الجواز عن حب…وراء أكبر نسبة طلاق…!! 2024.

بقت جملة مشهوره جدا…أشهر من جملة “لو لم اكن مصريا لوددت ان اكون مصريا ” لمصطفى باشا كامل…!!

طيب بالعقل كدا مين من اللى بيردد الجمله دى مقتنع بيها…اكييد ولا واحد…ازاى الحب الى هايتسبب فى الطلاق….الا اذ؟؟!!ا….الا اذا كانت الناس مش عارفه ايه الحب …والفرق بينه وبين الانجذاب بس!!

ايوا…ماهوا لو الناس فهمها للحب هو مجرد الانجذاب “الكيميائى” او “تبعا للهالات” فى علم الطاقه” و بس..!!! اه…فعلا هو دا بيبقى سبب من اسباب الطلاق لانه بيبقى مبنى على الشكل بس وان الشخص التانى بعيد…وكمان ان كل واحد بيبين للتانى فى الحاله دى “”افضل حالاته”" ودا مش من باب الكذب او التضليل وانما من باب الاعجاب والخوف من بعد الشخص المنجذب ليه.. الحب الحقيقى…اللى “”هيعيش بجد”" هو الحب اللى بيبتدى ب”"قبول”" او “الانجذاب الكيمائى او الهاله” زى ماقلنا فوق..بس بيزيد كل يوم بحاجه حلوه تتعمل فندى عليها “بونت” احساس حلو زياده فزياده فدرجة الحب…فالحب هنا بيزيد…لأن التوقعات بدأت كمان ب “”قبول”"وانى عاوزة “اعرفك” و”تعرفنى” وبعدين نحاول نتأقلم على الفروق بينا مش..ب بحبه يابابا وهاموت لو متجوزتوش دا فظييع دا مفيش منه اتنين ع الكره الارضيه !!!…أما الحب “الكيماوى ” اللى بيبتدى كبيييييييير ويفضل يصغر…بغلطه ونقلل اصدها فحبنا واحنا بنضغط على نفسنا علشان نقتنع بأن دا الصح…يصغر…بالتانيه…لحد مايكش وتبقى مش شايفه ..هو دا اللى بيبقى ورا ارتفاع نسبة الطلاق..

متبتديش فى اى حاجه فى الدنيا بتوقعات عاليه جداااااااااااااااااااا لان لا كامل الا وجه الله…فمهما كان فعلا الشخص دا قريب اوى مالمثاليه فأكيد…اكيييييييييييد…فيه على الاقل ولو غلطه واحده…ودى ساعات بتبقى القشه التى قسمت ظهر البعير عند شريكه لو هو من نوع انى بحبك علشان مفيش فيك غلطه…ف اول ما هتبان الغلطه دى…هيتصطدم فيه..وممكن يقول انه غشه كمان وانه كداب…لمجرد انه عنده غلطه واحده!!!

اختار صح…ومتفوتش ولا تفوتى حاجه ولو صغيره فى فترة الخطوبه ليكى عليها تعليق او بتضيقى منها…وتقولى هاتعود…ولا هاغيره ولا هاغيرها ولا ممكن اتأقلم…متضمنيش ايه اللى هيحصل بعد كدا…وخصوصا لو النقطه دى التفاهم بينكم…بحذرك دى الخط الاحمر فعلا…

ونداء الى جميييييع الاطراف “المعنيه” متبينش حاجه مش فيك علشان تحبك اكتر…دلوقتى هتعملها او تعمليها علشان انتو بعيد عن بعض …لما هاتبقوا فبيت واحد ومن كلام الابحاث اللى اكد ان الحب بعد الجواز بيقل فعلا وبيحتاج انكم تقرروا تجددوه…

مش هيبقى من السهل انك تلونى نفسك كدا او تلون نفسك علشان ترضى شريكك وتبينله انك واااااااااااو وفظيع…هاتتعب…فتزهق…فممكن كمان تكره…فتطلبى الطلاق…او تطلق…والموضوع ابسط من كدا….افهم الحب صح…قدر الطباع الحلوه قوى وزود الحب بيها وركز عليها…والطباع اللى مش حلوه لازم تبينها مالاول علشان نصك التانى ميتفجأش بيها بعد كدا..وعلشان متبقاش مضغوط نفسيا انك لازم تبان جميل علشان”" تعجب”" ومتبقاش واخد راحتك و مقيد بافكارك….فلا تعرف تقيم اللى ادامك صح ولا تبقى بطبيعتك فترتاح وتحس بالسعاده….ومن الممكن الطبع اللى انت بتخبيه دا يكون حاجه بيحبها شريكك اصلا وانت اللى اديت نفسك انطباع انه طبع وحش وهيكرهنى علشانه فى الوقت اللى التانى بيتمنى انه كان يبقى فيك… ودا لآن مش كل الناس عندها الحلو واحد ولا الغلط او الوحش بردو واحد….

وعلشان القرار يبقى ف ايد النص التانى هايعرف يتعامل مع الطباع دى ومش مسبباله مشكله ف هايكمل وتتفاهموا ودا يؤدى لحياه سعيدة ليك وليها…ولا مش هيقدر فنوفر التعب والمشاكل من الاول!!!