ياصاحبي انا براسي قصيدة //// شاعر واذا قال القصيدة وزنها .
تخرج من لسانه وكنها وحيدة /// تحتار في التوصيف كنها وكنها .
كنها الجمال وكل ابوها مفيدة /// إلا تعدت وصفها من حسنها .
خيالها فارس يضد الشديدة /// يروض اللي مارضت غصب عنها .
تشتاق شوفه كل عذرا رغيدة /// له مسكنٍ بين الضلوع وجفنها .
واليوم لك عندي قصيدة جديدة /// حلم يراودني وروحي سكنها .
شيٍ تمنيته وفي البال أعيده /// لا لا تقول أحلام عمره دفنها .
يمكن مع الأيام اجيبه واجيده /// وتدوس رغباتي قساوة زمنها .
يا خوك ماتدري وش اللي اريده /// شي (ن) وللهوجاس روحي رهنها .
شي(ن) جرى بالقلب مجرى وريده/// رغبة بوسط الجوف مخضر وطنها .
ودي بها شوق المعايد لعيده /// وان ماحصل جهز لروحي كفنها .
ودي بليلة من حلاها مجيدة /// تنسى بها روح المولع حزنها .
ليلة تخلّد في الليالي السعيدة/// ليلة عساني اكسب مناي منها .
ليلة تترجمها حروفي نشيده /// واللي سمع عنها يردد لحنها .
هذي مناتي والعلوم الاكيدة /// رغبة وشوق القلب فيني حضنها .
مناي سهرة بعد تغفى عبيده //// وكلٍ لداره بعد ربي امنها .
سهرة على ترويض مهرة عنيده /// اهدها واسحب بكفي رسنها .
وإيليا هدت أعطيتها اللي تريده /// واطفق عليها مسح والمس وجنها .
لانها أصيلة من سلالة فريدة /// متأصلة في الأصل محد(ن) وزنها .
إسطبلها بين الحصون العتيدة /// وحراسها تقهر فطاحل زمنها .
هذي فرس وإلا الهقاوي بعيده /// أحلام شاعر والذكي من فطنها .
تحياتي للجميع اعجبتني ونقلتها
ابو رشااااااااااااااااااااااااااااش (uu14 (uu14
هلا ابو رشاش
كل كتاباتك من القصائد رائعه جدا
ويعجبني جدا قراءتها
وصح السانك ولاهنت
ولك خالص شكري وتقديري
تحيتي
صح لسانك اختيار جميل وكلمااات راقيه ورائعه
تسلم ايديك
دمت بود
«®°·.¸.•°°·.¸¸.•°°·.¸.•°®»هذي فرس وإلا الهقاوي بعيده /// أحلام شاعر والذكي من فطنها .
كلام جميل وراقي
دمت بووود اخوي«®°·.¸.•°°·.¸¸.•°°·.¸.•°®»
ابـــو رش رش صاااااير شااعر فديتك
بس وربي روعه فديت عيونك ونبي نشووف
منك المزيد انشاللــــــــــــــــــــــــــــــــــــــــــــ ـــه .
اخــــــــوك ,,,,
((( مطافيـــــــــــــــــــــــــــقو )))