اجمل شعر عن الكذب قصيدة عن الكذب 2024 2024.

لبعضُ جيفة كلب خيرُ رائحة….. من كذبة المرء في جدّ وفي لعب

إياك من كذب الكذوب وافكه…….. فلرُبما مزَج اليقين بشكه

ولرُبما كذب امرؤٌ بكلامه…….. وبصمته وبكائه وبضحكه

إذاعرف الانسان بالكذب لم يزل…. لدى الناس كذاباً ولو كان صادقا

فان قال لم تصغ له جـلساؤه…….ولم يسمعوا منه ولو كان ناطقا

الكِذْبُ يُرْدِيكَ، وَإنْ لَمْ تَخَفْ —– وَالصِّدْقُ يُنْجِيكَ عَلَى كُلِّ حَالْ

فانْطِـقْ بِمَا شِـئتَ تَجِدْ غِبَّـهُ——- لَمْ تُبْتَخَـسْ وَزْنَةَ مِثْقَـالْ

الصدق مفتاح القلوب المقافيل

ياماحلا طعمه ولونه وريحه

لونه بياض وريحته كنها الهيل

والذ من طعم الشفاة المليحه

بس اعذورني ماعلى الوصف تهويل

ايجمل الاخلاق لو هي شحيحه

له وقفةٍ عند النسا والرجاجيل

مايثبت الا فالنفوس الصحيحه

لوّه مره ماضيعوها المشاكيل

ولوّه رجل مافيه بنتٍ تزيحه

اتعب على الصادق وكب المهابيل

هذي النصيحه كان تبغى النصيحه

والكذب ماحبه ولا فيه تحليل

ياخنز ريحه والوصايف قبيحه

لونه سوادٍ مجهمٍ كنه الليل

واجمل وصوفه سرعته في مطيحه

ماتلقطه مرات لو جبت دربيل

لكن تحرّص يوم تسمع فحيحه

حبله قصير وقطّعته المقابيل

هراجة المقفي تعدّه ذبيحه

امسيلمه وابليس والقال والقيل

ذولا معازيمه وياهي فضيحه

جنب عن الكذاب مافيه تبجيل

لاحله الله لا ولا الله يبيحه

مدري متى يصدق ويوفي لي الوعـد

مـليت أنا من كـثر ما اســمع وعـوده

كل مـا اتصــل به دوم يتجـاهـل الرد

ولا مـن صـــدفـته آه مـا ابـرد ردوده

ولا مـن طــلبني حـضـــرته لازم ارد

يعــني يبيني خـاضع(ن) في وجــوده

الحــاجه اللي جـابته صــارت الســـد

وكـل الهــدايـا مـا تهــــدّم ســــــدوده

يحـســب تنسـي كـذبته شــيلة الـورد

مـا يــدري الهـجــــران مــوّت وروده

الورد يســقـيه الوفــا وصــادق الـود

ويمـــوت من كـثرة جــفاه وصــدوده

ما قد طرت له دمعة(ن) تجرح الخـد

ولا عــرف وش هي نتـايج جـحــوده

صبرت وصبري واصل(ن) آخر الحد

والكــذب عـــنده مـا عــرفـناحــدوده