ليه الشيطان بيحاول بكل الطرق اغوائك والوصول بك الى النيران والهلاك ؟
السر هو انه معتقد انك السبب في طرده من الجنه ومن رحمة الله
لما ربنا امر ابليس يسجد لسيدنا آدم ابليس عصى واستكبر فبيقول انه لولا انت يا ابن آدم لما طردت من رحمة الله
لذا فقد اعلن عليك الحرب هو خلاص عارف انه في النار
زي ما بيقولوا ضايع ضايع فأخذ العهود على نفسه وأقسم بعزة الله انه سيحاول اغواء ابناء آدم
زي ما بيقولوا قال انا مش هدخل النار لوحدي انا هجمع اكبر عدد من بني آدم
ياترى حاسس قد ايه بيكرهك
تخيل لو ليك عدو من بني الانسان وانت عارف انه عدوك وبيتمنى لك الفشل
في حياتك مثلا مش بتبقى عندك اصرار انك تنتصر عليه وتخيب ظنونه طيب ده انسان
زيك زيه في حلم من احلام الدنيا امال ليه مفيش اصرار انك تقهر الشيطان وتنتصر
عليه فيما هو أجل وابقى من الدنيا وهو الآخره عارف لما بتسجد لله بيكون هيموت
من الغيظ بيقول أمر ابن آدم بالسجود فسجد وأمرت بالسجود
فعصيت اتمنى تحس قد ايه بيكرهك
معرفة الشيطان زي ما العقاد بيقول في كتابه ابليس كانت فاتحة خير لان بيه
عرفنا ان فيه خير وفيه شر والشيطان عايز يثبت عجزك امام اغوائه
لكن كيده زي ما ربنا بيقول ضعيف
تعرف حتى لو أخطأت بردو تقدر تهزم الشيطان بالاستغفار والتوبه
لكن اوعى تيأس وتترك المعركه لأن هو ده اللي الشيطان عايزه
وهقولك انه ليست القدسية ان تكون نورا وانت نور ولا ان تكون نارا وانت نار
وانما الدقسيه ان تجتهد ان تصل الى الدرجات العليا من العبادة وانت من تراب
احنا مش محتاجين نقرأ في السيكولوجيا
ولا نعمل ايديولوجيات علشان نحل
مشاكلنا احنا محتاجين نفكر وبالفطرة اللي ربنا خلقها فينا وجعلنا نشهد له فيها
بالوحدانيه منذ ان كنا في الاصلاب وبتمسكنا بدينا الحنيف اللي تقبله الفطره
السيلمه بإذن الله هنوصل للصواب
وهنقول اننا قادرين نقاوم
الشيطان قادرين نثبت انه هو اللي ضعيف مش احنا
أعاذنا الله واياكم من همزات الشيطان
جزاكـ الله خيرا رائـــــد
ع الطــــــرح الرائــــــع
لا عدمنا جديـــــدكـ المميـــــز
ودي 
جزاك الله خير ونفع بك
بارك الله بك
وجزاك الله خير الجزاء
تحياتي لكم
ونفعنا الله واياك بهذا الطرح الرائع
تحياتي