————-
ابد ماجيتك ابارك لك ولكن جيت ابوصيك
على الله ناوي(ن) تدخل بها الليلة معذبتي
ترى لولا الظروف الي عطيتك وحدك محاكيك
قسم بالله ماتدخل عليها لو على رقبتي
ولكن النصيب اقوى ولا ادري ويش اسوي فيك
نعم صارت معزبتك ولا صارت معزبتي
اذا شاءت بنا الاقدار تحرمني لجل تعطيك
كذا لازم عشان تفوز انت وانا خسر تجربتي
تراها غاليه جدا وتكفى والله يخليك
تدللها وتدلعها وتنسيها مصاحبتي
انا من كثر مغليها أحس اني بديت اغليك
ولاتسال باية حق والا وش مناسبتي
لانك ل و بتسئلني بتسمع شئء مايرضيك
لذا ياخوي لا تسائل ولا تسمع لاجوبتي
ابيك تحطها في داخلي عوينك وبين ايديك
وهي دلوعة اعتادت على كثر مداعبتي
فداعبها شوي شوي حتى تشتهي طاريك
وشاغبها إلــين تقول : بطل من مشاغبتي
وأذا هي مالها خلقك ، ولا تضحك ولا تسليك
تحملها وأسئلها ياعمري ليه عصبتي
وبالك أسمع انك يوم تضربها وهي تشكيك
مايحتاج اوريك لك بفن الضرب موهبتي
صحيح انك بتملكها ومعاك العقد بالتمليك
وأنا عارف حدود الله ومن حقك معاقبتي
ولكن قول لها المجنون وصاني وهو يعنيك
يقول انه بينتظرك لو شيب وشيبتي
وانا مجنونها اللي مانسااها وانت مايمديك
تغطي ذكرياتي في هواها وربع تجربتي
أحس اني تماديت بكلامي والغضب حاديك
ولو انك في مكاني ماتفكر في محاسبتي
كفاك اني تركت الليله أشغالي عشان أجيك
دخلت القاعة برجلي ولا أدري ويش عاقبتي
وأنا ماجيت أخرب عرسك الليله ولا أذيك
أنا جيتك عشان أخاطبك وأنت تسمع مخاطبتي
توصى وانتبه واحرص عليها والله يهينك
ترى كل الكلام الي طلع من ضيقي وكبتي
ولكن ماقدرت اني اقوله وانته مايخفـــيك
أخـأف اني اذا قلته تقوم وتقطع رقـبـتـي
—————————-
قصيده مؤثره ومحزنه
اخوكم
الباحث
موضوع حلو
… لك مني أجمل تحية
وعليكم السلام ورحمة الله وبركاته
يعطيك العافيه
يسلمو على المرور
قصيدة جدا مؤثرة
يعطيك العافية لروعة الاختيار
تحيتي
يسلموووو ، الثريا على المرور اسعدني مرورك
|
تراها غاليه جدا وتكفى والله يخليك
تدللها وتدلعها وتنسيها مصاحبتي انا من كثر مغليها أحس اني بديت اغليك ولاتسال باية حق والا وش مناسبتي الله الله قصيده جدا جميله ومن القلب ذوق رااااااائع تستاهل التقييم كنت هناء |
تسلم أيدك الباحث
قصيدة رائعه
موفق بإذن الله … لك مني أجمل تحية .
يسلموو على المرور
والتقييم يعطيكم العافيه
يسسسسسسسسلمووو الباحث
كلمات حزينه بس روووووعه
ودي