بدر الظاهري .. أسم ستخلده الذاكره الشعريه .. والقلوب العاشقه .. إلى أن يرث الله أرض الشعر وساعته .
لن أطيل عليكم ,, ولكن يسعدني أن ازف إليكم إحدى روائع البدر الصاخبه لهذا الموقع الرائـع
( لعيون تركي ) قصيدة كتبها حينما بشـر في ولادة تركي أبنه الوحيد الأول ..
لعيون تركي صهيل الخيل=والليل لا عانـق أحبابـه
ديرة ربوعي سقاك السيل=يوم ان تركي وطى ترابـه
دار النشامـا ودار الهيـل=وأفعالها حرب .. (حرابه)
اللابه اللـي تهـد الحيـل=من وين ماجيتهـا لابـه
ماتقبل الغـش والتمثيـل=ولاتقرب الذل واصحابـه
منزالهم فوق نجم سهيـل=وفيهم من الجدي مرقابـه
والله يالشعر ليلـك ليـل=أفعالهـم ماهـي إكتابـه
ورثن من أجيال ماهو جيل=مايموت والنـار شبابـه
ماني مغني لبحـر النيـل=طـاروق ٍ الكـل غنابـه
سراية المزن يـوم أخيـل=ماللطواريـق متشـابـه
على ديار أبيض المنديـل=طفل ٍ تركته على أعصابه
يستاهل الحـب والتدليـل=لوقالوا أسرفـت بألعابـه
تركي يابوك الزمان يميـل=وقلوب هالنـاس مرتابـه
يابوك كلش علينا إدخيـل=وأفكارنـا راحـت نهابـه
حنا بزمن يكثر التضليـل=وإلا هالإرهاب وش جابه ؟
ياتركي جدودك أهل الخيل=لا أوصيك يانسل هاللابـه
واللي لثقل الحمول يشيـل=ماخاب من هـو تهقوابـه
تكبر وأعلمـك بالتفصيـل=درس ٍ ولا غيرك أولابـه
لو إن هالوقت حط وشيـل=والحـر يشبـع بمخلابـه
رآٌقت لِي :d
وانا بعد راقت لي
صح لسان ابوتركي
وتسلم يدكِ خجوله على القصيده
عوافي 
هلا وغلا اسير
يسسلمك ربي
منور بحضورك
مرآحب ابو اساامهـ
يعافييك ربي ويسلمك
منور بحضورك
روووووعة تجنن عجبتني حيل ..
صح لسان كاتبها (ابو تركي )..
.gif)
تسلم ايديك خجوله على الانتقاء الرائع والمميز جدااااا
وصح لسانه والله شاعر ولد شاعر
يعطيك العافيه
مودتي
هلا وغلا عاشقهـ الاطخم 
يسسلمك ربي
نورتي بحضورك
هلا وغلا جزوو
يعافييك ربي
نورتي بحضورك ولاهنتِ
هلا
خجووله
رائعه انتي والقصيده ,,
تسلم اناملك ياذووق وتقبلي تحيتي ..
سااحر