قصائد محمد جارالله السهلي , شعر حب وغزل محمد السهلي , اشعار قصيرة جديدة للشاعر محمد جارالله 2024.

اشعار , شعر , قصائد , غزل , حب , قصيرة , محمد , جارالله , السهلي ,

قصائد محمد جارالله السهلي , شعر حب وغزل محمد السهلي , اشعار قصيرة جديدة للشاعر محمد جارالله

اشعار جديدة للشاعر محمد جار الله ، شعر عتاب جارالله السهلي , شعر شوق محمد جارالله السهلي , شعرلوم وعتاب محمد السهلي , صور محمد جار الله السهلي , شعر حب قصير محمد جارالله , اشعار قصيرة جديده محمد جارالله ، قصائد محمد جارالله السهلي , قصيدة محمد جار الله السهلي , شعر جديد للشاعر محمد جارالله السهلي *

اشعار جديدة للشاعر محمد جار الله ، شعر عتاب جارالله السهلي , شعر شوق محمد جارالله السهلي , شعرلوم وعتاب محمد السهلي , صور محمد جار الله السهلي , شعر حب قصير محمد جارالله , اشعار قصيرة جديده محمد جارالله ، قصائد محمد جارالله السهلي , قصيدة محمد جار الله السهلي , شعر جديد للشاعر محمد جارالله السهلي *

طاحت الدنيا قبل طيحة دموعي من عيوني ،
ولايم دموع المفارق .. بالملام أحق وأولى !
لا تلوموني على دمعي ولا تستضعفوني ،
ادري ان الدمع غالي لكن الغيّاب أغلى !
*فـ ان لمحتوني سرحت وغبت عنكم نبّهوني ،
واشغلوني في تفاصيل السوالف .. يمكن اسلى !
الجفا حطم عزومي والسهر والف جفوني ،
والصبر بيتٍ يضج بحزن كهل ونوح ثكلى !
فاتنة شعري وبنت احساسي وشيخة لحوني ،
ليييييت دورات الليالي مثلها سمحا وخجلى !!
*سامح الله ذنبها راحت وخلتني بدوني ،
فقدها بلوى وشر .. وذكرها أشر وابلى !
*أتذكرها .. وألوم الحظ واعاتب ظنوني ،
آه يا لولا الظروف .. وآه من قولة يا لولا !
*يرتفع سوق العذارى بالحلا ويطيح دوني ،
لو لهن : رزة قوام ، وعنق ريم ، وعين نجلا !
من يعوّض .. فارعة عقلي وميّاسة جنوني ،
ومن يبدل ويتجاوز سقفي العالي بالاعلى !
يكفي انها ماتشابه غيرها تشبه طعوني ،*
ماهي بـ حلوه ولكن طاهره والطهر احلى !
دام ربي خالق دموعي لجل تبكي عيوني ،
والله اني في دموعي لاحزنت أحق وأولى !

يافاتنه عن نور وجهك أمس /
ابسألك .. وابفضح جناني ،
اذا طلعتي مع طلوع الشمس /*
من فيكم بـ يشرق على الثاني ؟

على زعلك وضيقتك وبكاك /
تقـدر تقول .. ادوّر السبّه ،
من اوّل احبك واحب رضاك /
والحين ما احبك ولا احبّه !

*اعزمني الليله على وجهك وصوتك واعزمك
على القصيد اللي من الخاطر ومن زود رهوه
تعال وايدك فاضيه وبشكرك على كرمك
وجهك sweet وصوتك المبحوح فنجاله

~*

ما كنت اخليك تحتاجين اهل بيتك ،
و فـ عز ما كنت محتاجك .. تركتيني !
راهنت وقتي على حبك .. وحبيتك ،
لكن خسرت الرهن وانتي خسرتيني !

أسألك بالله .. فيه اصعب وفيه اقسى ،
من اني ألمح على كل شيّ .. ملامحه ؟
ما راح اضره ابسكت وابتعد وانسى ،
بس اني اسامحه .. والله ما اسامحه !

*من حقك امر جنبك ما تناديني*
الوجه هذا غريب ولا تعرفينه*
تحسسي نبرتي يمكن تعرفيني*
انا بقايا رجل كنتي تحبينه . . . ♡*
:

*أنا أنايين .. مالي أي دخل فيها !
أناي هذا وأناها قبل تخذلني
آسف على كل حاجة صرت اسويها ،
وربّي .. أناي هذا ما يمثّلني !

الكريم .. الفقر ما ضرّ كرمه /
لو محا مايملكه كله .. محي ،
لاعرض له ضيف طلّق واعزمه /
يستحي لو الفقر مايستحي !

يا أول انسان .. والفته وحبيته ،
ويا آخر انسان جوّه وافق لجوّي*
اللي تسويه فيني / فيك سويته ،
أنا مثل ما تسوّي لازم أسوّي !!

*

الشوق .. لازم يعتبر عذر طبي ،
قاسي وقلب اللي يحبْ مايقاوم*
خوفاً على قلبي ونبضي وحبي ،
إذا انا مشتاق .. ماراح اداوم*

:
ابقى معي وابقى على طول رايق /
لا خوف لا تفكير لا حزن لا شوق ،
واذا شعرت بضيق قبل اتضايق /
ادق واسمع صوتك العذب واروق

*دكتوري المرموق ،
عندك علاج فراق ؟

هذا الصدر مخنوق ،
مملي تعب وارهاق

آحس فيه فتوق ،
واعراض فقر عناق !

خلّصني من الشوق ،
انا .. تعبت اشتاق

حببتني في حياتي واسلبت مني حياتي،
وكل ماتطري علي ادعي لها وادعي عليها
قادر اتركها ولكن كيف بترك ذكرياتي،
وهي اجمل شي في دنياي واسوء شي فيها

*أدري اني جد من قلبي بغيتك /
وادري اني رغم كل هذا خسرتك ،
انتظرتك عمر .. حتى اني لقيتك /
والقهر مدري على ويش انتظرتك ؟!

*

:*
صحصح وخل الضيق والحزن واللوم ،
وأستقبل الصبح بـ رضا وابتسامه
وقرر تسافر لـ .. أمنياتك من اليوم ،
وبإذن الله .. بتوصل لها بالسلامه ..

*العام .. في كل لحظة اقدر اشوفك ،
واليوم ما اقدر اشوفك بالعمر .. مره !

*عجزت لا اصارحك واجاوب اسألتك ،
حاولت بس اختنقت وعيّت .. العبره*
مشكلتي اغليك واعزك .. ومشكلتك :
كسرت لك شيّ ما تقدر على جبره !

*ليتني كل ما مريت في باله ،*
ادري اني على باله ومريته !

القرب .. كبّر ( قيمة ) حضوره ،
واوهمني انه .. أجمل وأكبر ..
وعن بُعد صارت اوضح الصوره ،
الاشياء دايم من بعيد اصغر !

*عطيتك العشق والتقدير واشواقي ،
وانتي بعد ماخذيتي وش عطيتيني ؟
تستاهلين الوداع ودمعة فراقي ،
انا عشقتك ولكن ما عشقتيني !

:

فقدت : وينك ؟ وش تسوي ؟ متى ترجع ؟*
ماني بـ محتاج لك .. محتاج لـ اسألتك !

يا رب هـ المرّه .. هـي آخر مرّه ،
ولا هو بـ شايفني ولا لامحني*
ادري حلفت ان شارعه ما امرّه ،
لكن انا مشتاق له .. سامحني

اجيك متضايق ومرهق ومتعنّي /
واروح ودموع عيني عنْك ساترها ،
ودّي اعلّمك بـ همومي و لكنّي /
آآآخاف اعلّمك فيها .. ما تقدرها !!

لو كان عندك ذوق واحساس وشعور ،
ما تشتكي ذكراه .. قدام عيني !

*

هذي ( طريقة حياتك *) قبلي و بعدي ،
ومن حقك إتعيشها على .. طريقتها*
شف وضعك اليوم واذكر وعدك ووعدي ،
هذي هي اخصالك وهذي حقيقتها !

:*

نشف دم العتاب وجف ريق اللوم /
معك ضاع الكلام وماتت احلامي ،
وش اللي ممكن اقوله وانا مصدوم /
بعد ما مات أجمل حلم قدامي ؟!

*وديٍ . .} *

تابع ايضا

اشعار حب وهيام قصيرة 2024 , شعر غزل للشاعر خلف الضيف , قصائد الشاعر خلف الضيف

اشعار , شعر , قصائد , غزل , حب , قصيرة , محمد , جارالله , السهلي ,

قصائد محمد جارالله السهلي , شعر حب وغزل محمد السهلي , اشعار قصيرة جديدة للشاعر محمد جارالله

جمييل فزفز