السلام عليكم ورحمة الله وبركاته
اللبنة السورية – طريقة تحضير اللبنة السورية – لبنة المونة
اللبنة المكبوسة او بالاحرى المونة
طريئة تحضيرها :
1- بنجيب 3 او 6 او على حسب ما بدك انتي لبن وكل 1 كيلو لبن بيطلع نصف كيلو لبنة لانو بتعرفي فيه ماء كتير وبنجيب لكل 1 كيلو لبن كاسة كبيرة من الحليب الصافي دسم او اقل دسم الي انتي بدك ياه
2 – بنجيب كيس خام الي هو (( كيس الطحين )) بنغسلو منيح لحتى نروح منو الطحن اذا كان موجود فيه او جيبيه نظيف اذا بينباع بالسوء بنحط اللبن الكمية الي بدنا ياها مع العلم انو كل 1 كيلو لبن بسوي نصف كيلو لبنة وشوي وبنحط مهو ملح طبعاً لكمية على حسب كمية اللبن او اذا بتحبيه مالح او اقل ملوحة
3- بعد ما نحط اللبن بالكيس بناخدو على البرندة الي هي (( فسحة البيت )) ومنعلئو بحبل وبنخليه بمكان عالي وبنحط تحتو جاط او طشط او صينية كبيرة بمعنى (( شي غميق )) لحتى ينزل المي على الطشط
4- بنخليه لتاني يوم الصبح لحتى ينشف الماء منو وانتي طبعاً بتلمسية وبتشوفيه اذا راح الماء منو وبنجي بناخد الكيس وبنئلبو على صينية كبيرة وبنخلطو مع بعط لحتى نشوف خليط اللبة الي بدنا ياها وطبعاً رح تشوفي لونه ابيض ثلج
5- بنخليه لمدة ساعة على البرندة طبعاً مو تحت الشمس وقت الليل وبعدين بنجيبة وكمان بنخلطو مرة اخيرة
6- هلأ بنجي لطريقة تخزين اللبة الي بسوي طعمة اللبنة متل مو شايفة بالصورة بنجي اللبنة وهي على الصينية وبناخد مقدار كف اليد او على حسب انتي كيف بتحبي تكون اللبنة مدور كبيرة او صغير وبنبلش ندحرجها لحتى تصير متل الطابة وطبعاً رح تلائي سهولة كبيرة وفوراً بتصير معك
7 – بعد ما نصف اللبنة بالاطرميز (( قدر زجاج )) وبنجط فيه زيت زيتون صافي وينصح يكون من اطيب الزيوت لحتى تكون الطعمة اطيب بعد ما نكون حطينا الزيت لحد انو نشوف تغطو كل اللبنة بنجيب الغطاء وبسكر فيه الاطرميز وفوقه قطعة قماش وبتربطيها بربطة حبل وبنخليه لمدة شهر
السلام عليكم ورحمة الله وبركاته
اللبنة السورية – طريقة تحضير اللبنة السورية – لبنة المونة
عاشت الاياادى حبيبتى قوووت 
ذكرتيني يقووت ب ستي بتعمل وصفه زي الي اتفضلتي وشرحتيها بالاخير تصير لبنة لززيزه جداً ..
تسلمي ي غاليه ع الشرح الواضح …
تقديري …
يسلمك غرامووو
نورتي
تسلميلي قلبووو مسكووو
نورتي
اللبنة المكبوسة – طريقة عمل لبنة المونة – اللبنة السورية
تسسلم الايادي قوت
نورتي تيموووو