يابحــــــــــر
يا بحر أبسألك ليش أمواجك الليلة تعاني
أنت مثلي يا بحر فاقد لك حبيبه
أنت متضايق عشانك ولا متضايق عشاني
اسألك بالله قلي يا بحر ويش المصيبة ؟
ولا اقول أسكت وأنا بحكي عن اللي لك خذاني
ببتدي معك الكلام وكل ما عندي بجيبه
تذكر اللي لا لفتني بشر القلب المعاني
تذكر اللي كلها حب وغرام ونهر طيبة
تذكر اللي صوتها تشتاق له حتى المواني
كل ميناء يسأل الثاني إذا طول مغيبه
تذكر اللي في كفوفي تشعل الدنيا اماني
تذكر اللي نورها سود الليالي تقتديبه
تذكر اللي سلهمتها تقلب الساعة ثواني
تذكر اللي عطرها حتى طيورك تحتفيبه
تذكر اللي علمتني كيف اروض هالمعاني
كل ما مرت علي رحت للشعر انتخيبـه
تذكر اللي كل صبح تمرني باحلى تهاني
صار كل العمر عيد وصارت اقرب من قريبة
قبل يومين تركتني ورحلت مع شخص ثاني
شخص ما كانت تحبه بس ما ادري وش تبيبه
ادري اني من سببها كاسرٍ خاطر زماني
و ادري اني اول انسان كسر خاطر نصيبه
وادري أن الله خذى مني مثل ما هو عطاني
وادري ان الغالية راحت رضى ماهي غصيبة
بس اقول الله كريم وعمر كل الناس فاني
والمكان اللي خلا من زولها وش نبيبــه
مدخلك بالله قلي حط نفسك في مكاني
وش تسوي يا بحر لا صرت فاقد لك حبيبه..؟
هالقصيده أعجبتني وحبيت انقلها لكم
وان شاء الله تحوز على رضاكم
وهي للشاعره / بنـت قطـر
تذكر اللي لا لفتني بشر القلب المعاني
تذكر اللي كلها حب وغرام ونهر طيبة
تذكر اللي صوتها تشتاق له حتى المواني
كل ميناء يسأل الثاني إذا طول مغيبه
نص متألق … متوهج
بالحب الصادق والمشاعر العذبة
أبحرت من خلاله إلى عالم الخيال
وكنت جداً سعيده بإبحاري هنا
بارك الله حياتك مليئة بالمسرات
والف شكر لك ع النقل الرائع
كل الود
رائعه جدا
صح لسان القائل
وسلمت انامل الناقل
تحياتي الخالصه لك ياغالي
مدخلك بالله قلي حط نفسك في مكاني
وش تسوي يا بحر لا صرت فاقد لك حبيبه..؟
تسلم على النقل الرائع اخوي ولد الديرة
دمت بخير
سيدي ولد الديره
يعطيك الف عافيه ياغالي على هذا الأختيار
الراقي زان دل يدل على ذوقك الرفيع.
دمت سيدي
ادري اني من سببها كاسرٍ خاطر زماني
و ادري اني اول انسان كسر خاطر نصيبه
وادري أن الله خذى مني مثل ما هو عطاني
وادري ان الغالية راحت رضى ماهي غصيبة
بس اقول الله كريم وعمر كل الناس فاني
والمكان اللي خلا من زولها وش نبيبــه
صح السااااااان قايلهااا
ولد الديره تسلم على النقل وربي ذووق
تقبل مروري
ع
ي
و
ن
يسلمووووووو نـــبرة حـــزن
على مرورك الرائع يعطيك العافيه تحيتي لك
يسلمووووووو ريـــــانه
على مرورك الرائع يعطيك العافيه تحيتي لك
يسلمووووووو السندباد
على مرورك الرائع يعطيك العافيه تحيتي لك
