رمش العيون السود هو سبة الجرح
خل الخدود وخل عنـك الشفايـف
بعطيك موجز مع قليلٍ من الشـرح
ان كان منت من ادعج العين خايف
لاسلهمت تشوف من حولها طـرح
برماحها اللي مثل حـد الرهايـف
فيها الحزن والضيق والسعد والفرح
فيها من الاضـداد تلقـى ولايـف
السحر والموت الحمر بانيٍ صـرح
بين الرموش السود بابه مسايـف
ماحولها حد النظـر منبـرح بـرح
واللي يقف ماطاح يبقـى مهايـف
باسبابها قلب العنا صايبـه قـرح
ماتضرب الا بالضلـوع النحايـف
سبحان من صور بها الفرح والترح
واضفى عليها من بديع الوصايـف
بحسابها ماينفع الجمـع والطـرح
ولاتقبل القسمـه وتاخـذ نصايـف
ياليت يكتب في جبين الضبا شـرح
تنبيـه بالاخطـار قبـل الكلايـف
يكتب على ماقالوا اهل الهوى جرح
يعني عذاب وحسن طاغي وكايـف
تحيتي وصايف
صح لسانك
كلمات بمنتهى الجمال
تناثرت حروفها لتعلمنا معنى العشق والاشواق
يا لك من شاعر مرهف المشاعر
دمت ودام قلمك يلمع بنثره
مودتي لك