السلام عليكم …
أحبتي …
أطرح بين أن أيديكم مساجلة بيني وبين زميل بل صديق لي ..
عسى أن تحوز على بعضاً من إستحسانكم …
*****
قصيدة موجهة منّي …
والواقع اللي ناعقٍ لي غرابة = وحمله عـلــيـّه زاد فوق إحتمالي
ليت قلبي ما عرف وش هي الصبابة = كان قلبي ماغدا ضدي موالي
باع فرحي وشوف عيني إشترى به = حزن متقع يانديمي إشترى لي
وإرتضى به طيب قلبي وإعتنى به = واللئيم بكل حمله إرتكالي
ما جنينا من عملنا إلا هبابه = وفرْح فينا ماعطيناه المجالي
ما ضمينا كود من سبة سرابه = ولا غوانا كود نجم بالعلالي
هو خطانا يوم نطمح بالرحابه ؟!= هي صحيحة ياترى وإلا هبالي؟!
أتجاهل قد ما أقدر من عتابه = الضمير اللي ذبحني بالسؤالي
وصرت تايه في دهاليز الغرابة = وش بقالي غير ذكره وش بقالي
كان تقدر يانديمي باالإجابة = لا تأخـّـر خاف تنسانا الليالي .
******** type=”text/**********”>doPoem(0)***********
رد صديقي …
كما ذكرت إنك تعاني الصبابة =مع صحيب ماله ياخوك تالي
ياصاحبي هذا الهوى وإكتئابه = يوم مرير ويوم تلقاه حالي
حاولت أنا وأقول هذي الإجابة = بعد الدراسة فبالي كنه طرالي
إن الوليف درب الصبا مادرابه = أجل علامه مايعرف الوصالي
وإلا قليبه واحد قد لفابه = وإرتاح له قلبه وأقفى ومالي
وش فيه يبعد وتشتكي من سرابه = لا لا تقول إنه تغلي ودلالي
تبي الصراحة سالفتكم غرابة = حاولت أفكر وإنشغل حيل بالي
لكن عسى ياخوك حضرة جنابه = تدور به الدنيا ويصحى ويبالي
شرواك ودك دايم يعتنابه = ومن يجهلك يبقى خبل ولا يزالي
هذا الهوى معروف من دق بابه = يصبح عطيب ودايم الفكر سالي .
******** type=”text/**********”>doPoem(0)***********
ردي على رد صديقي …
ماتوانا في سؤالي بالإجابة = وإمتطاها غصب عنها بالعجالي
وبعد هذا دون قصدي به سحابه = من سببها صار لبسٍ بالسؤالي
يانديمي كل شخصٍ له هضابه = وكل شخصٍ دوم يطمح بالمعالي
سعد منهو لا بغى دربٍ مشى به = في جنوبٍ كان دربه أو شمالي
مايعارض خطوته أية ضبابه = مرتهي مرتاح عايش في دلالي
وعزي للي لا نوى دربٍ وشى به = عند حزنٍ في عنايه مايبالي
إن مشينا قام عقلي في حرابه = وإن وقفنا هاض قلبي وإشتكى لي
صرت تايه في تقاليد الر قابة = بس أناظر في متاهات الخيالي
أشهد إن الحب مثواه الخرابة = دام مايصبح حبيبك بالحلالي
مابدا بالهجر أنا اللي بدا به = ولا نوى يقطع قويات الحبالي
ذا عذابي والأكيد إنه عذابه = إنتصفنا كل ماصار وجرالي
لي هضابٍ كلها ثقل ورتابة = ولي سهولٍ كلها ملكي لحالي
القناعة كنز بعقول اللبابة = والصبر لابد يقفاه إنزوالي
إمتطينا بعض خيلي بالكتابة = وبعض منها ماقدرناها جفالي .
******** type=”text/**********”>doPoem(0)***********
و سلامتكم ….
.
ماشالله ماشالله
كلامك فيه حكمه وفيه عقل وفيه ثقل
يسلم لك صديقك الي فاهمك
وانت قلت بيت في معناه ان الي تحبه اذا ماصار حلال لك بيتعبك
وهذا وانت صادق
بس انشالله الي تحبه يحبك او يحس فيك
لان اللحظات الي تحس ان حبيبك بين قلبك احسن اللحظات واسعدها لو هي ايام
حلو اذا لقيت الي يفرح لشوفتك ويفرح لسماع صوتك ويسئل عن اخبارك
يمكن مامرت علي هلايام
<<< تزوجت وهي صغيره ماتعرف وشو الحب
هههههههههههههههههههههههههههههههههههههههههههه
بس الله يوفقك يامرسى وتلاقي مرساك الي تنتظره ويكون خووش مرسى
لابعده مرسى ولا قبله مرسى
<<< مرسى ملكي هذا
تقبل تحياتي واعجابي
<<< فرحانه لانها اول وحده ردت تقول يمكن يغششها بحل الالغاز
ههههههههههههههههههههههههههههههههههههه
صح السانك والسان صديقك
مساجلة جدا رائعه
والله اعجبتني وكم تمنيت لو اني شاعره
<<< عشان ارد عليك وعلى صديقك هههههههههه
تحيتي
صح لسانك مرسى
وصح لسان صديقك
مبدع كعادتك
اخوي مرسى سعدت بمعانقتي لهذا الابداع الفريد من نوعه انت وصديقك
ابداع بكل ماتعنيه الكلمة
اخوي مرسى مهما قلت ووصفت لكلماتك وكلمات صدقك فلن افيها حقها
انت مبدع وصدقك كمان مبدع
والمبدع لا يحتاج بان نقول له ابدعت
تحيتي
دلوعة نهر الحب
قلوب
شـرواك ودك دايـم يعتنـابـه ومن يجهلك يبقى خبل ولا يزالي
عجبني رد صديقك عليك وكفى ووفى وهالبيت يحمل رد جميل ووافي
أشهد إن الحب مثـواه الخرابـة دام مايصبـح حبيبـك بالحلالـي
وردك هذا عين العقل والصواب
ابدعتو جدا بهذه الكلمات وخويك من عرف ينصحك
صح لسانك ولسانه ولاهنتو
وننتظر الجديد اذا عندك منه
تحيتي لك
|
المشاركة الأصلية كتبت بواسطة ماسة شفافة
ماشالله ماشالله
كلامك فيه حكمه وفيه عقل وفيه ثقل يسلم لك صديقك الي فاهمك وانت قلت بيت في معناه ان الي تحبه اذا ماصار حلال لك بيتعبك وهذا وانت صادق بس انشالله الي تحبه يحبك او يحس فيك لان اللحظات الي تحس ان حبيبك بين قلبك احسن اللحظات واسعدها لو هي ايام حلو اذا لقيت الي يفرح لشوفتك ويفرح لسماع صوتك ويسئل عن اخبارك يمكن مامرت علي هلايام <<< تزوجت وهي صغيره ماتعرف وشو الحب هههههههههههههههههههههههههههههههههههههههههههه بس الله يوفقك يامرسى وتلاقي مرساك الي تنتظره ويكون خووش مرسى لابعده مرسى ولا قبله مرسى <<< مرسى ملكي هذا تقبل تحياتي واعجابي <<< فرحانه لانها اول وحده ردت تقول يمكن يغششها بحل الالغاز ههههههههههههههههههههههههههههههههههههه |
نوّارة المنتدى " ماسة شفافة " …
كم أسعدني تشريفك لي ولمتصفحي …
وكلي إمتنان على ذلك , وعلى الدعوات الحلوة …
..