يهتدون القوم مـن راي العقيـد
والمعاني../ بالعقـول الصافيـه
والرسايل../ يوم أخّرها البريـد
مع مرور الوقـت جتنـا لافيـه
ويوم شفت الذيب في ظل الجريد
ماهقيت الذيـب عينـه غافيـه
يانديمي../ وإن حكينـا بالمفيـد
الشعر../ ماهو ب../ وزن وقافيه
الشعر إحساس../ ينبض بالوريد
إن تترجم جت../ حروفه دافيـه
كل ماقلنا لها هل مـن مزيـد.؟
ماتجاوبنـا ب../ لاء النافـيـه
تنظم الإبداع../ في عقدٍ فريـد
كل حبّة لولو../ شمـسٍ ضافيـه
يانديمي../ إتبع الرآي السديـد
كان تبغالك../ قصيـده وافيـه
واللي من نقده../ أبى لايستفيـد
مثل من يمشي../ ورجله حافيـه
يانديمي../ وإن سألت عن القصيد
من مجرّب خذ../ إجابه شافيـه
في قصيده../ كنّها طعم الثريـد
من تذوّقهـا../ عليـه بعافيـه
فعلا الشعر احساس ينبض بالوريد
صح لسانك ويعطيك العافيه على الطرح
دمت بود
نعم صح لسانك
الشعر احساس
يترجم الى كلمات
ويشعر به الشاعر بقووووووووة
ونظم مميز ينقل رسالة للقارئ
ويجعله ينتقل الى عالم الخيال
بطريقة جميلة وجذابة
يعطيك العافية اخي
دمت بخير
تحياتي
