إعرف نفسك من ضحكتك 2024.

صاحب الضحكة هذي وسيع صدر , حبوب , طيوب , مجامل بشكل كبير , مسالم و على نياته , دايم مبسوط , بارد , أشين شيء إنه يضحك أحياناً في مواقف غلط !!! يعني مواقف حزينة يجيك يضحك يصير ودك إنك تصكه باللي معك , غبي , مليح

إنسان شايف نفسه , متكبر , ضحكه قليل , ثقيل , متسلط , يحس بالنقص , ثقيل دم , أحسن طريقة للتعامل معه هي القمع و الشكم و عدم رفعه من أرضه عشان يعرف إن من تواضع لله رفعه

هذي ضحكة الجافي , إنسان مرتب يعني إذا دخلت غرفته ما تلقى فيها عود طايح , كل شيء منظم و مرتب … حتى الضحكة , مثقف و يلبس نظارات 12 بوصة ( وش البوصة أصلاً !!! ) … يعني نظارات أكبر من وجهه , ما يضحك كثير بس يبتسم واجد , شكله كذا يخليك ترتاح له و تشكي له , عادةً تلقى عنده الحل , لو ما لقيت الحل أهم شيء ترتاح , كتوم

إنسان شرير , يموت في النذالة و الشر , قمة الوناسة عنده إنه يرج بيبسي و يعطي أحد يفكه له , عيونه يطلع منها شر , مركب ضروس ذهب عشان إذا ضحك تلمع و تقهر , أحسن طريقة للتعامل معه هي العمل بمثل " إبعد عن الشر و غني له " لكن مهما حاولت تبتعد عنه هو بيجيك لأنه يموت و يسوي فيك مقلب , لكن إنتبه تعطيه فرصة لأنه لو ما قهر أحد يصدع راسه , الله يعين اللي حوله عليه

إنسان مضيع بمعنى الكلمة , يعني لو تسأله عن إسمه يقول ممكن الإتصال بصديق , إذا مضطر تدخل غرفته إفتح الباب من بعيد عشان لا قدر الله و طاح شيء , العلك ما يطيح من فمه و يقعد يمعط فيه بعد يعني يمسك طرف العلكة بسنه و الطرف الثاني بيده و هات يا تمعيط و يلوي فيه و يسوي حركات بهلوانية , إنسان لو تصفق فيه و تهزئه ما درا عنك … يحسبك تتكلم عن ولد الجيران , الدنيا ما قامت ولا قعدت عنده , الشيء الوحيد اللي يستفزة إنك تتكلم على أمه او أبوه يقالك بار , و هو كيس الزبالة يخيس عند الباب ما طلعه