمّنتك الله في خفـوقٍ صـار فـي كفـك وليـد
تروي عروقه مثل مـا تـروِ الوليـد اوخيِّتـه

حطه ما بين ارموشك الخجلا وضمه من بعيـد
أمنيِّتـه يحيـاك ،، تكفـى لا تــرد امنيِّـتـه

تدري بقلبي من جروحه صلف واحيانـاً عنيـد
الا معـك واللـي خلقنـي مـا يغيـر نيِّّـتـه

يذوب من همسات صوتك لو ضلوعه من حديـد
ويطيـر يمـك مثـل طيـرٍ مـا خـذٍ حريِّّتـه

ايحسّْ فيك ولا طرا طاريك صار الكـون عيـد
ونظرةعيونك ،، وابتسامة شفّتـك (عيديِّتـه )

المشاركة الأصلية كتبت بواسطة شامخ العز صح لسانك يسلمووو

المشاركة الأصلية كتبت بواسطة نرمين هلا طير يذوب من همسات صوتك لو ضلوعه من حديـد ويطيـر يمـك مثـل طيـرٍ مـا خـذٍ حريِّّتـه الله الله الف شكر طير على ما طرحت تحياتي

المشاركة الأصلية كتبت بواسطة جزيــــره تدري بقلبي من جروحه صلف واحيانـاً عنيـد الا معـك واللـي خلقنـي مـا يغيـر نيِّّـتـه يذوب من همسات صوتك لو ضلوعه من حديـد ويطيـر يمـك مثـل طيـرٍ مـا خـذٍ حريِّّتـه الله الله صح لسانك رووووووووعه بجد كلمات منتقاه وحروف تكفي عن البوح يعطيك العافيه وتسلم ايديك لاتحرمنا جديدك