الســــــــــــلآم عليكم
انا عصو جديد لديكم..وراح تكون عضويتي سريعه فترة يوم واحد وجيت لمنتداكم لتلبية رغبة الفرزدق
وجيت انثر اجمل القصايد اللي كتبتها عندكم واتمنى تحوز على رضاكم
اول قصيده حبيت ابدا فيها وهي قصيده رثاء في جدي -الله يرحمه-
إبدآ قـــصيدي بذكرٍ الله والصلآ’ة على من الرٍسآله حَمَّله
وإقفيها بالدموع والرثاء في من فقدته هزة المسلمين
إبوي مبارك راعي العلم الغانم واليد الكريمه راعي الأوله
يامن صيته بالخير والكرم واصله لاخر ديار العالمين
ابوي مبارك لامن نصاه احد يبي فزعته ما تركه وهمله
يوقف معه لاخر مصيبته وقفة الشيوخ الكبار السلاطين
صغيرنا وكبيرنا فقد[القلب الكبير][الاب الرحوم]يد بالكرم مجزله
جمع قلوبنا وجمع شلمنا وحنا على خيره دايم مجتمعين
مات ومابقى غير ذكره الطيب ورجاجيل علمهم المرجله
خوالي النشامى على درب جدي والمرجله صاملين
عيال مبارك راعين الاولها ابوهم حلال العقد والمشكله
الخير يسبقني على مدحهمويوصفهم من الناس الطيبين
لا من جيت امدحهم قال لساني مدحهم يا مصعبه ويا مسهله
الصعب المدح بالكلام والسهل تقول اشكالهم من الرجال نادرين
وبالاخر اختم ابيات قصيدي مثل ما بديت بها من اوله
بذكر الله والصلاه على رسوله والرحمه على الميتين
وسلامتكم
واتقبل ردودكم وانتقاداتكم بصدر رحب 
وعليكم السلام ورحمة الله وبركاته
وصلى الله على محمد وعلى اله وصحابته اجمعين
ياهلا فيك بينا ويسلم راسك وراس من دلك علينا
والفرزدق له مده مفقود
وصل له سلامنا
صح السانك اخوي
قصيده رائعه جدا جدا
وكلمات فيها رثاء وفخر
هذا رائيي فيها
واكيد لشعراء المنتدى ارائهم
والله يرحمه ويسكنه فسيح جناته
ويرحم جميع المسلمين
تحيتي