ياشيـــــــــــنهاااا 2024.

السلااااااااااااااااااااااام عليكم

يارب تعجبكم هالقصيده

ياشينها لا صرت معجب و ( خجلان )
……………خوف المصارح لا يجيب المطمّه

اخاف اصارح بالغلا ( ذاك الإنسان
……………و ينقلب ( جوو المصارح مذمّه)

ويا شينها لا صرت مغرم و ( زعلان )
……………محد ٍ يراضي قلبك و ( محد يمّه)

وان رحت محد ٍ قال لك: (وين يافلان)؟
……………روحتك مع جيّتك .. ماهي مهمّه

ويا شينها لا صرت عايش بحرمان.
……………مثل اليتيم اللي فقد شوفة أمّه

ماخوذ حقّه وانظلم شوف الأعيان
……………واللي اظلموه (عيال لحمه و دمّه )

ويا شين صاحب دربك(ان صار ثعبان)
……………لا هو تركك و لا نفث فيك سمّه

كنّا خويّا وانتسمّى بالأخوان
……………واليوم أسمه بأخبث الناس سمّه

ويا شينها لا صرت ناجح و ندمان
……………وصلت قمّه ( وغيرك بأعلاا قمّه )

مثل الإمام ..العالم بفقْه الأديان
……………يومه نجح .. والكل صاروا ( أأمّه )

ويا شينها لا صرت تايه وحيران
……………وسط الطريق .. و باقي ٍ فيك همّه

ودّك ترووح .. وآخر الدرب ما بان
……………تخاف تمشي .. ( ثم تغشاك غمّه )

ويا شينها لا صرت مبلي ومنهان
……………والعلم كلّه .. من اكاذيب نمّه

ما فيه ضدّك لا دلايل وبرهاان
……………ودخّان نارك مستحيل ٍ تشمّه

ويا شينها لا صرت من روس الاعيان
……………ثم تنقلب في نظرة الناس رمّه

ويلااااه يا وقت ٍ نوى لي بعصيااان
……………أثر الزمن يا ناس ما فيه ذمّه

ويا شين طرد المقفْي لو كنت ولهان
……………ياخذه شيطان الغرور و يخمّه

يظن انّك هايم ٍ به وشفقااان
……………ما يدري انّه لو فطس … ما تهمّه

ومااشين من معاشر قليلين الإيمان
……………درب الهداية .. لا .. أبد … ما تتمّه

الخلْق سجن وصاحبك فيه سجّان
……………والعلم خال العز …. ( والجود عمّه )

ويا شينها .. أصلا بقى شي ما شان ..؟
……………هذي الليالي طبعها مدلهمّه

الشين والله شين غالين الأثماان
……………لا قام كل ٍ رافع ٍ فوق فمّه

( ويا زينها ) لا صرت لاهي و طربان
……………وحبل القصايد يرتجيك و تلمّه

يا ليل دانه .. ليل دانه .. لا لا .. دان
……………ما فيه ثوب ٍ يستر أطراف كمّه

يا زينها لا صرت معجب و خجلان
……………تنثر علومك لو تجيب المطمّه

تحياتي لكمـ
$$$$$$$$$$$$$$$
المعانـــن25ـــــد
$$$$$$$$$$$$$$$

..

أبياااااات في قمة الجماااال والروووعة معااااند
أبيااااتك حملت لنا الاحزان ولا مست الجرااااح
سلمت يمنااااك بما خطت
مع أطيب تمنيااااتي تحيااااتي لك
شيهاااانة الفهد ….

السلام عليكم ورحمه الله وبركاته

سلمت يداك اخى معاندك ياحب على الكلمات المعبره والقصيده الرائعه

الله لا يحرمنا جديدك الراقى

دومت بود

اقتباس:

المشاركة الأصلية كتبت بواسطة همسة حزن ويا شين طرد المقفْي لو كنت ولهان ……………ياخذه شيطان الغرور و يخمّه يظن انّك هايم ٍ به وشفقااان ……………ما يدري انّه لو فطس … ما تهمّه ويااشين من معاشر قليلين الإيمان ……………درب الهداية .. لا .. أبد … ما تتمّه الخلْق سجن وصاحبك فيه سجّان ……………والعلم خال العز …. ( والجود عمّه ) ويا شينها .. أصلا بقى شي ما شان ..؟ ……………هذي الليالي طبعها مدلهمّه الشين والله شين غالين الأثماان ……………لا قام كل ٍ رافع ٍ فوق فمّه وعليكم السلام ورحمة الله وبركاته فصيده رائعه بسمو معانيها وسهولة الفاظها يعطيك العافيه اخوي على روعة الطرح دمت بخير ..

الله يعافيك لاهنتي على المتابعه اختي

اقتباس:

المشاركة الأصلية كتبت بواسطة شيهانة الفهد أبياااااات في قمة الجماااال والروووعة معااااند أبيااااتك حملت لنا الاحزان ولا مست الجرااااح سلمت يمنااااك بما خطت مع أطيب تمنيااااتي تحيااااتي لك شيهاااانة الفهد ….

يسلمك ربي شيهانه
لاهنتي على المتابعه
تحياتي لك

وعليكم السلام ورحمة الله وبركاته
الله يعافيك يارب
لاهنت على المتابعه