الدنيا حزينة النهاردة والشجر طالع والغيوم طاله .. والبحر لونة غريب غامق .. داكن وشكلة حزين .. يا ترى يا بحر الهوى حزين فيك أيه ؟
مالك حزين وجاى تجرى بأمواجك من بعيد ..
والسحابة بتغيب وبتغيم .. وبتخلى لونك وشكلك غريب .. حتى الهوا اللى طالع منك بعد ما كان بيحسسنا بالحب والأمان بقي بيخلينا
نخاف من الحنان …
كان زمااان فيه بحر وهوا وشجر وعيون مليانة فرح وسهر .. بس النهاردة الدنيا حزينة وسكتة ليه ؟
حتى اللى كان بيفكرنا بزمان … بعد ما يفرحنا شوية بأيام زمان نرجع ونحزن تانى من جديد ..
أد ما الذكريات بتفكرنا بحاجات وأشياء جميلة كانت بتمر ومرت بحياتنا .. أد ما بنجرع نزعل ونحزن حزن كبير على الأيام اللى ما ليها
رجعه أبداً غير أن أحنا نتذكرها ، وتخدنا الذكريات لأيام فات عليها زمان …. وزمان بيحي فينا اللى كان وباللى كان بنعيش النهاردة مش
زى زمان ..
زمان كانت قلوبنا بريئة وماليانة حب وفرحة .. أما النهاردة البراءة معتش ليها لزوم نعيش بيها لأنها مابقتش موجودة زى ما حاجات كتير
ما بقتش مفهومة .. حتى المفهوم بقي معدوم زى اللى عايش ومش عايش .. علشان كدا الدنيا حزينة على أحوالنها …..
كلمات جميله
تسلم الايادي
سلمت يمناكِ اختي العزيزه كلمات في منتهى الروعة والجمال
لكِ مني اجمل تحية
كلمات رائعة جدا
تسلم الايادى والانامل
لك منى كل الود