(رحلة الحب)
رغم ونة خفوقي رعشته وارتجافه,,,,, ماشعرتي بنبض القلب إلي تسكنينه
إنه الحب , لكن للأسف ياحسافه,,,,, تستخفين بأحساسي وتتجاهلينه
ارفقي بالخفوق إللي ملكتي شغافه,,,,, دامه أصبح متيم في يدينك رهينه
وإن تقولين عرف لي الهوى وش وصافه,,,,, طالعي في عيوني كان ماتعرفينه
وارجع أضيف جمله في غرامك إضافه,,,,, إن جهلتي المحبه فالغلا إنتي بعينه
بين قلبي وقلبك مابغينا كلافه,,,,, ريحي طرفك النعسان لا تسهرينه
واتركيني أسافر في عيونك مسافه,,,,, رحلة الحب ماتتعب شراع السفينه
صدقيني سواد العيش والرمش أخافه,,,,, كم فؤاد بنظرات الغلا تطعنينه
توي أدري بأن العمر لي مر تافه,,,,, بعد ماضاعت بدونك ومرت سنينه
يحس بي من بلي في العشق مثلي وشافه,,,,, كيف يسلى وطيفك دوم قدام عينه
ليه ماتشفقي بي؟ تأخذك بي رأفه,,,,, سلميني يمينك واخذي إللي تبينه
والله إني أحبك حب ماهو خرافه,,,,, صعب يخطر على بالك وتتصورينه
لأنك الذوق كله والحلا واللطافه,,,,, أضحكي ما أبي أشوفك بلحظه حزينه .
ليه ماتشفقي بي؟ تأخذك بي رأفه,,,,, سلميني يمينك واخذي إللي تبينه
والله إني أحبك حب ماهو خرافه,,,,, صعب يخطر على بالك وتتصورين
كلام بغاية الروعة والحساس والدفئ شكرا اخي اسبرين
سلم قلبك
ابدعت ف حرفك
لك مني اطيب التحاياااا
السلام عليكم
اخوي اسبرين انت دائما مبدع وتفاجئنا دايما باشعارك الجميلة
ارجو ان تتقبل مروري على صفحتك
لك مني كل الاحترام
قصيده اكثر من رائعه
سلمت اناملك عزيزتي على هذا الطرح
يعطيك العافيه
هههههههههههههاي ردودكم جت متأخره عقب ماتركت الشات والمنتدى واعتزلت شي اسمه منتدى وشات نهرالحب (صح النوم ) التائب إلى الله . تعتبر هذه آخر
مشاركه ليه في هذا المنتدى . إسبرين / صمتي ألم